زى الاول - هشام عباس 1996
انتاج: شركة امريكانا
الأغانى:
عينك فى عينى
كلمات: ايمن بهجت قمر - تلحين: حسن دنيا - توزيع موسيقى: بهاء حسنى
يوم ورا يوم
كلمات: احمد شتا - تلحين: صلاح الشرنوبى - توزيع موسيقى: بهاء حسنى
يا رامينى
كلمات: هانى الصغير - تلحين: وليد سعد - توزيع موسيقى: بهاء حسنى
يا ليل
كلمات: مجدى كامل - تلحين: يحيى غنام - توزيع موسيقى: اشرف محروس
زمان
كلمات: احمد فوزى - تلحين وتوزيع موسيقى: بهاء حسنى
لا تعبنى الهوى
كلمات: مصطفى زكى - تلحين: وليد سعد - توزيع موسيقى: بهاء حسنى
بسالك
كلمات: مصطفى زكى - تلحين: وليد سعد - توزيع موسيقى: بهاء حسنى
قدك
كلمات: اشرف جلال - تلحين و توزيع موسيقى: حميد الشاعرى
ضاعت خلاص
كلمات: مصطفى زكى - تلحين: زياد الطويل - توزيع موسيقى: اشرف محروس
يحكيلى عنها
كلمات: بهاء الدين محمد - تلحين: حسن ابو السعود - توزيع موسيقى: بهاء حسنى
كلمات الأغاني:
عينك فى عينى
عينك في عيني يا نور عيني عينك في عيني
مين اللي قالك فارقيني و امشي و سيبيني
مين ما انتي قولتي انساني تبقي مش عايزاني
انتي انتي قولتي انساني تبقي مش عايزاني
خدت بعضي و تاني جاية بتحاسبيني
مين اللي كان فينا ابتدى بالبعد يوم
مين اللي داق مر السهر و لا داقش نوم
انتي ابتديتي بالبعاد وانا اللي سهرني العناد
تعبت من كتر الهموم
مهو كان مواعدك بالهوى وانتي نستيه
هو القريب منك غريب والا البعيد عنك حبيب
والا انتي مالك عايزة ايه
يوم ورا يوم
زي الاول و اكتر لسه بحب اكيد
حبك ليا بيكبر و غلاوتك بتزيد عيني
يوم ورا يوم عندي بتغلي
والاقيك بعيوني بعيوني بتحلى
دا انا صاين حبك والله والله والله
و على راحتك قلبي بيسهر
زي الاول و اكتر
حبك عندي ملوش مثيل انت و بس ملكش بديل
اسمك وحده يطمن قلبي و يصبرني بحلم جميل
وحدك انت حبيب الروح بترد في ايامي الروح
انا حالف ما هفوتك ثانية و لا اسيبك لو فين هتروح
يا رامينى
يا راميني في الغرام
و تعبني بالخصام
حبك اول كلام
انا قولته في دنيتي
نامت فيا الجروح
راحت ماترح ما اروح
ولا عاد في القلب روح
و مفيش غير دمعتي
ليالي وانت خالي
و راضي بانشغالي
ازاي تبقى انت غالي
و تغالي في الوداد
و ازاي بتلوم عليا
دمعه صاحبة عنيا
و انت كل البيا
لما سكنت البعاد
حبيبي قولي مالك
غرامي مش في بالك
لو كان شوقك ندالك
ماكنت نسيت هواك
يمكن في حد تاني
ساكن قلبك مكاني
ريح قلبي و زماني
ده القلب احتار معاك
يا ليل
البيت كان قصاد البيت شباك كان قصاد شباك
كان جاري القمر ولقيت روحي فيه
انا شفت فعيونه حنان رجعلي اللي فاتني زمان
واللي جاي من عمري مستنيه
اه يا ليل
خد قلبي ومعاه والروح
بتروحله لفين ما يروح
انا قلبي وهوايا ملك ايديه
والشوق اللي جاي معاه دوبني في ليالي هواه
نساني الجراح والحيره والويل
هوه اللي قال جايلك شايلك في رموش العين
هوه لينا غني هوه لينا غني
هوه اللي غيرلي طعم الحياه
كان قلبي بيتمناه وليالي بيستناه
من اول ما شفته انا حبيت
وناديته بشوق وغرام وعيوني قالتله كلام
ولقتني بقلبي وروحي حنيت
طول عمري بفكر فيه وحنيني واخدني ايه
وفحضن الليالي ياما غنيت
واهو مالي عليه الكون والقلب بهواه مفتون
من شوقي وحنيني دوبت في عينيه
هوه اللي قالي جايلك شايلك في رموش العين
هوه لينا غني هوه لينا غني
هوه اللي غيرلي طعم الحياه
زمان
زمان زمان وانا صغير
كنت بحلم ابقى كبير ابقى كبير
تعب القلب واتحير من الدنيا ومن المشاوير
الحلم كان برئ مفروش بالورود
والقلب كان جرئ مليان بالوعود
