اغانى فيلم ابى فوق الشجرة - عبد الحليم حافظ 1987

اغانى فيلم ابى فوق الشجرة - عبد الحليم حافظ 1987

انتاج: شركة صوت الفن

الأغاني:  

قاضى البلاج

كلمات: مرسى جميل عزيز - تلحين: منير مراد

احضان الحبايب

كلمات: عبد الرحمن الابنودى - تلحين: محمد الموجى

يا خلى القلب

كلمات: مرسى جميل عزيز - تلحين: محمد عبد الوهاب

الهوا هوايا

كلمات: عبد الرحمن الابنودى - تلحين: بليغ حمدى

جانا الهوى

كلمات: محمد حمزة - تلحين: بليغ حمدى 

 

 كلمات الأغاني:

قاضى البلاج

باسم الهوا والشمس و البلاجات

باسم الشباب و الحب و الأجازات

باسم الراكت و اسم المراجيح باسم الشقاوة و التفاريح

فتحت الجلسة .. محكمة

عادل بن كمال طالب تصييف تقدم يا فتى

قاضى البلاج يا قاضى مشتاق م الصيف الماضى

وجيت على الحبايب لقيت مكانى فاضى .. مستنى ايه يا قاضى

طالب تصيف يا فتى

و اتمنى أصيف صيف شتا

ارفع دراعك و احلف يمينك وقول دفاعك

وحياة مذاكرة طول العام اللى جابت لى صداع و زكام

مانجحت ولا شفتك يا نجاح الا عشانك يا أجازة .. وأنا و جبايبي و الافراح

تاخد من الدنيا أجازة و الامر لك يا قاضى و الحكم لك يا قاضى

النيابة

يمنع سنتين من النصييف لا بلاج و لا عوم و لا تجديف

ويقوم فى قطر العصر يرجع حالاً على مصر

جنايتى ايه و ذنبى ايه..

جنايته ايه و ذنبه ايه

لبس مايوه قبل ما نسمح له بلبس مايوه

يوه يا لطيف

لا جاب معاه تورته و لا حتى جاتوه

يوه يا حفيظ

المحلفون ...

مصيف .. غير مصيف .. مصيف .. غير مصيف

بقى يعنى اسيب ماما و بابا و اهرب من البيت ابو بوابة

ما أعرفش اتمتع بأجازة و النبى يا تلامذه احنا غلابة

و النبى يا تلامذه احنا غلابة

محكمة

من فحص قانون البلاجات فرع التصييف و الأجازات

و مراجعة كل البيانات قررنا ما هو آت

يمنح لقب مصيف من الدرجة الأولى تكييف

هيه هيه ادلق الجردل ادلق ادلق ادلق .. قم فأنت مصيف عظيم

وقد خلعنا عليك الكسوة الصيفية .. ووليناك امر الرعية البلاجية

خلع القاضى لبس القاضى .. يحيا القاضى يعيش القاضى يعيش

محكمة

ظروف عائلية امور عاطفية مشاكل منزلية

عقد نفسية .. نصلح .. حل عقدك و صيف

قاضى البلاج يا قاضى يا بو حكم سيفه ماضى

طول البلاج و عرضه هنفرشلك قواضى واحكم بقى يا قاضى

قاضى يا قاضى .. لا أنا قبلك .. و أنا مستعجل ..

واحد واحد يا زباين

أنا خدت الاعدادية بعديها التوجيهية و صبحت جامعية

و فاضلى على التخرج مش اكتر من سنة تدينى كام سنة

و اش عرفنى انا

امال قاضى ازاى

افتى كل الفتوات و أعرف فى اللغاريتمات و النسبية و الذرة

الا عمر الستات

ايه رأيك عمرى سبع سنوات

سبع سنوات

ماما و بابا فاكرين عمرى عمرى ما هكبر و ابقى تمن سنوات

بيعاملونى زى ما كنت زمان فى الروضة بيفيونكات

تربيت تربيت تتات ..على الحلوة ام فيونكات

كل حياتى عيب ماترديش ما تعنديش امتى احس امال بوجودى

امتى اعيش .. عايزة اعيش .. ماما و بابا دقة قديمة

دقة قديمة دقة قديمة ماما و بابا دقة قديمة

محكمة

من فحص قانون البلاجات فرع العائلات و الخلافات و مراجعة كل البيانات

قررنا ما هو آت .. يحول امرها لولى امرها

يعدل عمرها من سبعة الى خمس سنوات

قاضى البلاج يا قاضى .. عاشق و جيبى فاضى

بتحبها ..

