انا كنت عيدك - على الحجار 1993
انتاج: شركة هاى كوالتى
الأغاني:
الليلة ليكى
كلمات: مدحت العدل - تلحين: خليل مصطفى - توزيع موسيقى: احمد مصطفى
يا طالع الشجرة
كلمات: محمد عبد القادر - تلحين وتوزيع: ياسر عبد الرحمن
كلمات: محمد عبد القادر - تلحين وتوزيع: ياسر عبد الرحمن
متكدبيش
كلمات: احمد اسماعيل - تلحين: احمد الحجار - توزيع موسيقى: عماد الشارونى
كلمات: احمد اسماعيل - تلحين: احمد الحجار - توزيع موسيقى: عماد الشارونى
عصفور
كلمات: ابراهيم عبد الفتاح - تلحين: جمال عطية - توزيع موسيقى: كامل الشريف
كلمات: ابراهيم عبد الفتاح - تلحين: جمال عطية - توزيع موسيقى: كامل الشريف
من غير ما تتكلمى
كلمات: حسن رياض - تلحين: جمال عطية - توزيع موسيقى: احمد مصطفى
كلمات: حسن رياض - تلحين: جمال عطية - توزيع موسيقى: احمد مصطفى
انكسر جوانا شئ
كلمات: بهاء الدين محمد - تلحين: رياض الهمشرى - توزيع موسيقى: ياسر عبد الرحمن
كلمات: بهاء الدين محمد - تلحين: رياض الهمشرى - توزيع موسيقى: ياسر عبد الرحمن
انا كنت عيدك
كلمات: جمال بخيت - تلحين: فاروق الشرنوبى وياسر عبد الرحمن - توزيع موسيقى: ياسر عبد الرحمن
كلمات: جمال بخيت - تلحين: فاروق الشرنوبى وياسر عبد الرحمن - توزيع موسيقى: ياسر عبد الرحمن
ياه ياه
كلمات: محمود جمعة - تلحين: جمال عطية - توزيع موسيقى: احمد مصطفى
كلمات: محمود جمعة - تلحين: جمال عطية - توزيع موسيقى: احمد مصطفى
لما الشتا يدق البيبان
كلمات: ابراهيم عبد الفتاح - تلحين: احمد الحجار - توزيع موسيقى: ياسر عبد الرحمن
كلمات: ابراهيم عبد الفتاح - تلحين: احمد الحجار - توزيع موسيقى: ياسر عبد الرحمن
كلمات الأغاني:
الليلة ليكى
وهغني الليلة ليكي علشان ضحكه عينيكي
وهملى الكون عليكي حب وفرح وغنا
أنا قلبي كان ناداكي والمرسى كان هواكي
والنجمه اللي في سماكي قالتلي مين انا
كل اللي جاي عشانّا يا حبيبتي أحلى جنة
ونجوم أحلام وحنة بتلون عمرنا
يا طالع الشجرة
يا طالع الشجرة .. هات لي معاك بكرة
يكون علي قدي .. وتكون عينيه سمرا
العدل في يمينه .. والشمس في جبينه
يمشي على مهلي .. وإن تهت ينده لي
يا بكرة فين إنت .. هاتفوت هنا إمتى
هاتجيب معاك حلمي .. ولا تزيد ظلمي؟
صليت جميع فرضي .. زكيت ومش مرضي
خايف لأموت قبلك .. ما تلمنيش أرضي
يا طالع الشجرة .. لو جه معاك بكرة
خليه يكون ضحكة .. نكسي بها الفقرا
متكدبيش
ما تكدبيش يا شمس وتغيبي
ما تشجريش العتمة في دروبي
فاتت ليالي كتير .. كان الهوا مشاوير
والقلب كان بيطير .. ويوشوش العصافير
كان فجر لونه مصير ..
ما تعاهدنيش ياشمس وتغيبي
أنا مش أنا والصبر مش هوّ
مخنوق ما بين الصورة والغنوة
ضاعت سنين وسنين
الغصن كان غصنين
والحلم كان قلبين
ع الفجر متعاهدين
ع الصبر متقاسمين
ما تضمنيش يا شمس وتغيبي
حبيبي غاب والخطوة مكفية
حبيبي ضاع والغنوة منفية
الورد ليه مقطوف
والغصن بات مكشوف
والحلم ضاع في الخوف
والشمس ليه بتغيب .. والجرح ما بيطيب؟
ما تجرّحيش يا شمس وتغيبي
عصفور
عصفور وطاير فى الهوا رفرف وهف
لما لمحته ع الطريق قلبي ارتجف
مديت إيديا وطرت فوق للشوق ولكن.. للأسف
كان نفسي أطير فوق فى الفضا
وأفرد جناحي ع المدى
لكن ضباب الخوف بدا
ورمش عيني في لحظة رف
ياهلترى .. بعد السفر هتغني فوق سطح البيوت
تسكن عيون الليل القمر.. وألقاك على الشباك تفوت
ولا هيندهلك رحيل.. يفصل ما بينا ألف ميل
وأقضي عمري فى الندا ..
