يا طريق يا طريق - عمرو دياب 1983
انتاج: شركة صوت المدينة
الأغاني:
يا طريق يا طريق
كلمات: عبد الرحيم منصور - تلحين: هانى شنودة
المدينة
كلمات: عصام عبد الله - تلحين: عزمى الكيلانى
بحب الحياة
كلمات: عصام عبد الله - تلحين: عزمى الكيلانى
الزمن
كلمات: هانى زكى - تلحين: هانى شنودة
نور يا ليل
كلمات: عبد الرحيم منصور - تلحين: هانى شنودة
وقت وعشناه
كلمات: عصام عبد الله - تلحين: عزمى الكيلانى
احلى يا دنيا
كلمات: عوض الرخاوى - تلحين: ياسر عبد الحليم - توزيع موسيقى: عزيز الناصر
احضان الجبل
كلمات: هانى زكى - تلحين: هانى شنودة
كلمات الأغاني:
يا طريق يا طريق
يا طريق يا طريق ماشين يا طريق
بقلوب عطشانة أمل وسماح
نفسنا فى هواك ننسى اللى راح
كداب كداب اللى يقول تاب
لو قضى العمر معاك فى عذاب
يا طريق يا طريق ماشين يا طريق
أسامينا مزروعة فيك
قناديل فى سما لياليك
من صغرنا عايشين لك
نعشق ونحن إليك
نفرح لما نلاقيك
ونقولك أهلاً بيك
يا طريق يا طريق ماشين يا طريق
دقينا فيك أبواب
وفارقنا فيك أصحاب
طول عمرنا ملك أيديك
نقرا الأحزان فى عينيك
ونروح وبنرجع لك
ونقولك أهلاً بيك
يا طريق يا طريق ماشين يا طريق
مكتوبة عليك خطوتنا
والناس وأنت حقيقتنا
من عشقنا فيك بندوب
وقلوب بتوه وقلوب
عايشة العمر تناديك
وتقولك أهلاً بيك
يا طريق يا طريق ماشين يا طريق
المدينة
المدينة قلبها زحمة بالهموم
والعيون تايهه بتدارى في الغيوم
مين يهمه الا همه مين بيصرخ غير لالمه
غابت كل يوم غربت كل يوم
المطر باعت معاه دموع الندم
بكرة تشتي على الزحام
الزحام يبقى فضا
والدموع ساعتها نشحت كل ندم
عل الحكايات اللي ضاعت
اللي ضاعت في المدى
حبيبتي المدينة متاهة بشر
شوارع حزينة بقايا صور
حبيبتي المدينة في رياح القدر
وحيدة مسكينة بداري الخطر
بحب الحياة
بحبك لأنك عيون الحياة .. بشوف بيكي املي اللي كان انتهى
بحبك لأنك في اخر ندا .. لقيتك في قلبي بتروي صباه
ساعات يا حبيبتي ياخدني خيالي .. وافكر في حالي من غيرك انتي
لمين يا حبيبتي هكمل حياتي .. دا انا امنيتي اتبنت بيكي انتي
بحبك لأنك وهبتي بحبك لقلبي مناه
بقيت يا حبيبتي بحب الحياة
بفكر في اسرع طريق لللقى
في رحلة حياتنا اللي هتكون لنا
هتبقي معاي في صبحي ومساي جميلة
هنبقى انا وانتي في عالم سعيد
في صمته وجنونه وامله العنيد
اكيد يا حبيبتي هكمل حياتي
دا انا امنيتي اتبنت بيكي انتي
اكيد يا حبيبتي هكمل حياتي
دا انا امنيتي اتبنت بيكي انتي
بقيت الحياة اللي جاية لنا
هتبقى دي احلى سنين عمرنا
وجودك معايا هيبقى البداية الحقيقة الجميلة
هكون ليكي دايما ومهما يكون
دا انتي الواحدة اللي ليكي هكون
الزمن
الزمن بينسى دايما مع الزمن مفيش وعود
اللي كان عايش في قلبي النهاردة ملوش وجود
الزمن ملهش صاحب ملهش قلب ولا مشاعر
خطوته مشوار في قلبي عشت فيه دايما مهاجر
مع الزمن الجرح بيتنسي والذكريات الحلوة تدبل
