اغنيات خلدت - عبد الحليم حافظ 1973
انتاج: شركة صوت الفن
الأغاني:
فى يوم فى شهر فى سنة
كلمات: مأمون الشناوى - تلحين: كمال الطويل - توزيع موسيقى: فؤاد الظاهرى
حلفنى
كلمات: مأمون الشناوى - تلحين: كمال الطويل - توزيع موسيقى: اندريه رايدر
بيع قلبك
كلمات: حسين السيد - تلحين: كمال الطويل - توزيع موسيقى: اندريه رايدر
بحلم بيك
كلمات: مرسى جميل عزيز - تلحين: منير مراد
فى يوم من الايام
كلمات: مأمون الشناوى - تلحين: كمال الطويل - توزيع موسيقى: فؤاد الظاهرى
اهواك
كلمات: حسين السيد - تلحين: محمد عبد الوهاب - توزيع موسيقى: اندريه رايدر
كلمات الأغاني:
فى يوم فى شهر فى سنة
في يوم.. في شهر.. في سنة
تهدى الجراح وتنام
وعمر جرحي أنا أطول من الأيام
وداع يا دنيا الهنا
وداع يا حب يا أحلام
دا عمر جرحي أنا أطول من الأيام
حبيبي شايفك وأنت بعيد
وأنا في طريق السهد وحيد
وكل خطوة في بعدك ليل وشوق وذكرى وجرح جديد
حبيبي شايفك.. بقلبي شايفك.. بروحي شايفك.. بحبي شايفك
شايف سلامك.. وإيديك.. كلامك.. ضحكة شفايفك
شايفك وليل الفراق ع البعد فارد جناحه
على جريح مشتاق يعرف نهاية جراحه
في يوم.. في شهر.. في سنة
كنت أتمنى يطول العمر واعيش حواليك
ولا اشوف عمري دمعة حزينة تملأ عينيك
كنت اتمنى بس العمر شوية عليك
لو كان بأيدي كنت أفضل جنبك
وأجيب لعمري ألف عمر وأحبك
يا فرحة كانت ماليه عينيا واستكترنها الدنيا عليا
يا حبيبي راح اللي راح وفرقتنا الليالي
ومهما أداري الجراح حتعرف اللي جرالي
في يوم.. في شهر.. في سنة
حلفنى
حلفني بأي يمين
اهواك مهما تكون مين
انا من غيرك مسكين
هيمان حيران.. مشغول البال وحزين
حلفني..
يا حبيبي آدي حالي شرحته
يا طبيبي آدي كل جروحي
هنيتلي قلبي وفرّحته
وبرّدك ردّيتلي روحي
وبكلمة منك بقيت نصيبي
وعرفت إنك حبي وحبيبي
وانا من غيرك مسكين
هيمان حيران.. مشغول البال وحزين
حلفني ..
ودّعتك وأنا أهون ليّا
تفارقني روحي ولا أسيبك
بان حبّك وسألت عليّا
أتاريني يا حبيبي حبيبك
وبكلمة منك بقيت نصيبي
وعرفت إنك حبي وحبيبي
وانا من غيرك مسكين
هيمان حيران .. مشغول البال وحزين
حلفني..
يا شاغلني ليل ويّا نهار
وحياتك يا أعزّ حبيب
أتهنى ويّاك في النار
ولوحدي في الجنة غريب
وبكلمة منك بقيت نصيبي
وعرفت إنك حبي وحبيبي
انا من غيرك مسكين
هيمان حيران.. مشغول البال وحزين
حلفني..
بيع قلبك
بيع قلبك بيع ودك شوف الشاري مين؟
شوف عهدي مين بعدي حيصونهولك مين؟
العهد اللي رعاك.. والقلب اللي فداك
أيامه عمرها بسنين.. شوف الشاري مين؟
قبل ما تنسى العهد الغالي فكر ليلة وهات لياليه
شوف مين غيرنا قضى ليالي عايشه بعمر شبابي فيه
حتلاقي خطوة قلبي وقلبك مستنيه هناك
شايلالي كلمة فضلت منك لما كنت معاك
واعمل إيه قوللي ياللي فاكرني بهجرك أعمل إيه؟
بتقول ناري تعبت قلبك..
