جبار - عبد الحليم حافظ 1985
انتاج: شركة صوت الفن
الأغاني:
توزيع موسيقى: على اسماعيل
جبار
كلمات: حسين السيد - تلحين: محمد الموجى
قاضى البلاج
كلمات: مرسى جميل عزيز - تلحين: منير مراد
كلمات: مرسى جميل عزيز - تلحين: منير مراد
وحياة قلبى
كلمات: فتحى قورة - تلحين: منير مراد
كلمات الأغاني:
جبار
جبار، جبار في رقته جبار
جبار في قسوته جبار
خدعتني ضحكته
وخانتني دمعته
وما كنتش أعرف قبل النهار ده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
جبار، جبار، جبار، جبار
عرفته قد ما عرفته ولا عرفتوش
وشفته قد ما شفته ولا فهمتوش
كان بيقول لي أحبك أيوه كان بيقول
وأنا من لهفة قلبي صدقته، صدقته على طول
كنت أشوف وأسمع وأحس بقلبه هو
كنت عايش مش عشاني عشانه هو
يا معلمني الحب ياريتني
ياريتني ما تعلمته معاك ولا شفته
ليه تخدعني ليه
ليه خليتني أنسى الدنيا وأعيش بحلاوته
ده ما كانش في اثنين زينا
شافوا اللي شفناه في حبنا
الحلم كنا بنحلمه ونكمله من بعضنا
ليه، ليه، ليه
ليه تصحيني في وسط الجنة بنار
نار ودموع
كنت إرحمني وسيبني شوية أعيش
أعيش مخدوع
قلبي قول للحب إبعد عن طريقي
أي حب جديد يا ويله، يا ويله من حريقي
لو حصادف قلب مخلص
مش ح أمن له وأصونه
وإن ضحك في عينيه ح اضحك
وأخدعه ويمكن أخونه
زي غيرنا ما باع
نبيع عمر الهوى وعهده
زي قلبي ما ضاع
تضيع كل القلوب بعده
ولا أقول لك لا يا قلبي
ليه نلوم على الحب ليه
ده اللي خانك خان شباب الحب
خان وجار عليه
يعني أنا والحب وإنت
كنا لعبة، كنا لعبة بين إيديه
وما كنتش أعرف قبل النهار ده
إن العيون دي تعرف تخون بالشكل ده
ولا كنت أصدق قبل النهار ده
إن الحنان يقدر يكون بالشكل ده
وما كنتش أعرف قبل النهار ده
إن العيون دي تعرف تخون بالشكل ده
ولا كنت أصدق قبل النهار ده
إن الحنان يقدر يكون بالشكل ده
جبار، جبار، جبار، جبار
قاضى البلاج
باسم الهوا والشمس و البلاجات
باسم الشباب و الحب و الأجازات
باسم الراكت و اسم المراجيح باسم الشقاوة و التفاريح
فتحت الجلسة .. محكمة
عادل بن كمال طالب تصييف تقدم يا فتى
قاضى البلاج يا قاضى مشتاق م الصيف الماضى
وجيت على الحبايب لقيت مكانى فاضى .. مستنى ايه يا قاضى
طالب تصيف يا فتى
و اتمنى أصيف صيف شتا
ارفع دراعك و احلف يمينك وقول دفاعك
وحياة مذاكرة طول العام اللى جابت لى صداع و زكام
مانجحت ولا شفتك يا نجاح الا عشانك يا أجازة .. وأنا و جبايبي و الافراح
تاخد من الدنيا أجازة و الامر لك يا قاضى و الحكم لك يا قاضى
النيابة
يمنع سنتين من النصييف لا بلاج و لا عوم و لا تجديف
ويقوم فى قطر العصر يرجع حالاً على مصر
جنايتى ايه و ذنبى ايه..
جنايته ايه و ذنبه ايه
لبس مايوه قبل ما نسمح له بلبس مايوه
يوه يا لطيف
لا جاب معاه تورته و لا حتى جاتوه
يوه يا حفيظ
المحلفون ...
