اتكلمى - محمد منير 1984
انتاج: شركة سونار
الأغانى:
عقد الفل والياسمين
كلمات: فؤاد حداد - تلحين: احمد منيب - توزيع موسيقى: فرقة يحيى خليل
الطريق
كلمات: عبد الرحيم منصور - تلحين: حميد الشاعرى - توزيع موسيقى: يحيى خليل
الحقيقة والميلاد
كلمات: عبد الرحيم منصور - تلحين: عبد العظيم عويضة - توزيع موسيقى: عمر خيرت
بعتب عليكى
كلمات: مجدى نجيب - تلحين: احمد منيب - توزيع موسيقى: مايكل كوكيس
اتكلمى
كلمات: عبد الرحيم منصور - تلحين: احمد منيب - توزيع موسيقى: فرقة يحيى خليل
ام الضفاير
كلمات: جمال بخيت - تلحين: احمد منيب - توزيع موسيقى: فرقة يحيى خليل
بنسهر الاوتار
كلمات: مجدى نجيب - تلحين: احمد منيب - توزيع موسيقى: عزيز الناصر
قمر الرحيل
كلمات: عبد الرحيم منصور - تلحين: احمد منيب - توزيع موسيقى: عزيز الناصر
يا ليلة عودى تانى
كلمات: عبد الرحيم منصور - تلحين: احمد منيب - توزيع موسيقى: فتحى سلامة
يا ليلة عودى تانى
كلمات: عبد الرحيم منصور - تلحين: احمد منيب - توزيع موسيقى: فرقة يحيى خليل
هيلا هيلا
كلمات: عبد الرحيم منصور - تلحين: احمد منيب - توزيع موسيقى: فرقة يحيى خليل
كلمات الأغاني:
عقد الفل والياسمين
تعالى نلضم اسامينا.. الفلة جنب الياسمينة
قنا، سوهاج، الاسماعيلية، بنت الصعايدة بحرية
الاقصر غزالة محنية.. فى اسكندرية ترسينا
وانا رشيدى ودمياطى.. واخدك يا منصورة فى باطى
واغنى وارقص سنباطى قبل القمر ما ينسينا
وعدى على الجيزة خفاجة.. وردان ضلوعى الخفاجة
عيونى طلت يارفاقة.. من وادى حلفا على المينا
بلبيس هتلبس دبلتها، شربين شربنا فى قلتها
بعد المحلة محلتها.. بنها العسل راح تشفينا
الشاى يا واسطى فى السكة، نقعد يا منيا على الدكة
توصل بنى سويف الضحكة.. نلاقى اسيوط وسطينـا
وطنطــــــا شى الله ياسيــد، وطهطــــــا نفلح ونشيــد
نزور مغاغة ونعيد.. فى بورسعيد على التراسينا
من السويس قولت يا لالى، دى القنطرة فجر تملى
والوز الاخضر بيصلى.. على القنايا من سينا
ع الضفتين ألقى ربوعي، وعيد ميلادي وسبوعي
من كوم حمادة ينبوعي.. لجرجا أبريق الزينة
ودنشواي اسمها أصبح، أجل شاهد بيسبح
في المنزلة الضي بيرمح.. وف بحر يوسف سواقينا
عصرت قلبى الجوانى على التراب الاســوانى
رجع يانوبة عنوانى.. كوم امبو رايقة وامينة
الطريق
دارت بينا ريح الطريق
وشقيق بأيده سالت
دما اخوه على الطريق
وامنا تنادينا.. ننسى اللى بينا وفينا
علشان عيون امانينا
ضل الطريق بينا، مشينا، ما درينا
مين العدو م الشقيق
قالت لينا ام الجموع
شمس الحقيقة غابت
وغاب قمر الرجوع
غاب الضمير وادينا
طرح الغل فى وادينا
لا رجعنا ولا ابتدينا
ضل الطريق بينا، مشينا، ما درينا
مين العدو م الشقيق
الحقيقة والميلاد
يتغير الزمان
يتغير المكان
تتغير الفصول
يتغير الانسان
يتغير الميعاد
يتغير الجماد
الا البداية والنهاية
والحقيقة والميلاد..
بتخلص الحاجات
وبتتولد حاجات
جوايا يا حبيبتى.. بيصرخ السكات
ويدوب ليلك فى ليلى
ويرتعش قنديلى
ولما انده عليكى.. واعوزك ما التقيكى..