مش دي النار اللي كان حبك طاير في جنتها وسارح
ليه دلوقتي بتبعد عنها ليه؟
ليه دلوقتي بتهرب منها ليه؟
ما هو النهارده زي امبارح
أهجر على كيفك وانساني.. مسيرالأيام تجيبك تاني
وأعمل إيه قوللي يا اللي فاكرني بهجرك أعمل إيه؟
أنا يسعدني تبعد عني.. وتجرب غيري في هواك
شوف مين حبه أكتر مني.. لو شاف اللي أنا شفته معاك
ابني آماله وهدها.. واحسب دموعه وعدها
وتعالى قوللي بعدها.. هو حبيبك والا أنا
وأعمل إيه قوللي ياللي فاكرني بهجرك أعمل إيه
بحلم بيك
بحلم بيك انا بحلم بيك
و باشواقي مستنيك
وان ما سألتش فيا
يبقی كفاية عليا
عشت ليالي هنيه احلم بيك انا باحلم بيك
بحلم بيك يا حبيبي انا
ياللي مليت ايامي هنا
بحلم بيك عارف من امتى
من اول ماعرفت احب
بحلم بيك و بحبك و انت
اول حب وآخر حب
وانت حياتي و ابتساماتي
وانت النور للعين والقلب
بحلم بالجنة اللي خيالي
قبل الحب ماكانش يطولها
بحلم بيك و بيتهيألي
انك جنبي ليالي بطولها
و افضل احبك واحكي لك يا حبيب قلبي
و باجمل اسم انادي لك يا حبيب قلبي
اد ما عمري يطول يا حبيبي اد ما عمرى يطول
هستناك علی طول يا حبيبي هستناك على طول
ليلي نهاري بقول يا حبيبي ليلى نهارى بقول
ياللي ماحدش قالك ع الشوق اللى انا فيه
بكره الشوق يوصلك وتجرب لياليه
و ان ما سألتش فيا يبقى كفايه عليا
عشت ليالى هنيه احلم بيك انا باحلم بيك
فى يوم من الايام
في يوم من الأيام كان ليا قلب
ويا المحبة هام وياريت ما حب
قسوة حبايبي مغلباني
إوعى يا قلبي تحب تاني
في يوم من الأيام
أنـا كنت هـواه وحبيبه، روحي وقلبي حـواليه
لـو كان الدمع يجيبه، كنت ابكي العمـر عليه
لا صوتي يسمعه ولا دمعي يـرجعه
قسوة حبايبي مغلباني
إوعى يا قلبي تحب تاني
في يوم من الأيام
فين راح الشوق من قلبه والـرقة والحنية
اللي ح يتهنى بحبه لو يعرف يبكي عليا
لا عـاد يـفـيـد ندم عليه ولا ألم
قسوة حبايبي مغلباني
إوعى يا قلبي تحب تاني
في يوم من الأيام
وحياة حبك يا ناسيني
ياريت يا حبيبـي انساك
دنا كل طريق في عيونــــي
علمتـه بذكــرى معاك
يــا نـاســـي حبنا
راح اعمــل إيــه أنا
قسوة حبايبي مغلباني
إوعى يا قلبي تحب تاني
في يـوم من الأيام
اهواك
أهواك واتمنى لو انساك
وانسى روحي وياك
وان ضاعت يبقى فداك
لو تنساني وانساك
واتاريني بنسى جفاك
واشتاق لعذابي معاك
والقى دموعي فاكراك ارجع تاني
في لقاك الدنيا تجيني معاك
ورضاها يبقى رضاك
وساعتها يهون في هواك طول حرماني
والاقيك مشغول وشاغلني بيك
وعينيا تيجي في عينيك
وكلامهم يبقى عليك وانت تداري
واراعيك واصحى من الليل اناديك
وابعت روحي تصحيك
قوم يا اللي شاغلني بيك جرب ناري
