افتح قلبك - محمد منير 1994
انتاج: شركة ساوند اوف امريكا
الأغانى:
يا هلترى
كلمات: عوض بدوى - تلحين: وجدى فؤاد - توزيع موسيقى: اشرف محروس
جننى طول البعاد
كلمات وتلحين وتوزيع موسيقى: حسين الامام
عينيك تحت القمر
كلمات: عبد الرحيم منصور - تلحين: عبد العظيم عويضة - توزيع موسيقى: احمد الناصر / عمرو ابو ذكرى
لو بطلنا نحلم نموت
كلمات: عصام عبد الله - تلحين: مصطفى على اسماعيل - توزيع موسيقى: احمد الناصر / عمرو ابو ذكرى
افتح قلبك
كلمات: عبد الرحيم منصور - تلحين: احمد منيب - توزيع موسيقى: رومان بونكا
قلب الوطن مجروح
كلمات: ابراهيم رضوان - تلحين: مدحت الخولى - توزيع موسيقى: اشرف محروس
ساح يا بداح
كلمات: كوثر مصطفى - تلحين وتوزيع موسيقى: فتحى سلامة
يابا يابا
كلمات: كوثر مصطفى - تلحين وتوزيع موسيقى: حسين الامام
كلمات الأغاني:
يا هلترى
يا هل ترى مسموح افتح عيونى وابوح
واتملى فى عيونك وانا قلبى مفتونك
وانتى الضيا والروح
يا هل ترى مسموح وعنيكى تسمحلى
قلبك بكل وضوح لو ادق يفتحلى
ازرع تكونى فروع مين اللى قال ممنوع
ده انتى الهوا المسموع
يا هل ترى مسموح الخوف يودعنا
نعشق وفين ما نروح ايه اللى يمنعنا
لا الدنيا هتسعنا ولا خوف يرجعنا
طول ما احنا فينا الروح
جننى طول البعاد
آه م الليالي
آه ده القلب داب
آه حبه في خيالي
وجنني طول البعاد
ليلي آه يا ليلي
آه من وعودك
آه زي السحاب
آه شايفك قصادي
وجنني طول البعاد
ده انا روحي فيكي
ده انا بناديكي..
طول الليل
امشي في الفجر حافي
الرزاز يرعش كتافي
قلبي يبقي نبع صافي
وجنني طول البعاد
ليلي ليلي آه يا ليل
ليلي يا ليل
عينيك تحت القمر
عينيكى تحت القمر
كيف الكلام والخوف
فيهم كلام للقدر
مداري مش مكشوف
بودي أزرع شجرة
شجرة حنان وضل
ترخي عليكي يا سمرة
وتلم شمل الكل
الكون أصره بحاله
واجيبه ليكي يا غالية
دانتي جماله ودلاله
يا نخلة بكرية عالية
مفيش كسوف فى المحبة
ولا للمحبة شروط
عمرك ما تشعر بغربة
إلا ف حنين مكبوت
وأنتي يا سامعة وشايفة
أحلامي فوق الوصف
من غير ما أقول انتي عارفة
فاهمة اللى فيه بالحرف
لو بطلنا نحلم نموت
لو بطلنا نحلم نموت
لو عاندنا نقدر نفوت
لو عدينا مرة خلاص
لو ردينا ضاع الخلاص
حبة صبر حبة حماس
يبقي الحلم صورة وصوت
لو بطلنا نحلم نموت
حضن في غربة ملمس مثير
بعد مشاغبة هترقلك
مرة في مرة حاول كتير
اي مغامرة راح تنفعك
وقت الحلم وقته في سكوت
لو بطلنا نحلم نموت
رقصة شهية هي الحياة
دي العشوقية والمعشقة
مرة في مرة حلمك هواه
يملى الدنيا بالزقزقة
ويبقى الحلم صورة وصوت
لو بطلنا نحلم نموت
افتح قلبك
افتح قلبك مرة
للأسمر والسمرة
افتح قلبك قوم بيينا
ليه نضحك على بعضينا
ده الكون جوانا وفينا
يضحك لكن بايدينا
افتح قلبك ما تقولشي
كل الألوان أهي تمشي
ده الأسود طرحة امسي
والأبيض طلعة شمسي
من قلمك ارسم لونك
والعايمة لازم ترسي
افتح قلبك ما تخافشي
الدنيا ما بترحمشي
مهما تخاف انك تمشي
من الأحزان ما حتسلمشي
افتح مرة ما تندمشي
يا تعيش مرة يا ما تعيشي
قلب الوطن مجروح
قلب الوطن مجروح لا يحتمل اكتر
نهرب وفين هنروح لما الهموم تكتر
نحمي غصون الورد من دمع سال ع الخد
آه يا حبيبة الروح قلب الوطن مجروح
لو حتى قلبي تاه بين الشجن والآه
ياللي لقاكي حياة.. انا حبي ليكي صلاة
يا مطيرة العصافير.. رجع الهوا بالخير
لو قلبي عاد ضميه اديه حنان وداديه
ده الصمت مش لينا
فين الولد ما يروح لازم يعود اسمر
قلب الوطن مجروح لا يحتمل اكتر
لو تنطق الموال لازم يروق الحال
محتاجة ليا دراع وشراع وراحة بال
محتاج ليكي نجوم هايمة في حضن هلال
لو بحري نام اسقيه صحيه وبوسي عنيه
يا ما بكرة يسقينا
خللي طريق البوح يصبح طريق مرمر
قلب الوطن مجروح لا يحتمل اكتر
ساح يا بداح
ساح يابداح يا سؤال جراح
ما الذي كان وماعدش وراح
قمري انطفى وانكفى واختفى
نهري ما بلش حتى الريق
واه يا براح عمال بيضيق
صبح وزيه الصبح التاني
ليل ملضوم في الليل التاني
وانا مش رايح انا مش جاي
انا مش واقف حتى مكاني
ايه اللي اتكسر
فص اللولي ولا المرمر
طول العمر العسكر عسكر
بس الناس الناس كات ناس
وكان الحلم قبالي براح
ساح يابداح ياسؤال جراح
يابا يابا
العالى العالى يابا
اه يابا يا بابا
قلبك وقليبى طيابة
قلبك مسكون بربابة
الشوق الشوق وجبينة لفوق
الشوق الشوق ولاسورولاطوق
الناس الناس فتافيت الماس
الناس الناس واحلام الناس
ليلة ليلة من الف ليلة
قلبى مرسى وسفينة
الشوق الشوق وجبينة لفوق
الشوق الشوق ولاسور ولاطوق