مصيف .. غير مصيف .. مصيف .. غير مصيف
بقى يعنى اسيب ماما و بابا و اهرب من البيت ابو بوابة
ما أعرفش اتمتع بأجازة و النبى يا تلامذه احنا غلابة
و النبى يا تلامذه احنا غلابة
محكمة
من فحص قانون البلاجات فرع التصييف و الأجازات
و مراجعة كل البيانات قررنا ما هو آت
يمنح لقب مصيف من الدرجة الأولى تكييف
هيه هيه ادلق الجردل ادلق ادلق ادلق .. قم فأنت مصيف عظيم
وقد خلعنا عليك الكسوة الصيفية .. ووليناك امر الرعية البلاجية
خلع القاضى لبس القاضى .. يحيا القاضى يعيش القاضى يعيش
محكمة
ظروف عائلية امور عاطفية مشاكل منزلية
عقد نفسية .. نصلح .. حل عقدك و صيف
قاضى البلاج يا قاضى يا بو حكم سيفه ماضى
طول البلاج و عرضه هنفرشلك قواضى واحكم بقى يا قاضى
قاضى يا قاضى .. لا أنا قبلك .. و أنا مستعجل ..
واحد واحد يا زباين
أنا خدت الاعدادية بعديها التوجيهية و صبحت جامعية
و فاضلى على التخرج مش اكتر من سنة تدينى كام سنة
و اش عرفنى انا
امال قاضى ازاى
افتى كل الفتوات و أعرف فى اللغاريتمات و النسبية و الذرة
الا عمر الستات
ايه رأيك عمرى سبع سنوات
سبع سنوات
ماما و بابا فاكرين عمرى عمرى ما هكبر و ابقى تمن سنوات
بيعاملونى زى ما كنت زمان فى الروضة بيفيونكات
تربيت تربيت تتات ..على الحلوة ام فيونكات
كل حياتى عيب ماترديش ما تعنديش امتى احس امال بوجودى
امتى اعيش .. عايزة اعيش .. ماما و بابا دقة قديمة
دقة قديمة دقة قديمة ماما و بابا دقة قديمة
محكمة
من فحص قانون البلاجات فرع العائلات و الخلافات و مراجعة كل البيانات
قررنا ما هو آت .. يحول امرها لولى امرها
يعدل عمرها من سبعة الى خمس سنوات
قاضى البلاج يا قاضى .. عاشق و جيبى فاضى
بتحبها ..
الفتى :
حب عبادة ..
حليم
وهى
زيي و زيادة .. و جالها واحد يخطبها .. أبوها وافق كالعادة
من مسرح العرايس روح و اسرقلك حصان
و اخطفها و اجرى بيها و لافرسان زمان
سارق خطاف .. لفوه فى لحاف .. ودوه الخانكة بالتلغراف
اما انا طول عمرى ما حتجوز و لا أقول يا جواز
من صغرى باشوف ماما و بابا كبريت و الجاز
و أنا برضة باحب العزوبية علشان حرية فى حرية
مش احلص من البيت و الجامعة و مراتى تتحكم فيا
رجالة بدون جواز شبابيك من غير ازاز
هس .. هس
اما انا مشكلتى جد الجد..
وأنا عندى مشاكل مالها عد
شطبنا ...
شطبنا
وبقيت مشاكلنا يا قاضى
تتاجل للصيف الماضى ..
محكمة
و بعد ما استتب الامر بين المصيفين و المصيفات
وحلينا عقد المعقدين و المعقدات ننشد النشيد
عاش الشباب .. كل الشباب
دقوا الشماسى
دقوا الشماسى على البلاج دقوا الشماسى
دقوا دقوا دقوا الشماسى
من الضحى لحد التماسي
يا أحلى شمس و أحلى رمل و أحلى ميه
احنا و شبابنا و حبنا اسكندرية
جايين على نسمة امل نرتاح شوية
و الحر زى الشوق نهاره وليله قاسى
دقوا الشماسى
فى البحر الابيض و فى هداوة لونه الأزرق
تعبنا يهرب مننا و همومنا تغرق
ونسابق الموج و الهوى و الشوق ونسبق
والبحر عارف حبنا والشط راسى
دقوا الشماسى
وحياة قلبى
وحياة قلبي وأفراحه
وهناه في مساه وصباحه
ما لقيت فرحان في الدنيا زي الفرحان بنجاحه
كان حلم جميل في خيالنا
ولا غابشي في يوم عن بالنا
وبنى لنا قصور وفرشها زهور
في حياتنا ومستقبلنا
ولقيتني في عز هنايّ والدنيا فرح ويايّ
بتهني حبايبي معايا وتقول للكل إرتاحوا
ده ما فيش فرحان في الدنيا زي الفرحان بنجاحه
الناجح يرفع إيديه هيه
يغني في عيدنا وعيده هيه
ويقول ونقول (دايما)
ناجحين على طول (دايما)
ونجاحنا يطول (دايما)
دايما على طول (دايما)
وحياة قلبي وأفراحه
وهناه في مساه وصباحه
ما لقيت فرحان في الدنيا زي الفرحان بنجاحه
