حبيبتى (اغانى مسلسل جمهورية زفتى) - محمد منير 1998
انتاج: شركة صوت القاهرة للصوتيات والمرئيات
الأغاني:
كلمات: عبد الرحمن الابنودى
تلحين: جمال سلامة
حبيبتى
الفجر شقشق
بيبان القلب
الحب زى الطيور
اياك تئن
لما يبان الطريق
الجماهير
تحت المطر
اهى قامت مصر
شبابيك الحلم
يا شمس (من حر مالى)
جندى فى جنودك
جراح الجسم
اغضبى يا دنيا
هى هى
كلمات الأغاني:
حبيبتى
حبيبتي يا حبيبتي يا حبيبتي
غصب عني مش بخاطري
يا للي ساكنة في خواطري
في دمايا اللي في عروقي
في غروبي وفي شروقي
وانا بحلم وانا بجري
غصب عني
والسنين تيجي وترحل
مرة اصعب مرة اسهل
لو اخف ولا اتقل
يعشقك علمي وسري
غصب عني
غصب عني وغصب عنك
ده لأني حتة منك
وانت عشقاني كأنك
الزمن معرفش سرك
ساكنة في قلبي وصدري
غصب عني
يا للي عاجبك لون دمايا
والدموع اللي في غنايا
ابتسامتك نور واية
انت اسمي وانت عمري
غصب عني
يا حبيبتي
الفجر شقشق
الفجر شقشق يا قلبي اعشق
واذكر الهك خلق وانشأ
وامشي وراها جبل وساحل
اللي عذابها في قلبي ساهر
طول ما هي راحلة تلقيني راحل
راحل ورها دمعة وآهة
ولا حد غيري في اليل رأها
ولا حد ادي خده هواها
اياك تئن
تمشي ورا السبع تفضل سبع وتموت سبع
تمشي ورا الضبع لأ دة الضبع سيئ طبع
كلام قالوه الجدود وهنقولوا بالطبع
اكتم انينك ياللي تئن
مفيش لجرحك ارحم من
إيد الليالي لما تحن
بدل القمر يطلع قمرين
كل الليالي الصعبة تفوت
اكتم انينك داري الصوت
لو فيها موت خلينا نموت
الموت يخلي العمر اتنين
السبع سبع والضبع ضبع
اكشف جراحك وسط الناس
واياك تئن واياك تئن
بيبان القلب
وافتح بيبان القلب للهوى
وغصب عني يقفله الهوا
كأنه طير مقصوص جناحه قص
قلقان ومش شبعان نظر ولا بص
وازي يطير والكون بحالة قفص
قفص وله ابواب مقفولة ما بينة وبين الاحباب
الحب زى الطيور
الحب زي الطيور..
لازم يعيش في النور
وتحبسه ويموت ولا غنا ولا صوت
ولا رفرفه تيجي من جناح مكسور
اكتم هواك جواك..
طول ما الفضا مقفول
معقول حتوصل هناك..
