احضان الحبايب - عبد الحليم حافظ 1986
انتاج: شركة صوت الفن
الأغاني:
احضان الحبايب
كلمات: عبد الرحمن الابنودى - تلحين: محمد الموجى
بينى وبينك ايه
كلمات: مأمون الشناوى - تلحين: كمال الطويل
كامل الاوصاف
كلمات: مجدى نجيب - تلحين: محمد الموجى
كنت فين
كلمات: حسين السيد - تلحين: محمد عبد الوهاب
كلمات الأغاني:
احضان الحبايب
مشيت على الأشواك وجيت لأحبابك
لا عرفوا إيه وداك.. ولا عرفوا إيه جابك
رميت نفسك في حضن.. سقاك الحضن حزن
حتى في احضان الحبايب شوك يا قلبي
مشينا هناك .. ورحنا واللي هناك جرحونا
جينا شايلين جراحنا.. وبكينا وقلنا جينا
جينا لكم يا للي لينا مدوا إيديكم خدونا
شيلوا الشوك من صدورنا والدمعه من عينينا
اللي جينالهم يا قلبي في جراحنا جرحونا
ابكي.. تحت الليالي والخوف ملو الضلوع
قلبي.. يا بلاد غريبة بتنورها الدموع
رميت نفسك في حضن.. سقاك الحضن حزن
حتى في احضان الحبايب شوك يا قلبي
يا للي في ليل البعد بننده تبقوا معانا
يا للي بنحلم بيكم ضحكة واحنا حزانى
باسم هواكم ليا بتطفوا الشمعة الباقية في لياليا
باسم العطف عليا بترشوا الشوك في طريق آيامي الجاية
يا شط كان مفروش هنا وحب وأماني
ازاي تسلم مركبي للحزن تاني
الدنيا غايمه في عيوني
على فين يا حزن موديني؟
من رحلة الوهم البعيدة لرحلة الحزن الجديدة
ابكي تحت الليالي والخوف ملو الضلوع
قلبي يا بلاد غريبة بتنورها الدموع
رميت نفسك في حضن سقاك الحضن حزن
حتى في أحضان الحبايب شوك يا قلبي
بينى وبينك ايه
بيني وبينك ايه
ياريت تقوللي عليه
شغلت بالي ليه
بيني وبينك ايه
ليه ليه شغلت بالي ليه
بيني وبينك ايه
آه من عيونك آه من قوامك
ومن سكوتك ومن كلامك
شغلوني وفاتوني بين همي وظنوني
بيني وبينك ايه شغلت بالي ليه
داري جمالك وعطف قلبك
وابعد خيالك عني لأحبك
تشغلني وتنساني وتطول حرماني
بيني وبينك ايه شغلت بالي ليه
كامل الاوصاف
كامل الأوصاف فتني
والعيون السود خدوني
من هواهم رحت اغني
اه ياليل اه ياعين
العيون السود، رموشهم ليل
ليل بيحلم باللي غايب
العيون السود، خدوني،
آه يا قلبي ياللي دايب
علموك تسهر تغني
علموك شوق الحبايب
ليه يا قلبي ليه
ليه خدوني ليه
توهوني غربوني العيون السود
قالوا الصبر بحوره بعيده
قالوا شفايفه نايات بتقول تنهيده
وسهرت أستنى
والنجم معايا
دوبني ودوبنا
في عيون نسايه نسايه
ليه يا قلبي ليه
ليه خدوني ليه
توهوني غربوني العيون السود
كنت فين
كنت فين و انا فين جيت لـي منين
و الأيام دي كـانت غايبـه عني فين
نظرة عين فايته القلب و فيه جرحيـن
من حلاوتهم قلت يا ريت كان لي قلبين
كنت فين .. فين
قلبي و قلبك كانو بعيد
عمر ما كان بينهم مواعيد
يوم ما قابلتك كان يوم عيد
شفت أنا حلمه من سنتين
و كلام ساعتين فات فى دقيقتين
و قالوه نوبتين قلبين و روحين
فين
كلمة اتقالت و أنا رديت
لحن اتغنا و انا غنيت
رحت اسأل عن حالي لقيت
وتر القلب انقسم اتنين
و كلام ساعتين فات فى دقيقتين
وقالوه نوبتين قلبين و روحين
فين
اول مرة قابلت هواك
كنت نسيت كلمه وياك
أنا دلوقتي شايفها معاك
ها تقولها لي امتا و فين
دا كلام ساعتين فات فى دقيقتين
و قالوه نوبتين قلبين و روحين
فين
نظرة عين فايته القلب و فيه جرحين
من حلاوتهم قلت ياريت كان لى قلبين
كنت فين..فين..كنت فين..فين..كنت فين..فين
