ردوا السلام - عفاف راضى 1972
انتاج: شركة صوت الفن
الأغانى:
تلحين: بليغ حمدى
ردوا السلام
كلمات: سيد مرسى
هوا يا هوا
كلمات: محمد حمزة
تساهيل
كلمات: عبد الرحيم منصور
والنبى ده حرام
كلمات: محمد حمزة
الموانى
كلمات: عبد الرحيم منصور
كلمات الأغاني:
ردوا السلام
ردوا السلام.. الا السلام دا غالي
ردوا السلام وماتطلعوش في العالي يا سلام
ردوا السلام وما تجرحوش إحساسي
وفكروني عملت إيه لو ناسي
وريحوني دا انتو أهلي وناسي
ولا المرار في شرعكم أحلالي
ردوا السلام وماتبعدوش وتعالوا
وما تزعلوش من كلمتين انقالوا
ودا عيش وملح وعمر تاني بحاله
بس الزمان عمره ما غنالي
ردوا السلام وكفاية غلبتوني
ردوا السلام وكفاية توهتوني
واللي شافوني تاهوا لما شافوني
قالوا يا عيني على سهر الليالي
ردوا السلام واتكلموا يا حبابي
ردوا السلام ولا عاجبكوا عذابي
يا هلترى حتعدوا يوم على بابي
ولا الأوان قال للزمان ونا مالي
هوا يا هوا
هوا يا هوا، يا نسمة صيف رايحة تعدي على روحي وحبيبي
خدله يا هوا، وياك رسالة ورد يمكن يقرأ ويجي حبيبي
وحشاني عينيه، وخايفة عليه
خدله يا هوا، منديل يحوش الشمس وحر الشمس عن حبيبي
إلـ مسافر دا حبيبي
وقف يا وابور، يا وابور الساعة 12 ياللي رايح لحبيبي
خدني يا وابور، يا وابور أروح أطمن ساعة ما وصل لحبيبي
وصلني إليه، وأطمن عليه
حاسب خدني معاك، إن كنت مروح بكره حتوصل بدري ديار حبيبي
إلـ مسافر دا حبيبي
أمانه يا طير، يا معدي وفايت هدّي ووقف على كتف حبيبي
وحياتك يا طير، لا تميل حتى توشوش كلمة شوق لحبيبي
ملهوفة عليه ، يارب آلاقيه
بينا يا وابور، يا وابور نمشي وندور أنا وانت على حبيبي
إلـ مسافر دا حبيبي
تساهيل
تساهيل والرزق على الله.. تساهيل
تساهيل يا حلاوة بكرة.. تساهيل
تساهيل ونسيم ع النيل
تساهيل بتقول لليل
تساهيل ح تروق والله.. تساهيل
تساهيل ياحبيبتى يا سمرة.. تساهيل
تساهيل وتنولى يا صابرة.. تساهيل
تساهيل والعودة قريبة
تساهيل والله ياحبيبه
تساهيل حتروق والله.. تساهيل
تساهيل كله باوانه.. تساهيل
تساهيل يرجع لمكانه.. تساهيل
تساهيل ح تنور تانى
تساهيل والله يا زمانى
تساهيل حتروق والله.. تساهيل
تساهيل ربنا ويانا.. تساهيل
تساهيل عمره ما نسانا.. تساهيل
تساهيل ياللى انت بتشقى
تساهيل تتعوض تلقى..
تساهيل حتروق والله.. تساهيل
والنبى ده حرام
فكرت في حالي وبكيت
وبس دا حرام والنبي، والنبي دا حرام
تنسونا بالسنة دا حرام تنسونا بالسنة
تفوتونا لدمعنا دا حرام تفوتونا لدمعنا
تنسونا بالسنة والعمر كام سنة
سلامات وإزي حالكم، سلامات.. سلامات
وحشانا يا ناس عيونكم، سلامات.. سلامات
وبس دا حرام والنبي، والنبي دا حرام
والله لو جابولي يوم حتى القمر
هقولهم هاتولي عنه ولو خبر
مش عاوزة القمر
عاوزة أسمع خبر
يحكيلي عن حبيبي وإزي حال حبيبي
دا بقاله كام سنة، متغرب عننا
دا بقاله كام والعمر كام سنة
سلامات وإزي حالكم، سلامات.. سلامات
وحشانا يا ناس عيونكم، سلامات.. سلامات
وبس دا حرام والنبي، والنبي دا حرام
لولا الملامة لولا
لا امشيله بلاد وإن كانوا بعاد
أرحم م اللي أنا فيه
وأعرف فين أراضيه
وتاني أشوف حبيبي
وارتاح ويا حبيبي
دا بقاله كام سنة، متغرب عننا
دا بقاله كام والعمر كام سنة
سلامات وإزي حالكم، سلامات.. سلامات
وحشانا يا ناس عيونكم، سلامات.. سلامات
وبس دا حرام والنبي، والنبي دا حرام
الموانى
يـا لـقــا الغــريـب على صدر الحبيب
يا شــوق المـسافر للمـرسى القــريب
يا وداع الصـحاب وعـودة اللى غاب
وفــراق الأحبـاب وحـيـرة الأغـراب
كله فى المـوانى يابا.. آه على الموانى يابا
يا دمــعـة غــريـبة وبسـمــة حـبـيـبـة
يا منـاديل تـلــــوح للى قاصــــد غيبة
تـتـــلاقى أيــادى وتتـفــارق أيــادى
وصـــوت الموانى فى العـيــون ينادى
كله فى المـوانى يابا.. آه على الموانى يابا
يا انتظار طــويل لـوعـتــه مـواويل
يا لـهــفة بـتـنــور فى القلوب قناديل
يا ألفين ســـلامة وكلمة بالسـلامة
والموانى شجرة ودموع وأبتسامة
كله فى المـوانى يابا.. آه على الموانى يابا
