شعورى ناحيتك - وردة 1981
انتاج: شركة موريفون
شعورى ناحيتك
كلمات: عبد الوهاب محمد - تلحين: سيد مكاوى
كلمات الأغنية:
شعوري ناحيتك شعور كبير
شعور بمحبتك مليان احاسيس كتير
وبكل ما في وجودي من قلب ومن ضمير
بحس انك عينيا وفرحتي وامالي
مخلوق في الدنيا ليا ومش لحد تاني
اه شعوري ناحيتك
بنظر وياك لبكره القاه جميل
كله انس ومحبه ولا يعرف مستحيل
والحب اللي في كياني بيعيش لك طول زماني ويدوم وكمان يزيد
عايشه في ظل حبك احلام متنغمه
وبترفعني السعادة من الأرض للسماء
وهواك بيخلي قلبي يشوف المستخبي ويلاقيه نشوان سعيد
عندي ايمان اكيد انك انت الوحيد
الي لا استغني عنه ولا اعيش لو كان بعيد
هي الأزهار بتحيا ابدا من غير غصون
ولا الالحان بتشجي من غير نغم حنون
انا زيهم يا روحي ولولا انت ما اكون
وتهون الروح عليا ولا يمكن يوم تهون
وبكل ما في وجودي من قلب ومن ضمير
بحس انك عينيا وفرحتي وامالي
مخلوق في الدنيا ليا ومش لحد تاني
اه شعوري ناحيتك
