اهواك - عبد الحليم حافظ 1985
انتاج: شركة صوت الفن
الأغاني:
تلحين: محمد عبد الوهاب
اهواك
كلمات: حسين السيد - توزيع موسيقى: اندريه رايدر
كنت فين
كلمات: حسين السيد - توزيع موسيقى: اندريه رايدر
يا قلبى يا خالى
كلمات: حسين السيد - توزيع موسيقى: اندريه رايدر
علشانك يا قمر
كلمات: مأمون الشناوى - توزيع موسيقى: اندريه رايدر
توبة
كلمات: حسين السيد - توزيع موسيقى: اندريه رايدر
عقبالك يوم ميلادك
كلمات: حسين السيد - توزيع موسيقى: اندريه رايدر
انا لك على طول
كلمات: مأمون الشناوى - توزيع موسيقى: فؤاد الظاهرى
كلمات الأغاني:
اهواك
أهواك واتمنى لو انساك
وانسى روحي وياك
وان ضاعت يبقى فداك
لو تنساني وانساك
واتاريني بنسى جفاك
واشتاق لعذابي معاك
والقى دموعي فاكراك ارجع تاني
في لقاك الدنيا تجيني معاك
ورضاها يبقى رضاك
وساعتها يهون في هواك طول حرماني
والاقيك مشغول وشاغلني بيك
وعينيا تيجي في عينيك
وكلامهم يبقى عليك وانت تداري
واراعيك واصحى من الليل اناديك
وابعت روحي تصحيك
قوم يا اللي شاغلني بيك جرب ناري
كنت فين
كنت فين وانا فين جيتلـي منين
والأيام دي كـانت غايبـة عني فين
نظرة عين فايتة القلب وفيه جرحيـن
من حلاوتهم قلت يا ريت كان لي قلبيـن
قلبي وقلبك كانوا بعيد
عمر ما كان بينهم مواعيد
يوم ما قابلتك كان يوم عيد
شفت أنا حلمه من سنتين
وكلام ساعتين فات في دقيقتين
وقالوه نوبتين قلبين وروحين
كلمة إنقالت وأنا رديت
لحن اتغنى وانا غنيت
رحت اسأل عن حالي لقيت
وتر القلب انقسم اتنين
أول مرة قابلت هواك
كنت نسيت كلمة وياك
أنا دلوقت شايفها معاك
حاتقولهالي إمتى وفين
يا قلبى يا خالى
يا قلبى يا خالي .. جاوب عن سؤالي
مشغول من إيه .. وشاغلني ليه
ليه ليه .. يا قلبي ليه
الدنيا فى عيني بقت حلوة .. إيه اللى زود حلاوتها
وإيه اللى خلاها غنوة .. وإيه اللى خلاك غنيتها
تفوت ع النور .. تقول مش نور وتعشق نور سواد العين
وييجي الليل تحب الليل وتنسى الفجر يوم واتنين
ليه ليه .. يا قلبي ليه
ما يكونش يا قلبي اللى بيجرى لغيرك هو اللى جرالك
ما تكونش قابلت عنيه مرة وميعادهم كان مش على بالك
بتنكر ليه .. شاور لي عليه أشوفه معاك وأروح وياك
تقاسي النار وأنا محتار .. ليه تحرمني أقاسي معاك
ليه ليه .. يا قلبي ليه
علشانك يا قمر
عشانك يا قمر أطلعلك القمر
ما دام هواك أمر أطاوعك يا قمر
بحبك.. أحبك يا قمر
أطويلك السما على جناح الهوا
في روحي المغرمة وقلبي اللى انكوى
واسمعك كلام ما يقوله إلا أنا
عذابي في الغرام من جنة حبنا
قمر سلمته قلبي سلمني للسهر
وف نوره شفت حبي ارحمني يا قمر
حرام يضنيني حبك وعندك الدوا
جمال كلمة أحبك لما نقولها سوا
توبة
توبة إن كنت أحبك تاني توبة
بس قابلني مرة وتبقى دي آخر نوبة وبعدها توبة
توبة إن كنت أخاصمك وأرجع أصالحك تاني
ياما البعد سقاني وياما القرب ضناني
وإن فات طيفك يوم في منامي وجه صحاني
برضه أطاوعك بس أهي نوبة وبعدها توبة
توبة إن كنت حصدق تاني كلامك
مهما حتسأل مش راح أصدق حتى سلامك
بس أوعدني أوعى تبكي وأنا قدامك
أحسن أكدب روحي وأقول أهي نوبة وبعدها توبة
آه من حيرة قلبي وآه من دمعة عيني
كل ما أقول أنساك توحشهم نارك وتصحيني
أجري وأسأل عنك قبل ما انت تجيني
أضحك نوبة وأبكي نوبة وبعدها توبة
عقبالك يوم ميلادك
عقبالك يوم ميلادك لما تنول اللي شغل بالك
يا قلبي.. عقبالك يا قلبي
عقبال حبك لما يغني وأنا مرتاح البال متهني
ودموع عيني ترقص مني لما تشوف الناس جيالك
عمر حياتي عمر هوايا وسنين حبي هي هنايا
نظرة وكلمة اتقابلوا معايا.. كتبوا أول يوم في ميلادك
يا مفرقين الشموع قلبي نصيبه فين
الحب عمره سنة والهجر عمره اتنين
والقلب عاش 100 سنه والفرح له ساعتين
انا لك على طول
انا لك على طول خليك ليا
خد عين منى وطـــل عليا
وخد الاتنين واســـــأل فيا
من اول يوم راح منى النوم
ابعت لى سلام قول اي كلام
مــن قلبك او مـن ورا قلبك
مش يبقى حرام اسهر وتنام
وتفوتني اقاســي نار حبك
النيل والليل والشوق والميل
بعتوا لى وجيت اسال عنك
اشتقت اليك وحشتني عينيك
مش عارف اهرب فين منك
