برئ - محمد منير 1985
انتاج: شركة سونار
الأغانى:
توزيع موسيقى: يحيى خليل
يا مراكبى
كلمات: مجدى نجيب - تلحين: احمد منيب
الجيرة والعشرة
كلمات: فؤاد حداد - تلحين: عبد العظيم عويضة
عطشان
كلمات: عبد الرحيم منصور - تلحين: محمد الشيخ
برئ
كلمات: عبد الرحيم منصور - تلحين: هانى شنودة
الحياة للحياة
كلمات: عبد الرحيم منصور - تلحين: من التراث
القدس
كلمات: مجدى نجيب - تلحين: هانى شنودة
يا غربتى
كلمات: جمال بخيت - تلحين: احمد منيب
شبك
كلمات: شوقى حجاب - تلحين: ابراهيم رجب
كلمات الأغاني:
يا مراكبى
هيلا هيلا
ان شاء المولى
هيلا هيلا
راح نرسى في مينا
هيلا هيلا
ايامنا ع الله
هيلا هيلا
وقمر ليالينا
هيلا هيلا
يا مراكبي..
شد القلوع
..يا مراكبي
مفيش رجــوع
..يا مراكبي
و يا ليل من غير حبيب
هيلا هيلا
يا ليل أمرك عجيب
هيلا هيلا
الورد كان في كل مكان
طارح مطارح لحبي
والكون ده كان زمان
ما يسعش حتة من قلبي
آه يا مراكي
شــد القلوع
يـا مراكبي
مفيش رجوع
يا مراكبي.. آه يا مراكبي
الجيرة والعشرة
في كل حي ولد عترة وصبية حنان
وكلنا جيرة وعشرة وأهل وخلان
أميرة عاقلة في الحجلة والعقل يطير
كانت صغيرة بضفيرة، وكان هو صغير
ساعة ما تضحك مع اخوها.. تلاقيه بيغير
ولما ترفع قلتهم تلاقيه عطشان
زمانه ماشي بخطوة يضم
زمانها كبرت وبقت أم
زمان جواب جايلها بيجري على العنوان
الفجر بيلاقي المغرب وبييجي ويروح
والليل يطل على الشارع شباك مفتوح
هنا الرصيف وهنا السلم وهناك ياسطوح
متعلقة كمام النونو في ديل الفستان
زمانه ماشي بخطوة يضم
زمانها كبرت وبقت أم
زمان ضناهم في المدرسة كنز الأوطان
نحضن ولادنا ولا نخلي حنية وذوق
نكبر معاهم ونغني لقدام ولفوق
يا دي العيون اللي بتقرا في كتاب الشوق
الدنيا خضرة ومش فاضل علي بكرة زمان
زمانه ماشي بخطوة يضم
زمانها كبرت وبقت أم
اصل الحكاية حكايتنا نبني الانسان
عطشان
سيبوني أتوه وحدي..
عطشان انا عطشان
الدنيا توب قدي..
