احمر شفايف - محمد منير 2003
انتاج: شركة افريكانا
الأغانى:
اقرار
كلمات: ايمن جودة - تلحين: حسن المغربى - توزيع موسيقى: اسامة الهندى
بنات
كلمات: كوثر مصطفى - تلحين: عمرو مصطفى - توزيع موسيقى: اسامة الهندى
احمر شفايف
كلمات: امير طعيمة - تلحين وتوزيع موسيقى: محمد عرام
بحر الحياة
كلمات: امير طعيمة - تلحين: احمد فرحات - توزيع موسيقى: اسامة الهندى
اه يا اسمرانى
كلمات: عبد الرحمن الابنودى - تلحين: بليغ حمدى - توزيع موسيقى: محمد مصطفى
شمندورة
كلمات: احمد المستشار - تلحين: عبد الله باطا - توزيع موسيقى: محمد مصطفى
حرية
كلمات: طارق عبد الستار - تلحين: مصطفى على اسماعيل - توزيع موسيقى: محمد ضياء
لولا السهر
كلمات: مرسى جميل عزيز - تلحين: محمد الموجى - توزيع موسيقى: حميد الشاعرى
ابكى
كلمات: امير طعيمة - تلحين: عمرو مصطفى - توزيع موسيقى: رومان بونكا
حنينة
كلمات: احمد المستشار - تلحين: سليم شعراوى - توزيع موسيقى: رومان بونكا
كلمات الأغاني:
اقرار
اقر انا المذكور أعلاه
الساكن في العنوان اياه
ان الصبر عليا صبر
وطعم المر في قلبي فضل
يمرر فيه ولا عمره قدر
يغير حبك من جواه
انك مهما هتيجي عليه
يبعد ضلك من حواليه
تدي لغيره اللي بتاخديه
ما يتحملش عليكي الآه
اقر انا المذكور اعلاه
الساكن في العنوان اياه
اني سهرت العمر ونس
وعشت بكل كياني حرس
وطفت بلادك ناي وجرس
والعاشق بينقط بهواه
اني مشيت على شوك وحجر
ياما شقيت في بعاد وسفر
ان هواكي في روحي قدر
وان عذابي معاكي حياة
بنات
بنات.. بنات
في بلدي البنات.. كل البنات
ماشية وظابطة في ايدها الساعات
وقبل ما تقفل بيبان البيوت
وقبل ما ينزل ضلام الحارات
في بلدي البنات بتجري تروح
بنات.. بنات
في بلدي البنات.. كل البنات
لما بتضحك بترقص قلوب
لما تغني تخدنا الآهات
بنات.. بنات
في بلدي البنات.. كل البنات
تحلم تضوي زي النجوم
بتحلم ترفرف زي الرايات
بنات.. بنات
بتقدر تعاند.. وتقدر تثور
لكن ساعات
بترمي الساعات.. دق الساعات
بيجرح حاجات.. ويخنق حاجات
في بلدي البنات.. كل البنات
بنات.. بنات
في بلدي البنات.. كل البنات
مالية جيوبها سكر نبات
احمر شفايف
أنا باحسد الكحل اللي كحل رموشك
وأحمر شفايف اللي زين شفايفك
أنا باحسد الليل اللي سهر عيونك
واحسد عيوني لما اكون يا حبيبتي شايفك
أنا باحسد كل كلمة بتسمعيها
كل كلمة بتقوليها
كل حاجة تحسي بيها
عارفة ليه
أحبك أحبك مش عارف قد أيه
في عيونك السمر بألقي روحي وكياني
ياللي الحنان سره هو حنانك
ده الحب ده اكيد حب مخلوق عشاني
وانا برضه قلبي يا ملاك مخلوق عشانك
بحر الحياة
بحر الحياة لو غدار
واحنا لفين رايحين
شايل معاه اسرار
واحنا معاه ماشين
ايام تفوت وتروح
واحنا ولا حاسين
احلام تعيش وتموت
يا قلوبنا يا خايفين
الطير بيهاجر وبيرجع
الشمس بترحل وبترجع
الدنيا بتاخد وبتدي
الليل لو طول هيعدي
في ليالي بنحلم وتعبنا
ورجعنا لوحدنا بعذابنا
حاول تتغير.. ومسيرك تقدر
وبلاش نستسلم يوم للحزن مادام عايشين
لو ينسي الواحد احزانه
هيشوف الورد وألوانه
لو نفتح للدنيا قلوبنا
هتدق الأحلام على بابنا
دي ساعات الدنيا بتوعدنا
