بتلومونى ليه - عبد الحليم حافظ 1986
انتاج: شركة صوت الفن
الأغاني:
تلحين: كمال الطويل
بتلومونى ليه
كلمات: مرسى جميل عزيز - توزيع موسيقى: اندريه رايدر
جواب
كلمات: مرسى جميل عزيز - توزيع موسيقى: على اسماعيل
حبيب حياتى
كلمات: حسين السيد - توزيع موسيقى: فؤاد الظاهرى
بيع قلبك
كلمات: حسين السيد - توزيع موسيقى: اندريه رايدر
نعم يا حبيبى
كلمات: مأمون الشناوى
الحلو حياتى
كلمات: مرسى جميل عزيز
كلمات الأغاني:
بتلومونى ليه
بتلوموني ليه.. بتلوموني ليه
لو شفتم عينيه حلوين قد ايه
حتقولوا انشغالي وسهد الليالي
مش كتير عليه.. ليه بتلوموني
أسير الحبايب يا قلبي يا دايب
في موجة عبير م الشعر الحرير
ع الخدود يهفهف ويرجع يطير
والناس بيلوموني واعمل ايه يا قلبي
عايزين يحرموني منه ليه يا قلبي
بتلوموني ليه
من يوم حبه ما لمس قلبي
فتح الباب للشوق يلعب بي
وهوّ حبيبي وهوّ نصيبي
وهوّ النور لعينيا وقلبي
وهوّ شبابي وهوّ صحابي
وهوّ قرايبي وكل حبايبي
والناس بيلوموني واعمل ايه يا قلبي
عايزين يحرموني منه ليه يا قلبي
بتلوموني ليه
جواب
حبيبي الغالي
من بعد الأشواق
بهديك كل سلامي
وحنيني وغرامي
نور عيني
روح قلبي
حبيبي، حياتي
مشتاق لعنيك، مشتاقلك
مشتاق وأنا لسه مقابلك
وفي عز الشوق يا حبيبي
وفي عز الليل بكتبلك، بكتبلك
لا، لا قلبي اللي بيكتبلك
هو اللي بيبعتلك
والليل صحاه والشوق خلاه، خلاه يكتبلك
يكتبلك علي اللي بقاله كتير مداريه
يوصفلك حبه وسهده وشوق لياليه
مش قادر علي بعدك ثانيه أبدا، أبدا يا حبيبي
ولا عارف إيه طعم الدنيا أبدا، أبدا يا حبيبي
أنا عايزك، عايزك علي طول يا حبيبي
مش عايز أشواقنا تطول يا حبيبي
أنا عايزك جنبي تسقيني وتشرب من حبي
ولا نعرف بكره من إمبارح ولا دقه قلبك من قلبي
وختاماً لك ألف سلام
ومحبه وأشواق وغرام
من قلب لا يهدى ولا ينام ولا ينام
قلب حبيبك
حبيب حياتى
حبيب حياتي اللي اهاتي بتغير عليه من رمش عنيه
خلاص لقيته وعرفت بيته واتلم شمل القلب عليه
حبيب حياتي
كانت النجوم اقرب من فرحتي بلقاه
خفت الامل يهرب تاني واجري وراه
كلمته وحايلته وما صدق قلبى انى قابلته
وعرفته من صورته والروح من جواه جابت سيرته
حبيب حياتي
سافر وسافرت وراه ونسيت الدنيا معاه
وعينيه من كتر هواه وحشوني وانا وياه
عاهدوني وخادوني وصاحبهم شلته فى عيوني
وعدوني يزوروني وتانى يوم قابلوني
حبيب حياتي
بيع قلبك
بيع قلبك بيع ودك شوف الشاري مين؟
شوف عهدي مين بعدي حيصونهولك مين؟
العهد اللي رعاك.. والقلب اللي فداك
أيامه عمرها بسنين.. شوف الشاري مين؟
قبل ما تنسى العهد الغالي فكر ليلة وهات لياليه
شوف مين غيرنا قضى ليالي عايشه بعمر شبابي فيه
حتلاقي خطوة قلبي وقلبك مستنيه هناك
شايلالي كلمة فضلت منك لما كنت معاك
واعمل إيه قوللي ياللي فاكرني بهجرك أعمل إيه؟
بتقول ناري تعبت قلبك..
مش دي النار اللي كان حبك طاير في جنتها وسارح
ليه دلوقتي بتبعد عنها ليه؟
ليه دلوقتي بتهرب منها ليه؟
ما هو النهارده زي امبارح
أهجر على كيفك وانساني.. مسيرالأيام تجيبك تاني
وأعمل إيه قوللي يا اللي فاكرني بهجرك أعمل إيه؟
أنا يسعدني تبعد عني.. وتجرب غيري في هواك
شوف مين حبه أكتر مني.. لو شاف اللي أنا شفته معاك
ابني آماله وهدها.. واحسب دموعه وعدها
وتعالى قوللي بعدها.. هو حبيبك والا أنا
وأعمل إيه قوللي ياللي فاكرني بهجرك أعمل إيه
نعم يا حبيبى
نعم يا حبيبي نعمأنا بين شفايفك نغم
أيامي قبلك ندم
وأيامي بعدك عدم
نعم يا حبيبي
نعم يا حبيبي بحبك
وأعيش ملك أمرك
وأعيش ملك إيدك
ناديني تلاقيني جنبك
وتطلب حياتي أزيدك
ولو مرة ناداني قلبك
سنين عمري تبقى عبيدك
دنا يا ما ببكيلك
وفاكرني بغنيلك يا حبيبي
نعم يا حبيبي
أقولك نعم في منامي
ويا ما ناداني خيالك
وحملته شوقي وسلامي
وحلفته أخطر ببالك
رميت قلبي في نار غرامك
وكان قلبي ماله ومالك
دنا يا ما ببكيلك
وفاكرني بغنيلك يا حبيبي
نعم يا حبيبي
الحلو حياتى
الحلو حياتي وروحي وأقوله إيه
إن قلت بحبه الحب شوية عليه
دا حياتي وروحي وأقوله إيه
الحلو الغالي شغل بالي
ولا عارف إيه اللي جرالي
ولا قادر أقوله على حالي
من غير ما يقوللي ولا أقوله
في عينيا وقلبي الشوق كله
والحلو حياتي وروحي واقوله إيه
الحلو حلاوته في عينيا
م الشوق بتزيد كل شوية
والدنيا تغني حواليا
