زى الهوى - على الحجار
انتاج: شركة امباير
الأغاني:
كلمات: سيد حجاب
تلحين وتوزيع: عمر خيرت
غوايش
زى الهوى / مع حنان ماضى
فى هويد الليل
دور يا زمن
اه اه واه ما عاد حدانا كلام
امى
الحلم
الشراع المكسور
سرسب / مع حنان ماضى
ملعون
يابا اه يا ابن عمرى
العمل
حاسس يا دنيا
كلمات الأغاني:
غوايش
في الليل وفي التباريح
يتلملموا المجاريح
والغرب يتقاربوا يقفوا
فى وش الريح
وانا جرحي لهبوب الهوا مفتوح
والصرخه تشلب دم م النن
والم جرحي وانوح بصوت مدبوح
وعيون حبيبه الروح تهنني
دا الحب مش سهم طايش
الحب زاد اللي عايش
دا انا كنت مت
وحيتني ست الصبايا غوايش
زى الهوى
زي الهوا الساير وخيال الطيف
احلى سنين العمر بينا تمر
يا نعيش هوانا حلم ليله صيف
يا تتوه خطانا في ليل شتانا المُر
ولما تتلاقى الوشوش مرتين
ما بيتلاقوش يوم اللُقا التاني
عمر الوشوش ما بتبقى بعد السنين
نفس الوشوش.. دي بتبقى شيء تاني
بتبدل الأيام ملامحنا
ترعشنا.. تنعشنا.. تشوشنا
يا ترى اللي بيعيش الزمن احنا
ولا الزمن هو اللي بيعيشنا
فى هويد الليل
في هويد الليل ولقيتك
ما أعرف جيتني ولا جيتك
ما أعرف غير إني لقيت روحي
ونجيت من همي ونجيتك
واداري واللا ما اداري
دا هواها داري وما داري
وهواها زهزه خضاري
زرع البداري غوايش
ده الحب مش سهم طايش
الحب زاد اللي عايش
دانا كنت مت انا كنت مت
وحيتني ست الصبايا غوايش
ست الصبايا غوايش
دور يا زمن
دور يا زمن
وخدنا في دايرتك
وان عاكستك خطاوينا او سايرتك
هتدور بينا يا زمن.. هتدور ينا
وتجيب اخرنا ولا بنجيب اخرتك
لا الجرح باقي
ولا الحياة بتنتهي
ولو انتهي يوم
يوم جديد يبتدي
وبعد ضلمه ليلنا
هتزهزهي يا دنيا
مع طلعه صباحنا الندي
هنعيش يا قلبي
مع ذكريات الهوى
وهتنطفي ويا السنين قهرتك
ونكون سوا من غير ما نبقي سوا
دور يا زمن
وخدنا في دايرتك
اه اه واه ما عاد حدانا كلام
وآه آه وآه
ما عاد حدانا كلام
توهه بلا مرساة
وايش اخرتك يا ضلام
وانت تطيب يا ريح
وتطبب المجاريح
وتهدهد التباريح
في قلب لم بينام
وانت يا طير الخير
تعود لنا وللغير
قال مش معاود غير
لو تنصفوا اللي انضام
وآه آه وآه
لو تصدق الايام
وقلبنا اللي تاه
يرجع يعيش في سلام
امى
أمي أمي امايا امايا
مهما ان كان دمها في دمايا
كانت تترد في احضاني
وبشيل من علي عيني غمايا
امي يا مايا امايا
مهما ان كان دمها في دمايا
امي يامايا يا امي
نامي في دراعيني
وفي درا كمي
سمي عليها يا روحي وضمي
وارتاحي يا امي في حمايا
امي امايا
امي يا مايا امايا
مهما ان كان دمها في دمايا
أمي
الحلم
حاسس يا دنيا
انك هنا بتنتهي
وبيدبل الحلم الجميل
ابكي يا قلبي هواك
ولا تشتهي
الا احتمال احزان
زماننا البخيل
الشراع المكسور
يا شراع يا مكسور اسعى وانسى اللي راح
واضرب بمجدافك تطيب الجراح
تايه أنا في بحر الحياة بتنفض
والموج بيعلى ف قلبي وينتفض
نجم الطريق يشاورلي، علم الطريق
إيه يتقبل منها وإيه يترفض
حتقوم يا موج وماله منا قمتلك
حتزوم تحمحم برضه حمحمتلك
معلوم يا موج ما اهه انت علمتني
أنك هتغدر بيا لو نمتلك
ده الموج ده ولا عرف خيل السنين
رايح لفين ومنين يا موج جاي منين
البحر قال ما عرفشي
بس الحنين مواعدني ياخدني لشطوط الانشراح
بحر الحياة مفتوح في كل اتجاه
فيه اللي تاه بين مال وسلطان وجاه
واللي ضميره هداه لشط النجاه
حقق رجاه لقى أخر الضيق براح
سرسرب
سرسب فى ليل وحدتنا
سرسب وسيل
وسيب على جبينا أثرخطوتك
و بعد شمس العصر.. ييجى الأصيل
والليل طويل
فين يا نهار زهوتك؟
ودور يا زمن
دور و خدنا فى دايرتك
سرسب
سرسب فى ليل وحدتنا
سرسب وسيل
و سيب على جبينا أثر خطوتك
لا الحسن باقي
ولا الشباب بيدوم
وازاي يا قلبي
دنيتك غرتك
وعشت ليه في الوهم
يوم بعد يوم
دور يا زمن
دور وخدنا في دايرتك
ملعون
ملعون من ساسه للراس
ملعون مين يظلم الناس
ومن قبل انه ينساس للظلم
مطعون ومنداس
ولا بد من يوم معلوم
تترد فيه المظالم
أبيض على كل مظلوم
واسود على كل ظالم
يابا اه يا ابن عمرى
يابا ويابا
انا مش بابص لغيري
انا ببصلنا وبابكي علينا
يابا ويابا
لكن لا تعاتيرك ولا تعاتيري
هيحوشوا خير بكره
اللي بكرة يجينا
اه يانا يابا ياهوه
خوفى يا خوفي لاتوة
في ضلمه دنيانا وزماننا المعتوة
اه يابن عمري
عشان عينيك ماشي
ماشي وشيلك جوا في ضلوعي
-قولوا لشمس الله ماتحماشي
مش بابكي
بس دموعي مش طوعي
اه يابن عمري
مساك بيدبحني
وضهري محني تحت ا حمالك
-نفسي ابكي
خايف بس تلمحني
صلبت عودي يابويا
كرامه لك
العمل
ومن العمل..
بيهل فجر الأمل ..
يعلى البنا..
نملى الليالي غنا
نلقى هلال الحلم بدره اكتمل
وسنة في سنة..
نقطف زهور المني
يا قلبي و لا تبكي ع الي راح..
زمن الجراح راح
كل اللي جاي أفراح ورا أفراح..
دور يا زمن وخدنا في دايرتك
حاسس يا دنيا
حاسس يا دنيا
انك هنا بتندهي
وبعد احزان السنين جايبة عيد
هتضحكي بحقيقى وتزهزهي
ولا دا حلم سعيد
واخدني لبعيد
في قلبي وردة اتفتحت للندا
وسلمت على الهوى سلمت
يا همسه النسمة
سمعت الندا
واتبسمتلك روحي واستسلمت