ادعوك يا سامع دعايا - عبد الحليم حافظ 1978
انتاج: شركة صوت الفن
الأغاني:
ادعوك يا سامع دعايا
كلمات: مرسى جميل عزيز - تلحين: محمد الموجى
يا هلى يا هلى
كلمات: وليد جعفر - تلحين: عبد الحميد السيد
اقول ما اقولش
كلمات: مأمون الشناوى - تلحين: محمد الموجى - توزيع: اندريه رايدر
حاجة غريبة
كلمات: حسين السيد - تلحين: منير مراد - توزيع: اندريه رايدر
بامر الحب
كلمات: مرسى جميل عزيز - تلحين: منير مراد - توزيع: على اسماعيل
كلمات الأغاني:
ادعوك يا سامع دعايا
يا رب سبحانك يا رب
أدعوك يا سامع دعايا
يا عالي فوق كل غاية
يا عالم السر وحدك
والكل لك في النهاية يا رب
إجعلني صادق وأقول الحق لو كان مر
علمني مسمعش إلا صوت ضميري الحر
خليني بسمة حنان، كلمة سلام وأمان
رحمة وعزيمة وعمل نافع يفيد ما يضر
يا رب
يا هلى يا هلى
يا هلي، يا هلي يكفي ملامي والعتاب
لا تلوموني ترى قلبي صويب
علموني واصدقوا برد الجواب
خبروني يا هلي وين الحبيب
ناحلٍ جسمي وأنا بعز الشباب
إرحموني يا هلي قبل المشيب
وصلوا للزين من عندي كتاب
خبروه بالحال يا عله يجيب
ما أذوق النوم أو طعم الشراب
من بعاده عيشتي عيشة غريب
اقول ما اقولش
أقول ما أقولشي أنا خايف أقول
تغضب وتمشي وعذابي يطول
بلاش أقول لك، حالي يدلك
أقول ما أقولشي أنا خايف أقول أنا خايف
لك سر جوة قلبي حرمني من المنام
حرام عليَّ أخبي وأكذب عليك حرام
وإنت في قلبي وإزاي أداري
وإزاي أخبي همي وناري
بلاش أقول لك، حالي يدلك
أقول ما أقولشي أنا خايف أقول أنا خايف
من الفرحة وإنت جنبي ما أقدرش أكلمك
وأنا وقلبي وحبي حالفين نفهمك
داريت آلامي في الدنيا عنك
وأخاف كلامي يحرمني منك
بلاش أقول لك، حالي يدلك
أقول ما أقولشي أنا خايف أقول أنا خايف
إحلف لي ما تخاصمني لو قلت كلمتي
ولا من رضاك تحرمني وتفوتني لوحدتي
مين ليّ بعدك لو يقسى قلبك
وتنسى ودك وأنا بحبك
بلاش أقول لك، حالي يدلك
أقول ما أقولشي أنا خايف أقول أنا خايف
حاجة غريبة
حاجة غريبة، حاجة غريبةالدنيا لها طعم جديد
حاجة غريبة، حاجة غريبة
أنا حاسس إن ده يوم عيد
وأنا حاسة الدنيا هربانة
ويانا في ليل كله سعادة
ليها فرحة حلوة ف عينيا
وحلاوتها سكرها زيادة
أنت عارف ليه؟
قولي أنتي ليه؟
علشان إحنا مع بعضينا
ولأول مرة لوحدينا
ولا حدش بيبص علينا
غير فرحة قلبنا وعينينا
حاجة غريبة
الليل ده كله كان إمبارح
بيزيدني حرمان وقسية
إتغير ليه؟ إتغير ليه؟
حتى سواده له ضي حنين في عينيا
والنجمة دي أنا عارفاها
وتملي بسهر وياها
بس الليلة بتلمع أكتر
وبتندهلي وأنا سامعاها
أهي بتشاور، بتشاور
أهي بتقرب، بتقرب
أنا دلوقتي ماشية معاها
حاجة غريبة، حاجة غريبة
أنت كمان أنا شايفاك ماشي وياها
حاجة غريبة، حاجة غريبة
السما بتغني أنت سامعها؟
أيوة سامعها، بتغني مع فرحة حبي
والموجة اللي هناك دي بترقص
أيوة شايفها، دي بترقص على دقة قلبي
أنت شايف، أنت سامع، أنت حاسس
إحساس غريب قبل النهاردة ما جربتوش
وشعور جميل عمري في حياتي ما عرفتوش
إيه اللي جرالنا إحنا بنحلم
ولا بنحلم كلمني قول؟!
لو كان ده حلم يا ريته يطول
لو كان ده حلم يا ريته يطول
علشان نفضل نحلم كده على طول
والدنيا تفضل هربانة
ويانا في ليل كله سعادة
ليها فرحة حلوة في عينيا
وحلاوتها سكرها زيادة
أنت عارف ليه؟
أيوه عارف ليه
علشان إحنا مع بعضينا
ولأول مرة لوحدينا
ولا حدش بيبص علينا
غير فرحة قلبنا وعينينا، حاجة غريبة
بامر الحب
بأمر الحب افتح للهوى وسلم
بأمر الحب افتح قلبك واتكلم
بلاش نهرب بلاش نتعب
تعالى نحب ونسلم بأمرالحب
بأمر الحب اسمع يا حياة قلبي ندا قلبي
جاوبني بصلي.. قرب كمان قرب هنا جنبي
وهات شوقك على شوقي.. وهات حبك على حبي
وانا وعيونك الحلوة نعيش قصة غرام حلوة
حرام نسكت على قلوبنا.. حرام الشوق يدوبنا
بلاش نهرب بلاش نتعب
تعالى نحب ونسلم بأمر الحب
حياتي دنيتي عمري بأمر الحب مش أمري
بحبك حب محدش قبلنا عرفه ولاصادفه
بحبك حب ومش قادر على وصفه وأنا شايفه
بنظرة شوق بتنهيدة.. بدنيا كلها جديدة
ونجمة مسكتها بإيدي وكانت في الفضا بعيدة
وشيء في الليل متوهني.. وشيء في الليل بيندهني
حرام نسكت على قلوبنا.. حرام الشوق يدوبنا
بلاش نهرب بلاش نتعب
تعالى نحب ونسلم بأمر الحب
