لم الشمل - على الحجار 1991
انتاج: شركة روكى
الأغاني:
كلمات: جمال بخيت
تلحين: فاروق الشرنوبى
توزيع موسيقى: احمد مصطفى
مرمر زمانى
طلعت انش
متغربيناش
حضن الامانى
عم بطاطا
فلسطينى
لم الشمل
كلمات الأغاني:
مرمر زمانى
مرمر زماني زماني زماني زماني مرمرش
حاسب يا سيدي يا سيدي يا سيدي ما تتأمرش
بنغنّي لجل الناس الناس
في إمبابة ولا ف أبو العباس
لكل حارة إيدين تنباس
ما دام بتبني ولا تدمرش
مرمر زماني زماني مرمرش
لابوس إيدين دبّاح العجل
وابوس إيدين مِن يكسي الرٍجل
وأبوس إيدين بياعة الفجل
بتبيع ثمار ولا تستثمرش
مرمر زماني زماني مرمرش
يا خلق هوه خليكوا شاهدين
قريبي في الدنيا و ف الدين
واخد نصيبي من الفدادين
وسّـكتله لكن ما طمرش
مرمر زماني زماني مرمرش
مكتوب لغيري يقـُشّ الزاد
وليه يا طيري أعيش مِنكاد
قاللي المثل قرّشك صياد
وابن الغلابة ما بيزمّرش
مرمر زماني زماني مرمرش
زعلان يا باشا زعلان ليه
عشان غلطنا وقولنا يا بيه
طربوش جنابك يا اختي عليه
لمّا بسرعة رجعتله مارش
مرمر زماني زماني مرمرش
إسمعها كلمه من المنقوش
على كل ساقية وكل شاكوش
إن كنت ناوي على حلّق حوش
أموت وعرقي ما يُستعمرش
مرمر زماني زماني مرمرش
متغربيناش
ما تغربيناش وتقولي قدر
ما تتوهيناش في مواني سفر
ما تضيعيناش في دموع وفراق
هتجيبي منين زينا عشاق
في قلوبنا حصاد.. في عينينا مطر
ما تغربيناش
ما تغربيناش في الأرض البور واحنا الزراع
وايدينا سواقي فرح بتدور رغم الاوجاع
احنا الشاريين فدادين النور لو خاين باع
ما تغربيناش
ما تغربيناش في بلاد بتموت واحنا الخالدين
يا أول زرع وأول قوت و يا أول دين
العمر بدونك ليل بيفوت مهزوم وحزين
ما تغربيناش
ما تغربيناش في بلاد الريح واحنا الاحباب
احنا اللي رفضنا تكوني ضريح في زمن كداب
ضللي بالحب على المجاريح وكفاية غياب
ما تغربيناش
لم الشمل
لمْ الشَمْل بلاش تفكيكة
ياللى بتلعب بالبولوتيكا
عايز تاكُل؟ .. كُلْ من قمحك
عايز تعزف؟ .. إعزف سيكا
أرضَك واحدة ورَبّك واحِد
لا تروح روسيا ولا أمريكا
وافهم بقى ربّي يخلّيكا
إنتَ ضمير الكون يا أخينا
وانت النور الصارِخ فينا
حارِس بيت الله على أرضه
من بيت لَحم لمكّة لسينا
لِمْ الشَمْل .. الدوحة ح ترجع