كان نفسي أطير فوق في الفضا
وأفرد جناحي ع المدى
لكن ضباب الخوف بدا
ورمش عيني في لحظة رف
من غير ما تتكلمى
من غير ما تتكلمي مدي العيون سلمي
فوق الحيطان ارسمي.. الحلم متفسر
وبكرة جاي أخضر وانت بتتبسمي
من غير ما تتكلمي قلبي المغني قال
في الغربه 100 موال لعينيكي والترحال
وانا من زمان ليكي عاشق دفا عنيكي
في سكاتي بناديكي في غنايا تتنسمي
من غير ما تتكلمي غني على الطرقات
للجاي واللي فات في ضلوعي شوق بيبات
وانتي اللي اشواقي عمري الهوا الباقي
عمري اللي بيلاقي وياكي خير موسمي
انكسر جوانا شئ
انكسر جوانا شيء
وانطفت بعده المشاعر
تهنا ونسينا الطريق
وابتدا الاحساس يسافر
واخد الاحلام معاه
انكسر جوانا شيء
غيرت فينا السنين والنسيم اصبح عواصف
وسط احساسنا الحزين انجرح قلب العواطف
وارتعش صوت السؤال
وابتدا يتوه الخيال
تهنا ونسينا الطريق
انكسر جوانا شيء
انكسر جوانا إيه
قلبي بيحاول يسامح
انكسر مهما نداريه
بابتسامه حب طارح
وابتدت تعلي الاهات
والكلام زى السكات
تهنا ونسينا الطريق
انكسر جوانا شيء
انا كنت عيدك
انا كنت عيدك
تنقص نجوم السما ازيدك
الفجر يغرق اخد بايدك
واجمع سواد الالم في عيني
واصب نبض الهوى في وريدك
انا كنت عبدك في عز ضعفك
وكنت يوم التجلي سيدك
واذا كفرتي بسحر صوتي
هاغني رغم العطش نشيدك
تموت ايات النغم في حلقي
انطق بسر الحياه اريدك
تكتب سنين الخرس نهايتي
انطق بسر الوجود اعيدك
واذا نسيتي هاتكون نهايتي
واذا وافيتي هاكون شهيدك
وكل ما ارحل هتكوني غايتي
وكل مارجع هاكون وليدك
ياه ياه
ياه ياه ياه.. ياه ياه ياه
لما امتلكت الأرض.. وفتحت صدر الفضا
وقعت نجوم السما.. لملمتهالك عقد
تاه الضلام في الضيا
ياه ياه ياه.. ياه ياه ياه
سهرت قلوب الحب.. واتسامروا بالاحلام
القلب باح للقلب.. صبح الغرام أنغام
صحّى الليالي غنا
ياه ياه ياه.. ياه ياه ياه
وجرينا وايدينا.. تغزل نسيم الهوا
طاب العرق و استوى.. يا ايدينا يا جنينة
طرح الأيادي حياة
لما الشتا يدق البيبان
لما الشتا يدق الببان
لما تناديني الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي
كل الليالي إللى فى قمرها قلبي بات
مش جاي ألومك ع اللى فات
ولا جاي أصحي الذكريات
لكني باحتاجلك ساعات
لما الشتا يدق الببان
كنا طفولة حب لسه في أوله
بنضم بإيدينا الحنين وبنوصله
خريف نادانا والشجر دبلان
بردانة كنتي وكنت أنا بردان
ضمت قلوبنا بشوق ولهفة نبضها
لما إلتقينا الخطوة عرفت أرضها
أجمل معانى الحب غنتها النايات
مش جاي ألومك ع إللى فات
ولا جاي أصحي الذكريات
لكني باحتاجلك ساعات
لما الشتا يدق الببان
تتصوري! رغم إننا شايفين طريقنا بينتهي
تتصوري .. لا عمري هاقدر ع الفراق
ولا إنتى عمرك تقدري
لسه حنيني بينهك رغم البعاد
ولسه زهرة حبنا بتطرح ميعاد
لكن بيغرق حلمنا ف بحر السكات
مش جاي ألومك ع إللى فات
ولا جاي أصحي الذكريات
لكني باحتاجلك ساعات
لما الشتا يدق الببان