1994 ليه .. ليه .. حظى كده - عماد عبد الحليم
انتاج: شركة جولدن كاسيت
الأغاني:
ليه
كلمات: سمير الطائر - تلحين : محمد على سليمان
عجيب الحب
كلمات: عبد الوهاب محمد - تلحين : عمار الشريعى
على عينى
كلمات: سمير محبوب - تلحين : محمد على سليمان
لسة بدرى
كلمات: سمير محبوب - تلحين : محمد على سليمان
من غير وجودك
كلمات: عبد الوهاب محمد - تلحين : عمار الشريعى
كلمات الأغاني:
ليه
ليه ليه ليه ليه ليه ليه ليه ليه
حظى معاكى يادنيا كده ليه
ليه ليه ليه ليه ليه ليه ليه ليه
اتوه وياكى يادنيا كده ليه
فى الاحزان تفتكرينى وفى عز الفرحه تنسينى
وارسملك ضحه تبكينى وتخلينى مش عارف
غير لليأس طريق ولا شايف غير الحزن صديق
انا مين مش عارف ابقى انا مين انا مين
انا جرح ويأس وقلب حزين انا مين انا مين
مش عارف ابكى على امبارح ولاعلى سنين عمرى الجايين
ليه فيكى الحب يادنيا عذاب ليه ابنى امل والاقيه كداب
ليه كلمه ليه مش لاقيه جواب ماتردى يادنيا باى ندا
ليه ليه ليه ليه ليه ليه ليه ليه
فى الاحزان تفتكرينى وفى عز الفرحه تنسينى
عجيب الحب
عجيب الحب جدا وعجيب عمايله فينا
بيعوضنا فى شبابنا عن ايامنا الحزينه
ويقيم حوالينا جنه على القد وخاصه بينا
ويحولنا لملايكه نغفر للى علينا
عجيب الحب جدا ولغته ياسلام
لغات الدنيا فيها ولا محتاجه لعلام
ده سكوت اثنين حبايب مع بعضهم كلام
بييفوت بين الحواجز مهما كانت متينه
عجيب الحب جدا واكتر من عجيب
هو بيخترنا واحنا للامر بنستجيب
واللى مايعرف يقولك انا مختار الحبيب
والحق ان المقدر هو اللى بيجرى لينا
على عينى
على عينى على عينى ياقلبى على عينى
على عينى فايتك لحبايبى على عينى
انا رايح للأمل وده نصيبى
انا راجع بالعجل طمن حبيبى
على عينى ياقلبى على عينى
غصب عنى رايح امشى رايح امشى وافضل لوحدى هناك هناك
وحبك انت جوه رمشى على شوق بيستناك
بس استنى ماتطمنشى انا اصل روحى معاك
كل خطوه خطوه خطوه بخطيها محسوبه من عمرى من عمرى
والغربه مهما مهما قاسيها تحتار مع امرى مع امرى
والدنيا مهما فيها ماينتهيش صبرى
على عينى على عينى ياقلبى على عينى
على عينى فايتك لحبايبى على عينى
لسة بدرى
لسه بدرى لما بدرى لما يدق الحب بابى
لسه بدرى لما قلبى يدوق عذابه
قلبى ياناس يتوه فى سكته
قلبى ياناس الحب ده مش لعبته
ياهوى سبنى فى حالى ياهوى
ياهوى سيب قلبى خالى ياهوى
والليالى تشوف عذابى
سيبنى افرح باليالى قبل ما تشغلى بالى
والليالى تشوف عذابى
سيبنى سيبنى سيبنى سيبنى ده لسه بدرى
كل ساعه وكل ثانيه كل يوم فى الدنيا ديا
عايز اعيش من غير عذاب قلبى ده لسه شباب
عايز اجرب عايز اقرب للفرح مره وللحب مره
عايز ادوق معنى الحياه عايز ادوق وماقولش آه
يابكره تعالى وهاتلى رساله من الدنيا الجديده
وخدنى لفرحى ولا تبعتش لى جرحى
ياهوى سبنى فى حالى ياهوى
ياهوى سيب قلبى خالى ياهوى
يابكره تعالى وهاتى لى رساله للدنيا الجديده
وخدنى لفرحى ولاتبعتش جرحى للسكه السعيده
ودينى لعالم مافهش جراح
ودينىى لعالم مليان بالافراح
لسه بدرى لسه بدرى لما اقول كلمه حبيبى
لسه بدرى لما اقول اهو جه نصيبى
قلبى ياناس لسه عايش فرحته
قلبى ياناس ليه يصاحب دمعته
ياهوى سبنى فى حالى ياهوى
ياهوى سيب قلبى خالى ياهوى
سيبنى افرح باليالى قبل ما تشغلى بالى
وقبل ماعرف مين حبيبى
سيبنى سيبنى سيبنى سيبنى لسه بدرى
من غير وجودك
من غير وجودك مايبقليش ولا سلوى حلوه عشانها اعيش
حياتى تفضى عليا خالص وتهون فى عينى ولا تساويش
اه لو ماكنش فيه فرق بينا
الفرق انى بحبك اكتر
لا لا لا ده انتى بدر فى سماه وعالى
وانا نجم جنبك ويمكن اصغر
الحب عندك نساكى جاهك
والحب عندى خلانى افكر واشوف وافكر
ما انا ياروحى من البدايه
بشعر بروحك بتقوى روحى بشعر بروحك ياروحى بتقوى روحى يا روحى
فى كل ناحيه وهدف وغايه وقد احساسى بانسجمنا
على قد خوفى على قد خوفى من النهايه
واخد الحكايه دراما ليه
تصورى حالى شكله ايه
اكون بحب انسانه زيك وحبى ليكى مالهوش نهايه
ومنايا اجبلك الكون ده كله ومش بايدى شىء من منايا
حبك لوحده فيه الكفايا
حرام عليا اظلمك معايا
لان فى ليله من الليالى حايخترولك عريس بدالى
فى مستواكى من كل ناحيه يدوس على حبنا المثالى
دى نهايه طبيعيه للروايه
لان فى ليله من الليالى حايخترولك عريس بدالى
فى مستواكى من كل ناحيه يدوس على حبنا المثالى
دى نهايه طبيعيه للروايه
