قولوله - عبد الحليم حافظ 1986
انتاج: شركة كايروفون
الأغاني:
قولوله
كلمات: مرسى جميل عزيز - تلحين: كمال الطويل
كفاية نورك عليا
كلمات: مأمون الشناوى - تلحين: كمال الطويل - توزيع: اندريه رايدر
حبيب حياتى
كلمات: حسين السيد - تلحين: كمال الطويل - توزيع موسيقى: فؤاد الظاهرى
فى يوم من الايام
كلمات: مأمون الشناوى - تلحين: كمال الطويل - توزيع موسيقى: فؤاد الظاهرى
راح راح
كلمات: مرسى جميل عزيز - تلحين: كمال الطويل - توزيع موسيقى: على اسماعيل
مشغول وحياتك
كلمات: اسماعيل الحبروك - تلحين: محمد الموجى - توزيع موسيقى: فؤاد الظاهرى
كلمات الأغاني:
قولوله
قولوله.. قولوله.. قولوله الحقيقة
قولوله بحبه من أول دقيقة
قولوله بحبه ومتوهني حبه
في بحوره الغريقة .. أبو عيون جريئة
كان مالي ما كنت في حالي
متهني بقلبي الخالي
فات رمشه الجريء وندهلي
وفي أجمل عيون توهني
قولوله ندهني ليه
حيرني وشغلني عليه
بالحب اللي زايد .. والشوق اللي قايد
من أول دقيقة أبو عيون جريئة
فات جنبي وعيونه حبايبي
نسوني اللي عايشين جنبي
بصيتله قوام حبيته
وبفرحة عينيا ناديته
قولوله يقول لعينيه
إيه آخرة دا كله إيه
يا يصحيلي قلبه.. يا ينسيني حبه
لعيونه الجريئة.. أبو عيون جريئة
طال شوقي وطال تعذيبي
ولإمتى حداري لهيبي
أوصفله غرامي دا كله
وفي أول مقابلة أقوله
وأحلفله بليالي الشوق
ونجوم السما اللي فوق
إزاي قلبي حبه .. والبال انشغل به
من أول دقيقة.. أبو عيون جريئة
كفاية نورك عليا
كفاية نورك عليا
نورلي روحي وقلبي
خلاني شفت بعينيا اللي انكتبلي في حبي
قريت على ضيك كلام جميل زيك
كفاية نورك عليا
إزاي قابلتك وإزاي عرفتك وفين وإمتى؟
نسيت زماني ونسيت مكاني وفاكرك أنت
نسيتني همي.. نسيتني اسمي.. عملت إيه أنت فيا
كفاية نورك عليا
إن كان دا حلم دا يبقى جميل
خليني أحلم بيه على طول
بلاش تصحيني وتصحي أوهامي
سيبني يا نور عيني عايش فى أحلامي
والعمر ليلة حلوة وجميلة لقيتها في الليلة ديه
كفاية نورك عليا
حبيب حياتى
حبيب حياتي اللي اهاتي بتغير عليه من رمش عنيه
خلاص لقيته وعرفت بيته واتلم شمل القلب عليه
حبيب حياتي
كانت النجوم اقرب من فرحتي بلقاه
خفت الامل يهرب تاني واجري وراه
كلمته وحايلته وما صدق قلبى انى قابلته
وعرفته من صورته والروح من جواه جابت سيرته
حبيب حياتي
سافر وسافرت وراه ونسيت الدنيا معاه
وعينيه من كتر هواه وحشوني وانا وياه
عاهدوني وخادوني وصاحبهم شلته فى عيوني
وعدوني يزوروني وتانى يوم قابلوني
حبيب حياتي
فى يوم من الايام
في يوم من الأيام كان ليا قلب
ويا المحبة هام وياريت ما حب
قسوة حبايبي مغلباني
إوعى يا قلبي تحب تاني
في يوم من الأيام
أنـا كنت هـواه وحبيبه، روحي وقلبي حـواليه
لـو كان الدمع يجيبه، كنت ابكي العمـر عليه
لا صوتي يسمعه ولا دمعي يـرجعه
قسوة حبايبي مغلباني
إوعى يا قلبي تحب تاني
في يوم من الأيام
فين راح الشوق من قلبه والـرقة والحنية
اللي ح يتهنى بحبه لو يعرف يبكي عليا
لا عـاد يـفـيـد ندم عليه ولا ألم
قسوة حبايبي مغلباني
إوعى يا قلبي تحب تاني
في يوم من الأيام
وحياة حبك يا ناسيني
ياريت يا حبيبـي انساك
دنا كل طريق في عيونــــي
علمتـه بذكــرى معاك
يــا نـاســـي حبنا
راح اعمــل إيــه أنا
قسوة حبايبي مغلباني
إوعى يا قلبي تحب تاني
في يـوم من الأيام
راح راح
راح ...راح ...راح
خـد قلبى و راح خـد أملى و راح
خد نـور أحـلامى خد من أيـامـى
كل الأفـراح و راح
حبيبى قصـدى الـلى كان حبيبــى
و كل حاجه ف الدنيـا حـــبـه
حبيبى أيام ما كان حـبيبى
و انام احبه و اقوم احـبـه
ما كانش يفرحنى الا فرحـه
ما كانش يجرحنـى الا جرحــه
و ياما ياما سهـرت ليالـى
وهو شـاغل كل خيالى
و الحب و الأحلام الحلـوه
خللا الفراق ما خطرش علا بالى
و اهو فاتنى و راح راح ..... راح ..... راح
من دمعه ندم من حرقه ألم
من صرخة جريح من قلب انظلم
بعتب ع اللى خان بعتب عليك يا زمان
قربتنى للجنه و خدتنى للحب و لما جيت اتهنا جرحتنى ف القلب
و بدال ما اغنى للافراح و اقول دا قلبى خلاص ارتاح
بصيت لقيتنى لوحدى غريب بقول يا ليل انا كان لى حبيب
خد أملى و راح...خد قلبى و راح
خد نور احلامى خد من ايامى كل الافراح
و راح...راح....راح
مشغول وحياتك
مشغول وحياتك مشغول ولآخر الأسبوع مشغول
مشغول وحياتك وحياتك مشغول
أنا بكرة مواعد قلبي ح يحكي ع اللي مخبيه
ح يحكي حكاية حبي حقول له ع اللي انا فيه
ده حكاية عمري وأيامي وشبابي مختار اللي قدامي
مشغول مع قلبي مشغول مشغول وحياتك مشغول
أنا عندي ميعاد مع صورة للصبح اسهر قدامها
يا ما عشت ليالي كتيرة فرحان بيها بكلمها
وعينيها الحلوة تكلمني ولأول تفكر تخاصمني
بالصورة الغالية انا مشغول مشغول وحياتك على طول
مشغول مشغول وحياتك مشغول
انا مشغول عني فيك وماليش الا انت وسيرتك
قلبي كلمني عنك أنا اكلم عني بصورتك
وخيالك دايما في خيالي مشغول وحياتك مشغول