الفتى :

حب عبادة ..

حليم

وهى

زيي و زيادة .. و جالها واحد يخطبها .. أبوها وافق كالعادة

من مسرح العرايس روح و اسرقلك حصان

و اخطفها و اجرى بيها و لافرسان زمان

سارق خطاف .. لفوه فى لحاف .. ودوه الخانكة بالتلغراف

اما انا طول عمرى ما حتجوز و لا أقول يا جواز

من صغرى باشوف ماما و بابا كبريت و الجاز

و أنا برضة باحب العزوبية علشان حرية فى حرية

مش احلص من البيت و الجامعة و مراتى تتحكم فيا

رجالة بدون جواز شبابيك من غير ازاز

هس .. هس

اما انا مشكلتى جد الجد..

وأنا عندى مشاكل مالها عد

شطبنا ...

شطبنا

وبقيت مشاكلنا يا قاضى

تتاجل للصيف الماضى ..

محكمة

و بعد ما استتب الامر بين المصيفين و المصيفات

وحلينا عقد المعقدين و المعقدات ننشد النشيد

عاش الشباب .. كل الشباب

دقوا الشماسى

دقوا الشماسى على البلاج دقوا الشماسى

دقوا دقوا دقوا الشماسى

من الضحى لحد التماسي

يا أحلى شمس و أحلى رمل و أحلى ميه

احنا و شبابنا و حبنا اسكندرية

جايين على نسمة امل نرتاح شوية

و الحر زى الشوق نهاره وليله قاسى

دقوا الشماسى

فى البحر الابيض و فى هداوة لونه الأزرق

تعبنا يهرب مننا و همومنا تغرق

ونسابق الموج و الهوى و الشوق ونسبق

والبحر عارف حبنا والشط راسى

دقوا الشماسى

احضان الحبايب

مشيت على الأشواك وجيت لأحبابك

لا عرفوا إيه وداك.. ولا عرفوا إيه جابك

رميت نفسك في حضن.. سقاك الحضن حزن

حتى في احضان الحبايب شوك يا قلبي

مشينا هناك .. ورحنا واللي هناك جرحونا

جينا شايلين جراحنا.. وبكينا وقلنا جينا

جينا لكم يا للي لينا مدوا إيديكم خدونا

شيلوا الشوك من صدورنا والدمعه من عينينا

اللي جينالهم يا قلبي في جراحنا جرحونا

ابكي.. تحت الليالي والخوف ملو الضلوع

قلبي.. يا بلاد غريبة بتنورها الدموع

رميت نفسك في حضن.. سقاك الحضن حزن

حتى في احضان الحبايب شوك يا قلبي

يا للي في ليل البعد بننده تبقوا معانا

يا للي بنحلم بيكم ضحكة واحنا حزانى

باسم هواكم ليا بتطفوا الشمعة الباقية في لياليا

باسم العطف عليا بترشوا الشوك في طريق آيامي الجاية

يا شط كان مفروش هنا وحب وأماني

ازاي تسلم مركبي للحزن تاني

الدنيا غايمه في عيوني

على فين يا حزن موديني؟

من رحلة الوهم البعيدة لرحلة الحزن الجديدة

ابكي تحت الليالي والخوف ملو الضلوع

قلبي يا بلاد غريبة بتنورها الدموع

رميت نفسك في حضن سقاك الحضن حزن

حتى في أحضان الحبايب شوك يا قلبي

يا خلى القلب

ياخلي القلب ياحبيبي

لوفي قلبك قد قلبي حب

لو بتكوي النار نهارك

لو بتسهر زي ليلي

لو صحيح بتحب

كنا نحضن حبنا ونبعد بعيد

عن عيون الدنيا عن كل العيون

لو في قلبك قد قلبي حب

كنا نمشي نمشي ألف ليلة وليلة

ليل ونهار

لما نوصل نجمة مالهاش أي جار

ولا نسكن لؤلؤة في أبعد بحار

يا .. يا.. يا حبيبي

القمر خدنا على موجة قمر فوق الصحاري والسما والبحر والليل والوجود

فوق عيون الناس فوق جبال الخوف وفوق كل الحدود

القمر.. القمر خدنا القمر لجزيرة ابعد من الخيال

لا شافتها عين ولامرت ببال

ياحبيبي.. ياحبيبي..

