بحلم بيك - عبد الحليم حافظ 1985
انتاج: شركة صوت الفن
الأغاني:
بحلم بيك
كلمات: مرسى جميل عزيز - تلحين: منير مراد
خسارة
كلمات: مأمون الشناوى - تلحين: بليغ حمدى - توزيع موسيقى: اندريه رايدر
اول مرة
كلمات: اسماعيل الحبروك - تلحين: منير مراد - توزيع موسيقى: فؤاد الظاهرى
عقبالك يوم ميلادك
كلمات: حسين السيد - تلحين: محمد عبد الوهاب - توزيع موسيقى: اندريه رايدر
تخونوه
كلمات: اسماعيل الحبروك - تلحين: بليغ حمدى - توزيع موسيقى: اندريه رايدريا قلبى خبى
كلمات: مرسى جميل عزيز - تلحين: محمد الموجى - توزيع موسيقى: على اسماعيل
كلمات الأغاني:
بحلم بيك
بحلم بيك انا بحلم بيك
و باشواقي مستنيك
وان ما سألتش فيا
يبقی كفاية عليا
عشت ليالي هنيه احلم بيك انا باحلم بيك
بحلم بيك يا حبيبي انا
ياللي مليت ايامي هنا
بحلم بيك عارف من امتى
من اول ماعرفت احب
بحلم بيك و بحبك و انت
اول حب وآخر حب
وانت حياتي و ابتساماتي
وانت النور للعين والقلب
بحلم بالجنة اللي خيالي
قبل الحب ماكانش يطولها
بحلم بيك و بيتهيألي
انك جنبي ليالي بطولها
و افضل احبك واحكي لك يا حبيب قلبي
و باجمل اسم انادي لك يا حبيب قلبي
اد ما عمري يطول يا حبيبي اد ما عمرى يطول
هستناك علی طول يا حبيبي هستناك على طول
ليلي نهاري بقول يا حبيبي ليلى نهارى بقول
ياللي ماحدش قالك ع الشوق اللى انا فيه
بكره الشوق يوصلك وتجرب لياليه
و ان ما سألتش فيا يبقى كفايه عليا
عشت ليالى هنيه احلم بيك انا باحلم بيك
خسارة
خسارة خسارة فراقك يا جارة
عينيا بتبكي عليكي بمرارة
خسارة خسارة فراقك يا جارة
يوماتي ليلاتي بدور عليكي
أتاري حياتي بشوفها بعينيكي
عيوني سهارى دموعي حيارى
عينيا بتبكي عليكي بمرارة
خسارة خسارة فراقك يا جارة
القلب اللي بسهمك مجروح
فين يهرب من حبك ويروح
على نار الشوق يتألم
ولا قادر يوم يتكلم
رضيت بابتسامة ونظرة وإشارة
عينيا بتبكي عليكي بمرارة
خسارة خسارة فراقك يا جارة
يا سامع ندايا حبايبي فاتوني
لهمي وأسايا وحيرة عيوني
ما بين سهدي تارة وبين دمعي تارة
عينيا بتبكي عليكي بمرارة
خسارة خسارة فراقك يا جارة
اول مرة
أول مرة تحب يا قلبي و أول يوم أتهنى
ياما على نار الحب قالولي ولقيتها من الجنة
أول مرة
ليه بيقولوا الحب اسية ليه بيقولوا شجن ودموع
أول حب يمر عليا قادلي الدنيا فرح وشموع
أفرح واملى الدنيا أماني لا أنا ولا إنت حنعشق ثاني
أول مرة
أول فرحة تمر بقلبي وأنا هايم في الدنيا غريب
قولي احكي ولا اخبي ولا أوصفها لكل حبيب
أفرح واملى الدنيا أماني لا أنا ولا إنت حنعشق ثاني
أول مرة أول مرة
قلبي يعيد لي كل كلامي كلمة بكلمة يعيدها علي
لسة شفايفي شايلة سلامك شايلة أمارة حبك لي
أفرح واملى الدنيا أماني لا أنا ولا إنت حنعشق ثاني
أول مرة
عقبالك يوم ميلادك
عقبالك يوم ميلادك لما تنول اللي شغل بالك
يا قلبي.. عقبالك يا قلبي
عقبال حبك لما يغني وأنا مرتاح البال متهني
ودموع عيني ترقص مني لما تشوف الناس جيالك
عمر حياتي عمر هوايا وسنين حبي هي هنايا
نظرة وكلمة اتقابلوا معايا.. كتبوا أول يوم في ميلادك
يا مفرقين الشموع قلبي نصيبه فين
الحب عمره سنة والهجر عمره اتنين
والقلب عاش 100 سنه والفرح له ساعتين
تخونوه
تخونوه وعمره ما خانكم ولا اشتكى منكم
تبيعوه وعمره ما باعكم ولا انشغل عنكم
قلبي.. ليه تخونوه
قلبي اللي فاتني وعاش معاكم وقال حبايبي
عايش معاكم على هواكم والاسم قلبي
يخاصمني لما تخاصموني..
يصالحني لما تصالحوني
قلبي.. ليه تخونوه
قلبي اللي راح منه شبابه بين شوق وحنين
باع في هواكم أحبابه، بعتوا انتو مين؟
وضحى بالدنيا عشانكوا..
باع جنتي واشترى ناركوا
قلبي.. ليه تخونوه
قلبي اللي مهما يشوف منكم عايش فيكم
ويبعدوه الناس عنكوا برضه شاريكوا
مالوش غير انتم أحبابه..
انتوا هناه وانتوا عذابه
قلبي .. ليه تخونوه
يا قلبى خبى
يا قلبي خبي لا يبان علياويشوف حبيبي دموع عينيا
خليه بعيد.. خليه سعيد
دا مش نصيبي لكن حبيبي وأكتر.. أكتر شوية.. يا قلبي
العمر كله أعيش لحبه من غير ما أقوله أنا بحبه
منايا كل المنى.. أشوفه متهني
فرحان في نور الهنا ولو بعيد عني
خليه بعيد.. خليه سعيد
دا مش نصيبي لكن حبيبي وأكتر.. أكتر شوية.. يا قلبي
تسهر عيوني الليل وعيونه يرتاحوا
وأنسى الأسى والويل وأفرح لأفراحه
منايا كل المنى.. أشوفه متهني
فرحان في نور الهنا ولو بعيد عني
خليه بعيد.. خليه سعيد
دا مش نصيبي لكن حبيبي وأكتر.. أكتر شوية.. يا قلبي