وما اطيقش انا الغطيان
مركب تاخدني لبلاد بعاد
ولو جاي يصادفني من غير ميعاد
زمان ياخدني لمكان
وعطشان انا عطشان
تصادفني كتير وشوش
قلوب زي البيوت
طريق ما بعرفوش
يوماتي عليه بفوت
سنة ورا سنة
اضيع هناك هنا
في رحلتي أنا
الدمعة ليها صوت
ليلي ما لوهش عيون
قمري ما لوهش لون
ده انا كان لي في الهوا
مشوار اخضر حنون
اهدي يا دمعتي
ارسي يا خطوتي
انسي يا دنيتي
كله علينا يهون
برئ
بريء بريء بريء
بريء يا قلبي بريء
زي الطفل الوليد
بتحبي على الطريق
بريء كما قلب أمي
كما شهادة الميلاد
كما ليل البحور
قمر ما لوش بلاد
بريء بريء بريء
بريء ياقلبي بريء
بريء بريء بريء
زي الحليب والزهور
أعدي ليل ورا ليل
يقابلني سور ورا سور
بريء لكن غريق
مع احلامي اللي جاية
بريء بريء بريء
ومين ما لوش خطية
بريء بريء بريء
بريء ياقلبي بريء
ايوه انا عارف اسمي
لكن ومين سماني
مين اللي اختاره أمي
ولا ابويا وجيراني
انا اسمي الحقيقة
في دنيتي الحقيقة
وانا الضحكة البريئة
في رحلة الاماني
بريء بريء بريء
بريء يا قلبي بريء
بريء وازي هتكره
ما دمت شايف بكرة
ما دمت دار وزهرة
وحنين ما لوهش تاني
بريء لكن غريق
مع احلامي اللي جاية
بريء بريء بريء
ومين مالوش خطية
الحياة للحياة
لا لا لا للفرقة لا
لا لا لا للكره لا
دي الحياة للحياة
اللي ليه في الدنيا ذكرى.. لابد يوم هيعيش لها
واللي ليه في الدنيا فكرة.. يديها نفسه كلها
اللي ليه حلوة صبية.. يفدي روحه لجلها
واللي قال أنوم شوية الله بكرة يحلها
دي الحياة للحياة
يا للي بتقرب قلوب العاشقين لبعضها
اللي دايبة يا عيني دوب، واللي مغلوب امرها
غنوتك فاضت دروب مش هتدبل عمرها
كلمة الحب اللي باقية والقلوب لبعضها
لو تدق الدنيا بابك با لمحبة افتحلها
وانسي كل اللي جرالك منها يوم واضحكلها
ايه هتاخد منها قوللي غير عسلها ومرها
دي القلوب الصابرة ربك راح يعوض صبرها
دي الحياة للحياة
القدس
ينسانى دراعى الشمال
ينسانى نن العين
وآهة الموال..
لو نسيت القدس
تنسانى فرحة ف عنيا
ودنيا خضرة جاية
ينسانى قلب الجميع
تنسانى بسمة رضيع
لو نسيت القدس
تنسانى افراحى
ينسانى صباحى
تنسانى الشموس
وتنكرنى النفوس
والنجوم والقمر
والمطر والشجر
تنسانى الشوارع والبيوت
وادبل اموت
لو نسيت القدس
ينسانى فرح النهار
وضلة الديار
ورنة الاوتار
وضحكة كل جار
لو نسيت القدس
تنسانى بسمة ولاد
ولهفة اللقا
وفرحة الميلاد
أبواب كل البلاد
لو نسيت القدس
وادبل اموت
لو نسيت القدس
يا غربتى
يا غربتي في ليلي الساهر
انا شوقي للفجر الباهر
وغنوتي ليكي وليا
وحنيني للقلب الطاهر
يا غربتي في ليلي الساهر
انا الخريف وانتي ربيعي
وانا المنى لما تشبي
وانا الهدى لما تضيعي
وانا الهوى لما تحبي
لبي ندايا ولا تخبي
ازرعلك العمر جواهر
يا غربتي في ليلي الساهر
انتي الجمال الرباني
زهرة على احلى غصوني
رحيلي انتي واوطاني
قلبي وعقلي وجنوني
كوني طريقي ولا تخوني
يضمنا بكره الزاهر
يا غربتي في ليلي الساهر
شبك
هيلا.. هيلا هيلا
صلّي.. ع النبي صلي
خلّي.. ضلك في ضلي
علّي.. شبك مدلي
دلّي.. سكر يحلي
حلّي.. حلي قلوعك
يا للي.. الريح في طوعك
شيلي.. قلبي في ضلوعك
طلي.. يا شمس هلي
حِني.. يا شمس مني
حَني.. زغاليلي مني
بني.. يا عيون ونني
غني.. راح تتعدلي
شبك.. شبك حبيبي
شابك.. من دابديبي
شابك.. ياجالاليبي
شابك.. وانا ونصيبي
خلّي.. له خال يخلي
خال لي.. عسل يحلي
خلّي.. له خال يخلي
خال لي.. سكر يحلي
خلّي.. لما انشغلي
خلّي.. الله يخلي