وانت سجين مغلوب
ده الحب حرية.. الحب حرية
والقلب لو يتقتل ابدا مالوش ديه
إزاي ونا مقهور؟ ازاي ونا مكسور؟
ازاي ألف وادور؟
لما يبان الطريق
لما يبان الطريق
يحمي الصديق الصديق
يمشي وراه النور
تتجمع الابدان
انسان معاه انسان
تلقى الحياة بتدور
السكة مليانة جناين رفاق
وما فيناش ولا خاين
بر الامان للعين باين
واللي اتهزم منصور
ادي العيون على الصباح
ادي الايدين على السلاح
ياعم حي على الفلاح
واللي انكسر مجبور
الجماهير
الجماهير في حضني شايلها في الورق ده
والصوت اللي غايب اهو رجع النهاردة
شايل الامانة فداها لو اموت
والناس الي ساكتة خلاص بقالها صوت
الصوت في الضواحي وفي كل النواحي
اصحي ياللي نايم واصحي ياللي صاحي
الصوت في الضواحي وفي كل النواحي
الامة بتصحى وانا طابت جراحي
اهى قامت مصر
اهي قامت مصر بتقلع توب الذل
اهي صحيت مصر يا ناس قدام الكل
بتنادي في المخلصين نصارى او مسلمين
نبت الغيطان والطين والنيل بوشه يطل
النيل ملى الشوارع رايح فيها وراجع
النيل كره السكوت بيخرج من البيوت
النيل ع الارض جاري
بيزحف من الحواري ويحاصر القصور
النيل سمع غنانا
النيل هتف معانا بأصغر الكفوف
واهي قامت مصر ام القاعدين وبتتعايق بهلال وصليب
والنيل بيقول يا صباح الفل
تحت المطر
تحت المطر الخطر بيمشي في السكة
تحت الغيوم الهموم بتقتل الضحكة
والشمس اه من الشمس لما تغيب
وقال يقولوا قدر وقال يقولوا نصيب
وانا بقول الهموم حوالينا تكفينا
والظلم مهما ظلم هيعمل ايه فينا
ومين يمنع النور يرفرف تاني حوالينا
ومين يمنع الخير يدوس الفاس في اراضينا
مهما يكون الليل غميق شد الخطى على الطريق
تحت المطر والخطر تحت الغيوم والهموم
شبابيك الحلم
افتح شبابيك الحلم وافتح طريق لبكرة
و أي شيء بقى علم ماهو كان في الأصل فكرة
الأرض دي كانت بور والضلمة صبحت نور
اللي تحبه ابنيه وهد اللي بتكره
الرأي بالمشورة و لا اجمل من دي صورة
زيح الصورة القديمة وابني الدنيا العظيمة
دوس عالعدو اللي باعنا للأيام اللئيمه
افتح شبابيك الحلم
يا شمس (من حر مالى)
من حر مالي اشتروني ودفعوا السعر من جيبي
آه يا شمس فرحانة ليه ما تروحي وما تغيبي
حزت ايديا الحبال والروح راحت مني
يا لله اظلموني كمان يا للي انتو ظالمني
وكل ما النار تقيد وكل ما الآه تزيد
انا بتخلق من جديد يخلقني تعذيبي
جندى فى جنودك
تتكسري ولا يتصلب عودك..
أنا جندي في جنودك
انا اللي مش ممكن اخون
حزني ولحظات الشجون
لا حب من غير جنون
ولا دمع من غير عيون
دنا بس معبودك
ووجودي في وجودك
الشمس تطلع او تغيب
انتي القدر وانتي النصيب
يا مصر
جراح الجسم
جراح الجسم يداويه المداوي
جراح الروح يداويها مين
يا قلبي يا للي صابر ع البلاوي
حضنت في جرحك الناس اجمعين
وليلك يا بلادي طال علينا
وشمس الحق غابت من سنين
القى الشمس تصعد من جراحي
واسكت يرتفع صوت الانين
وبكرة الصبح وحياة السميع
يهل النور على بيوت الجميع
من البور والجفا فوق الموت ده كله
هيضحك للجميع وش الربيع
وتيجي الدنيا عندك يا ربيع
اغضبى يا دنيا
اغضبي يا دنيا ويا الغاضبين
الدما ع الارض رمز العاشقين
يا زهرها يا نهرها يا نجوم مساها وفجرها
يا ريح يا زرع يا ليل يا نور
دم الشهيد راجع يهد السور
ويحرر المساجين
من البيوت ومن المزارع و الكنايس والجوامع والشراقي والسواقي
والمدارس والمصانع من الشمال ومن اليمين
صوت الشهيد مسموع قلب البلد موجوع
هى هى
هي.. لما بتضحك
هي.. لما بتبكي
هي.. لما تنادي
هي.. لما بتشكي
هي هي.. وتقول ولادي
هي هي.. نجري عليها
مد الايادي.. هي هي
ونبوس اديها
هي هي هي.. يا عم هي
هي هي هي.. ست الكل هي
والفجر لو جه ولا ماجاش
الفجر عمره ما يجي بلاش
وحتى لو ننسى ميعاده
الفجر فاكر ما بينساش
ولما يدن صوت الديك
تترشق الجدران شبابيك
تونسك ضحكة صوتها
ويصحي صوتها احلى ما فيك
 - محمد منير 1998){kind=link}