ونقرب منها وتبعدنا
حبها من قلبك.. حبها هتحبك
اضحك للدنيا الفرحة هتيجي في غمضة عين
بحر الحياة غدار
الدنيا لسة بخير
شايل معاه اسرار
في حياتنا لسة كتير
ايام تفوت وتروح
بكرة هيجي اكيد
احلام تعيش وتموت
هيجينا حلم جديد
اه يا اسمرانى
آه يا اسمراني اللون.. حبيبي يا اسمراني
يا عيوني نسياني عيون.. حبيبي الاسمراني
آه تحت الرمش عتاب وحنين وعذاب وعيون ما تنام
آه دوقت معاك طعم الايام دلوقتي تغيب يا سلام
جوني سألوني جاوبتهم عني دموع عيني
علشانك امشيها بلاد.. حبيبي يا اسمراني
من غير ولا مية ولا زاد.. يا حبيبي يا اسمراني
آه يالي عيونك شمعة وضحكة وبحر ونسمة صيف
آه انت رسيت وانا وسط الشوق حيران من غير مجاديف
جوني سألوني جاوبتهم عني دموع عيني
يا طير يا مسافر لبعيد.. روح قول للاسمراني
ليه سافر ونسي المواعيد.. يا حبيبي يا اسمراني
ليه وانت تحب الشوق أكتر مني وقلبك عطشان
ليه وانت قايلي إن غيبت يغيب م الدنيا أحلى مكان
جوني سألوني جاوبتهم عني دموع عيني
قالوا.. قلت دوايا عيون.. حبيبي الاسمراني
بتغرقني ف سحر اللون.. يا حبيبي يا اسمراني
شمندورة
ع الشط استني رايحة فين
دنا ليكي باغني غنوتين
غنوة عن الآهة والحنين
وغنوة لعينيكي يا حنين
آه يا شمندورة لابسة توب
يا اجمل م الصورة دوب يا دوب
يا اسمر يا سمارة دوبت دوب
يا عيون قدارة ع القلوب
اه يا شمندوره صبري طال
ردي وجاوبيني ع السؤال
اطلبي واتمني لو محال
م العين والنن يا غزال
حرية
جوايا قلبي شجر مقلوع
باعطش إليكي وأحن وأجوع
ياللي انتي حبك حرية
في العشق آه ولا شئ ممنوع
يا سمرا يا سمرا
دي شفايفك لمّا بتتنهد.. أنا باستشهد
وبعيش في النار
وعيونك لمّا بتتلفت.. أنا بتفتت
ملحقش احتار
ضميني خديني انا لاجئ
ولأول مرة بكون صادق
دوبني العشق ومش فارق
ليل ولأ نهار
يا سمرا يا سمرا
الجنة قصادي بتفتح
عينيكي بتسكت وتلمح
وتقول اسرار
هزيني بسحرك من جوه
ده أنا قلبي لا حول ولا قوة
ضد التيار
انا عارف اني ماليش دية
في عينيكي دية
آخر المشوار
ضميني خديني انا لاجئ
و لاول مرة بكون صادق
دوبني العشق ومش فارق
ليل ولاّ نهار
يا سمرا يا سمرا
لولا السهر
حبيبي لولا السهر ما حد شاف القمر
ولولا جرح الهوى ما كان له طعم الهوى
و اشوفك يا عيون حبيبي تحلالي نار الهوى
واحشني يا حبيبي.. امتي يا حبيبي ندوب الفراق
وانسي معاك حياتي وانسيك يا حياتي قسوة الفراق
يغيب القمر ويطل القمر ما يلقاش حبيبي
يزعل القمر ولا يحلى السهر من غيرك حبيبي
يا اجمل قمر.. كفاية سفر وارجع يا حبيبي
وان غاب القمر.. نبعتله خبر ارجع يا حبيبي
و اشوفك يا عيون حبيبي تحلالي نار الهوى
النجمة البعيدة شافتني وحيدة
جات تسأل عليا وباست عنيا
قالتلي حبيبك بعتلك هدية
بيقولك بحبك قد الدنيا دية
و اشوفك يا عيون حبيبي تحلالي نار الهوى
ابكى
ابكي لو في عيني دموع
واضحكي لما اكون فرحان
احضنيني لو الغرام ممنوع
حسي بيا وبعينيا
كوني شوق وحنان
محتاجلك تبقي جنبي
تبقي قلبي
تبقي عمري
تبقي روح الروح
انا عايزك تبقي ليا
تبقي فيا
اوعي ثانية من حياتنا تروح
تبقي صوتي لما أغني
تبقي عيني لما اشوف
تبقي احساس الامان
اللي عمره ما يبقي خوف