دوامة الآلام
بتدور مع الأيام
الفرح والدموع.. الوهم والاحلام
في عينيكى الطيبين
يا حبيبتى مزروعين
ولما انده عليكى.. عينيكى مروحين
بعتب عليكى
عليكى.. باعتب عليكى.. من عنيكى
من نظرة فى عنيكى
من وردة دبلت بين ايديكى
بعتب عليكى
مهما بحار السفر بتسرقنى
والريح بتجرحنى
مهما بلاد الدنيا تنكرنى
والكل ينكرنى
ضحكتك بتندهلى
نظرتك بتعرفنى
من عنيكى
مهما عيون الناس بتعرفنى
غيرك ما يعرفنى
مهما ليالى الوعد توعدنى
قلبى بيوعدنى
ضحكتك بتندهلى
نظرتك بتعرفنى
اتكلمى
ليه تسكتى زمن.. اتكلمى
ليه تدفعى وحدك التمن.. اتكلمى
وتنامى ليه تحت الليالى.. اتكلمى
المشربيات عيونك.. بتحكى ع اللى خانوكى
واللى سنين هملوكى
جوة البيبان سلسلوكى
وليه تسكتى زمن.. اتكلمى
ليه تدفعى وحدك التمن.. اتكلمى
المشربيات عيونك.. بتحكى على خلق ولت
سهرت.. وصلت.. وعلت
فى الصخر شقت ما كلت
انا ابن كل اللى صانك
رمسيس واحمس ومينا
كل اللى زرعوا فى وادينا
حكمة تضلل علينا
وليه تسكتى زمن.. اتكلمى
ليه تدفعى وحدك التمن.. اتكلمى
ام الضفاير
طريقى داير دواير
ياحلوة يا ام الضفاير
حاير وعاشق وصابر
صابر وعاشق وحاير
يا حلوة يا ام الضفاير
على صدرى حبك مخضر
فى عيونى صبحك مبدر
وفوق جبينى المقدر
القد ملفوف وفاير
يا حلوة يا ام الضفاير
يا قلبى صبحى ومسايا
ما بين رحاية ورحاية
ويحوشوا عنك ندايا
امد ليكى البصاير
يا حلوة يا ام الضفاير
حاسبى يغرك وداعى
مهما يطول ضياعى
من صبرى بغزل شراعى
وليوم لقانا حراير
يا حلوة يا ام الضفاير
لو يوم زمانى يمللى
يكبر حنانك فى ضلى
زى البشاير تهلى
ونهل زى البشاير
يا حلوة يا ام الضفاير
بنسهر الاوتار
بنسهر الاوتار
يطلع علينا نهار
واحنا مع المشوار
عدينا بحور وجبال
يا فرح يا هجار
امتي تجينا الدار
ونسهر الاوتار
يا ليل يا ابو المجاريح
ماشي في قلب الريح
بزرع انا التفاريح
اسمر انا واخضر انا
شارب مياة نيلي
ما قولت اه ويلي
راكب حصان من ضي
والحلم راح مش جاي
لكن يا فرحي جاي
يوم المنى.. اصفي انا
واحضن سنين عمري
يطوي الحنين صبري
باكية عيون موالي
ما قولت آه كان مالي
استاهل اللي جرالي
واسهر انا.. وادبل انا
تدبل ورود ع الخد
ولا حد سامح حد
يا فرح يا هجار
امتي تجينا الدار
ونسهر الاوتار.. نسهر الاوتار
قمر الرحيل
دقيت على بابك ردى
ردى يا حلوة مشاويرى
لا عايزة تاخدى ولا تدى
ده انتى فى عيونك مزاميرى
ده انتى سبيلى، وقمر رحيلى
هللى وطلى.. وردى ع الغريب
قد ما أخطى قد ما أعدى.. شايلك يا هوايا
صورتك سيرتى، وصمتك حيرتى، ونداكى ندايا
يامرسى الموانى.. مين غيرك نادانى
هللى وطلى.. وردى ع الغريب
كل لغات العالم ايوه.. تتكلم عنيكى
كل طيور الحب الحلوة بترفرف عليكى
يا طيرى المهاجر.. فى عنيكى بسافر
هللى وطلى.. وردى ع الغريب
يا ليلة عودى تانى
يا ليلة عودي تاني.. يا ليلة كوني تاني
خدينا طهر وروح.. وردي فينا الروح
خدينا ضمينا، دفينا.. يا ليلة عودي تاني
لا أنا بخبي مكاني.. ولا كمان عنواني
قطر المحبة نساني.. عدى وليه عداني
خدينا ضمينا، دفينا.. يا ليلة عودى تاني
لما تهل المغارب.. قلبي بيصبح قارب
تليلى يا ليلة.. يصبح في عينيكي هارب
خدينا ضمينا، دفينا.. يا ليلة عودى تاني
هيلا هيلا
انا كنت فين لما شيبتى
انا هونت لما انتى هونتى
من تانى اديكى اتولدتى
اللى بناكى ما ماتشى
امشى يا ازميله امشى
وانقش جبين الاصيله
ايدين بتحضن ايدين
تحيى اللى مات من سنين
والصبر مش ابن ليلة
جوة ديوان المظالم
بيحكى محكوم لحاكم
عن الليالى الكحيلة
لنزل سلالمك برجلى
واطاطى لاجلن اعلى
مش لاجل حيلتى القليلة
ولابد يا مصر تنزلى وتشربى من بير يوسف
نفسك وامسك وغدك ومدك ويدك
بيينا يا مصر نحيى الماضى بروح العصر