مع الزمن بنبتدي دايما حكاية فيها تخلص
ننسى الملامح والوجود والعناوين
يمكن نتوب عن ذكريات عاشت معانا
ضاعت في يوم من الزمن
الزمن دموع بتجري او ضحكة ما لها أي معنى
او لعبة ملناش يد فيها مهما اتشائمنا وتفائلنا
كنت اجبن منه دايما عمري ما فكرت اواجه
كنت خايف منه يمكن لو كان بشر كنت فهمته
عشرين سنة من يوم ما اتولدت احلم معاه
يوعدني اصدق عشرين سنة مروا وكأنهم سراب
وكان بيكدب كتب حكايته على الوجوه
والم في كل ضحكة وساب علاماته الحزينة
على طريقي اللي من زمان
نور يا ليل
نور يا ليل الأسرار
ياللى عشقناك وإحنا صغار
إحنا بنصفح وأنت بتجرح
زى ما قالوا عليك دوار
فتح يا شجر الأحلام
قد ما بتدور الأيام
فتح وأطرح نفسنا نفرح
ده المشوار جنة على نار
روق يا بحر العُشاق
بتسافر فيك الأشواق
روق وأوعد أنك تسعد
قلبين ضاعوا مع التيار
قرب يا مرسى البحار
للى ضاع عمره فى أسفار
خليه يرسى وأوعاك تنسى
انه غريب عن أهل الدار
وقت وعشناه
وقت وعشناه انتي وانا
جرح حفرناه لبقية عمرنا
دلوقتي خلاص مواعدنا خلاص
بتدق خلاص اجراس حزننا
مش لاقي كلام يوصف الالام
جرح الاوهام ويبارك لنا
كنا في امان كنا في حنان
وكان يا مكان كان في حبنا
فاكره الامل
يوم ما التقينا زي الغزل
مالي عنينا
فاكره العطش لما ارتوينا
كان القدر راضي علينا
لقينا في بعضنا
شئ ضايع مننا
وتوهنا في عالم حبنا
وغرقنا في بعضنا
ونسينا وقتنا
وعيون الامل بتشدنا
دلوقتي خلاص مواعدنا خلاص
بتدق خلاص اجراس حزننا
وقت وعشناه انتي وانا
جرح حفرناه لبقية عمرنا
يا حبيبتي وداع مكتوبنا ضياع
غربه والالام مكتوب بعدنا
احلى يا دنيا
امتى نشوف البسمة الحلوة مالية شفايف كل الناس
امتى نشارك بعض في غنوة غالية ونملى الكون اخلاص
امتى نعيش من غير احزان امتى نشوف القسوة حنان
احلى يا دنيا تكوني امان والقي الناس بتحب الناس
احلى دنيا احلى دنيا
ليه في قلوبكوا امان وشكوك خلوا الورد وشيلوا الشوك
عمر الحب ما عاش في قساوة لا بتنسى وعينيك بتبوح
غنوا اغاني الحب الصافية ياما الحب بيشفي جراح
محلى الغنوة الحلوة الدافية لو قدامها امل وبراح
احضان الجبل
في يوم والشمس طالعة بالوانها البريئة ولمستها الدهب
همسك ايدك وهاخدك لبيت ابيض صغير في احضان الجبل
البيت دا فيه اتولدت على بابوا كبرت
واتعلمت ان اغني اول غنوة دافية زي شمسنا
زي قلوب الصبايا اللي في حينا
والالوان البريئة على ابواب بيوتنا
على الجدران بتحكي ان الكون اتولد
في بيت مصري صغير في احضان الجبل
ضوء الفجر خافت بيرسم المعاني
من بعد ليل طويل
والنيل امواجه تصحى وتحكي ذكرياتها
من الاشجار للنخيل
وانا الطفل الصغير لكن بسمع وافكر
حاسيت في كل لحظة
اني حاضر وذكرى وجزء من المكان ده واني مش وحيد
الزمن راكع هناك بيهمس للجمال
ما تكون حجر اتكلم يا حجر
لكن صمته الجميل سنين ورا سنين
وجيل من بعد جيل فضل حرف ملامحه
في ضميري في ابتسامتي في نظرتي لبكرة وحبي للحياة
