ظالم - عبد الحليم حافظ 1978

ظالم - عبد الحليم حافظ 1978

انتاج: شركة صوت الفن

الأغاني:  

ظالم

كلمات: سمير محبوب - تلحين: محمد الموجى

يا سيدى امرك

كلمات: فتحى قورة - تلحين: محمود الشريف - توزيع موسيقى: اندريه رايدر

فاتونى

كلمات: صالح جودت - تلحين: رياض السنباطى - توزيع موسيقى: اندريه رايدر

 

 كلمات الأغاني:

ظالم

ظالم وكمان رايح تشكي لأ دا انت كان حقك تبكي

الــهنا من يوم ما هويتك مـــاعرفتلوش معنى

والحب يا ريت يوم ما رأيتك يا ريت ما جمّعنا

كان هوايا كله انت كان منايا برضه انت

فضلت أخبي عنك عذابي فضلت أوهب لك في شبابي

وكل دا علشان ترضى بي وبرضه كمان رايح تشكي

لألألأ دا انت كان حقك تبكي

راح فين غرامي اللي بنيته و صنته في قلبي

كله انطوى والا نسيته والا دا ذنبي

خنت حبي ليه يا قاسي فين قلبي فين يا ناسي

فضلت أخبي عنك عذابي وفضلت أوهبك في شبابي

وكل دا علشان ترضى بي و برضه كمان رايح تشكي

لأ لأ لأ دا انت كان حقك تبكي

ايه ده اللي ح تقوله عليّ بعد دا كله

ويرضي مين ظلمك لي مهما تقول له ؟

إيه ح يجرى لما تعطف انسى مرة مرة وانصف

فضلت أخبي عنك عذابي وفضلت أوهب لك في شبابي

وكل ده علشان ترضى بي وبرضه كمان رايح تشكي

لألألأ دا انت كان حقك تبكي

يا سيدى امرك

يا سيدي امرك .. امرك يا سيدي

ولاجل خاطرك .. خاطرك يا سيدي

مقدرش اخالفك لاني عارفك ..

تقدر تحط الحديد في ايدي

اسمع .. اسمع يا سيدي

بالذي اسكر من عرف اللما ..

كان في حاله وجت له بلوه م السما

والذي اجرى دموعي عندما ..

كان هايبعتني لاقرب محكمه

مبسوط يا سيدي .. ياسيدي

مبسوط يا سيدي ..

مقدرش اخالفك لاني عارفك ..

تقدر تحط الحديد في ايدي

اسمع .. اسمع يا سيدي

وحقك انت المنى والطلب ..

والله يجازي اللي كان السبب

ولي فيك يا والدي قصة ..

تغير مجرى حياه الطرب

مبسوط يا سيدي .. ياسيدي

مبسوط يا سيدي ..

مقدرش اخالفك لاني عارفك ..

تقدر تحط الحديد في ايدي

اسمع .. اسمع يا سيدي

حبك يا سيدي غطى عالكل .. عالكل يا بوي

يجعل نهارك زي الفل .. والورد يا بوي

حبك يا سيدي على راسي من فوق .. وحياه روحي

خايف اقول على قد الشوق .. لاتطلع روحي

مبسوط يا سيدي .. ياسيدي

مبسوط يا سيدي ..

مقدرش اخالفك لاني عارفك ..

تقدر تحط الحديد في ايدي

اسمع .. اسمع يا سيدي

انا قلبي عليك .. عليك قلبي

كان فين دا ياناس ومتخبي

وبغنى قديم .. وانا ايه ذنبي

اعمل لك ايه يانا يا غلبي

مبسوط يا سيدي .. ياسيدي

مبسوط يا سيدي ..

مقدرش اخالفك لاني عارفك ..

تقدر تحط الحديد في ايدي

اسمع .. اسمع يا سيدي

فاتونى

فاتوني ألتقي وعدي .. وسابوني للأسى وحدي

بنيت حبي على أوهام .. سكر قلبي من الأحلام

وعاش في الوهم يتمنى .. أعيش وياكي في الجنة

وارش الأرض بالحنة .. وانور لك نجوم سعدي

أنا وانت وانا .. عايشين في هنا

الورد هنا والشهد هنا

ليالينا سهر .. على كاس وسمر

والدنيا لنا

أنا وانت روحين .. في سماك يا هوى

واحنا الاثنين .. بنغني سوا

ونقول يا سلام .. ده كأنه ما نام

على شوق وغرام .. وفرح وغنا

انا وانت وأنا

أنا نجم ظهر .. على ضي قمر

وانا وانت نغم .. على أحلى وتر

حكايتنا أمل .. وكلامنا غزل

على همس .. قبل وحياتنا غنا

انا وانت وانا

سابوني التقي وعدي .. وسابوني للأسى وحدي

سيبيني ألتقي وعدي .. سيبيني للأسى وحدي

أقضي الليل على شمعة .. وأغني وانت مش سامعة

أنين دمعة ورا دمعة.. سيبيني للأسى وحدي