وصلنا فوق.. فوق بر الامان

افتح الببان لقلبك ولشبابك ولحبيبك

ابعد الخوف عن رموشك

اوعى شيء في الكون يحوشك

غني.. ارقص.. اجري.. اضحك

قول بحبك وانسى كل الدنيا مهما تكون

غير عيوني عيون حبيبك ما تشوفكش عيون

يا يا يا يا حبيبي

شفت وخداني الاماني لحد فين

شفت بحلم قد ايه

يرضيك نحب الحب ده.. ونعيش بعاد بالشكل ده

عايز احس بحبي مالي كل لمحة من وجودك

عايز احس ان ابتسامتك دمعتك فرحة شبابك لون خدودك

عايز احس اني حبيبك ولهيبي يصحي لهيبك

ياحبيبي..ياحيبي..رجعنا فوق فوق فوق بر الامان

افتح البيبان لقلبك ولشبابك ولحبيبك

ابعد الخوف عن رموشك

اوعى شيء في الكون يحوشك

غني.. ارقص.. اجري ..اضحك

غير عيوني عيون حبيبك ماتشفكش عيون

يا يا يا يا ياحبيبي

الهوا هوايا

الهوى هوايا

ابنيلك قصر عالي

واخطف نجم الليالي

واشغلك عقد غالي

يضوي لاحلى الصبايا

انا الهوى هوايا

يبقى القمر قاربنا

والليل بحر مهاودنا

والنسمة اللي تاخدنا

ترجع شايلة الحكاية

انا الهوى هوايا

ندخل كتب الحكاوي

واروي سنينك غناوي

واعمل طبيب مداوي

واشيل حبي دوايا

انا الهوى هوايا

ارسم صورتك في يدي

ع النسمة اللي تعدي

ع الفجر ابو ضحكة وردي

ع العمر اللي ورايا

انا الهوى هوايا

لو الايام يبعدوني

يصاحبك نور عيوني

ولو نامت جفوني

يصحى في ليلك غنايا

انا الهوى هوايا

في عينيكي يا حبيبتي

تتوه مني سفينتي

وكفايه انك انتي

اللي فضلتي معايا

انا الهوى هوايا

لكن وانا كلي حيرة

مش بملك يا أميرة

من أحلامي الكتيرة ياعيني

غير ضحكي وبكايا

انا الهوى هوايا

جانا الهوى

جانا الهوى جانا ورمانـا الـهـوى رمـانا

ورمش الأسمراني شبكنـا بالهـوى

آه ما رمانا الهوى ونعـسنــا

واللي شبـكنا يخلصنا

دا حبيبي شغل بـالي

آه يابا يابا شغل بالـي

يا راميني بسحر عنيك الاثنين

ما تقوللــي واخدني ورايح فين

على جرح جديـد ولا لتنهيد ولا ع الفـرح مودينـي

أنا باسأل ليه واحتار كده ليه بكرة الأيـام حتورينـي

خلينا كدة على طول مـاشيـين

ما رمانا الهوى ونعسنا واللـي شـبكنا يخلصنـا

دا حبيبـي شـغـل بالي

عدينا يا شــوق عدينا علـى بـر الهوى رسينا

دا انا عمري مـعـاك وهوايـا هـواك

عدينا يا شوق عدينا

زوق يا نسيم خطــاوينا

ويا نجـوم السمـا ضمينا

وخدينا بعيد وحدينا

خلينا كـــدة على طول ماشييـن

ما رمانا الهوى ونعسنا واللي شبكنا يخلصنا

دا حبيبـي شغـل بالي

طوحنا يا هوى طوحنا

وأمانة ما يوم يا هوى تجرحنا

وتقربنا ما تبعدنا وتفرحنا بحبايبنا

وان خادنا الشوق ريحنا

خلينا كده على طول مــاشيين

ما رمانا الهوى ونعسنا واللـي شبكنا يخلصنـا

دا حبيبي شغـل بالي