ولما كبرت قلت ياريت
ما كنت حلمت ولا اتمنيت
قلت ياريتني فضلت صغير زي زمان
انا من صغر سني حاسس بشئ جوايا
وحلمت زمان اغني والكون يسمع غنايا
غنيت غنيت وفي وسط الغنوة بكيت
ولقيت الكون كله بيتغير
حلمت زمان ببيت وبقلب يكون معايا
ومن الاحلام صحيت على جرح مالوش نهاية
وداريت وداريت الجرح في قلبي داريت
ولقيت العمر يا دنيا قصير
لا تعبنى الهوى
لا تعبني الهوى
طول ما احنا سوى
ولا جرحه صابني وقلت يا ناس
يا ناس مش لاقي دوا
ولا عشت الليل في سهر وقمر بيكلمني
ولا شمس تغيب واقول يا حبيب ليه تالمني
ده الهوى كان هوى بين القلبين
واحد فرحان وفي قلبه حنين
والتاني ارتوى من نظرة عين
ده الهوى كان هوى هوى بين القلبين
وبشوف عشاق يتمنوا فراق
في عينيهم شكوى بتتكلم
والدمع كاسات في الليل بيبات
واهات في القلب بتتالم
وكان الهوى دايما غدار
ما فيهوش من الجنة وفيه من النار
وانا لما هويت قلبك حبيت الدنيا وضحكت ايامي
ولا قلبي احتار وياك في نهار ولا ليل بيغرب احلامي
وانا وانا لما هويت قلبك حبيت الدنيا وضحكت ايامي
ولا قلبي احتار وياك في نهار ولا ليل بيغرب احلامي
ما عرفتش غير ان انا فرحان
ولا غيرك تاني اداني امان
بسالك
بسالك يا دمعه حايره بين عينيا و الخدود
بسالك هو اللي ضاع من غير سبب ممكن يعود
هو اللي باعنا و راح مسابش الا جراح
ممكن نقوله سماح و نقوله تاني يعود
بسال يا حيرتي و السؤال بيهدني
هو اللي ضاع ممكن و يودني
يا دمعه ع الخد انزلي اطوي الجراح و اتحملي
حيران و لسه الذكريات بتشدني
هو اللي باعنا و راح مسابش الا جراح
ممكن نقوله سماح و نقوله تاني يعود
هو الخداع طبع الحبايب كلها
يا ريتني ما عرفت الهوى و لا قلبي بدموعه انكوي
مجروح و بسال ايه انا حبي انتهى
هو اللي باعنا و راح مسابش الا جراح
ممكن نقوله سماح و نقوله تاني يعود
قدك
ادي قدك ولا ولا قده
و ادي خدك ولا ولا زيه
متندي برقه احلامك
و بيطرح ازهار و ورود
ادي حبك بيسهر فيا
و انا دايب في عيونك دوب
مستني ترقي بحنيه
و بشمسك تمحيلي غروب
يا جميله و حبك بيزيد
و بيجري في شريان و وريد
وبفرحك دايما موعود
ادي قلبك بيدق لقلبي
رسيني و رسيه على حال
خليكي باحلامك جنبي
و لا غيرك كان ليا امال
يا اميره و عرشك احلام
مبتعرف سكه اوهام
ضاعت خلاص
خلاص
ضاعت خلاص كل الفرص
و معدش باقي للهوى اي احتمال
ضاعت خلاص كل الفرص
و اتكسرت احلامي ليكي و الخيال
كنت اخالف نفسي دايما كل مره
لما تيجي و تقوليلي دي الاخيره
كل مره و الحقيقه تيجي مره
بكتشف زيفك لاحلامي الكبيره
انتي وهم الامتلاك
انتي جرحي مش ملاك
بس قلبي كان بيحلم انه شايلك ع الفرس
ضاعت خلاص كل الفرص
و اتكسرت احلامي ليكي و الخيال
ضاعت خلاص
انتهى كل اللي بيننا من زمان
الرجوع تاني لهواكي ده عذاب
و انتهى حتى الكلام عن حب كان
الطريق اللي ما بيننا الف باب
انتي ضعفي اللي نسيته
انتي ماضي خلاص داريته
لما كنت لوحدي دايما
بفتكر كل القصص
ضاعت خلاص كل الفرص
و اتكسرت احلامي ليكي و الخيال
ضاعت خلاص
يحكيلى عنها
عمال يحكيلي عنها عمال يوصفلي فيها
وكلامه هز قلبي خلاني حلمت بيها
وسالني صاحبي مالي لقتني بقول في بالي
مش عايز اشوف حبيبتك اوعى توريهالي
مش عارف اقوله ايه ماسمعش كلامي ليه
ويوم ما قابلني بيها لقيت شوقها في عينيها
اتاريه قربها مني وحكالها برضو عني
ليه بس شغلها بيا وخلى حالها حالي
احساسي بخوف عينيه خلاني اخاف عليه
والوم احساسي بيها واخاف على حبه ليها
ونسيتها في بحر ثانيه ولقتها واحده تانيه
مش ممكن تبقى ليا دا صاحبي عندي غالي
