حنين - احمد الحجار 1987
انتاج: شركة سونار
الأغاني:
كلمات: بخيت بيومى
تلحين: احمد الحجار
احلامنا
توزيع موسيقى: طارق مدكور
يا ليل يا ليل
توزيع موسيقى: حميد الشاعرى وعماد الشارونى
توزيع موسيقى: حميد الشاعرى وعماد الشارونى
عود
توزيع موسيقى: طارق مدكور
توزيع موسيقى: طارق مدكور
حكاية اميرة
توزيع موسيقى: طارق مدكور
توزيع موسيقى: طارق مدكور
اكرمنا يارب
توزيع موسيقى: حميد الشاعرى
توزيع موسيقى: حميد الشاعرى
مها
توزيع موسيقى: عمرو عبد القادر
توزيع موسيقى: عمرو عبد القادر
حنين
توزيع موسيقى: طارق مدكور
توزيع موسيقى: طارق مدكور
فين اشوفك يا نبى
توزيع موسيقى: حميد الشاعرى
توزيع موسيقى: حميد الشاعرى
كلمات الأغاني:
احلامنا
الله الله ع اللي بنهواه وبيهوانا
أحلامنا في عيونه أمانة
وحياة الدمعة الفرحانة.. ما عشقنا سواه
الله الله ع اللي هويته
لا هجرني ف يوم ولا صديته
ولا عمري يتوه إلا هديته
ولا عمري ناديت إلا لقيته.. دايما بلقاه
الله الله على ترحالنا
ساعة ما الفجر بيصحى لنا
الشمس عشان خاطر حالنا
تضحك لجناين طارحة لنا.. أجملها حياة
يا ليل يا ليل
يا ليل يا ليل يا بو شوق دوار
ما يضمنيش غير صدرك دار
ما يكفنيش غير حبك حب
يا ليل يا ليل يا ساقيني النار
حبيب حياتي ف قلبي رمى
نجوم تلالي في أعلى سما
صحيت ليالي فلالي ف سماه
واتكشفت كل الأسرار
شفت الحبايب نور على نور
والقلب دايب مش مكسور
والروح تقاوي غناوي سرور
واللحن مغرم بالأوتار
عود
عود.. الفجر لسة بيبتسم بين دمعتين
عود.. الفرح ممكن يتقسم على شفتين
عود.. الوهم مات
والذكريات قالت لحبك بالوجود: يا ريت تعود
احنا زمان كنا الزمان
كنا الهوا من غير هوان
كنا الأمان من غير حدود
الوهم مات والذكريات قالت لحبك بالوجود: يا ريت تعود
عمري اللي راح.. سماح سماح
يا حب أكبر م الجراح
رجع عبيرك للورود
الوهم مات والذكريات قالت لحبك بالوجود: يا ريت تعود
حكاية اميرة
عندي ليكوا حكاية، حنقولها غنواية
ياللي تقول معايا تبقى فهمتها
الحكاية فني، كل يوم يغني
يسبق التمني، يوصل أرضها
يعشق الأميرة كبرت الضفيرة
والعيون كتيرة هايمة في حبها
الأيام بتكبر والأمير تكبر
والأحلام بتكبر، مين يوصلها؟
قلت أبص بصة، شفت قلبي لسة
والأميرة حاسة شدة حسنها
مرة بعد مرة، شافت الدنيا مُرة
حبت تبقى حرة، سابت عرشها
جت قالتلي فاكرة نظرتك يا بكرة
قلت يا احلى فكرة قلبي يحسها
حبي وشوقي ليكي ممكن يفتديكي
ترجعي لماضيكي يا عيون المها
يا أجمل جزيرة في بحوري العسيرة
حبك يا أميرة عمره ما انتهى
اكرمنا يارب
اكرمنا يا رب وعدلها، خليها تنور قناديلها
اللقمة المرة نبدلها، والرزق يواعد مراكبنا
وإيدينا تساعد حبايبنا، والحلوة تعطر مناديلها
إكرمنا يا رب احنا عبيدك ولا نعبد غير
احنا اللي بنعمة توحيدك كلمنا الطير
ورفعنا الحب على النزوة
وهزمنا عدوك في الغزوة
وصلاة العيد بنمدلها
اجعلها بردا وسلاما على كل أمين
وافتحها فتحا ميسورا على كل حزين
والظالم قوينا نحاربه، والصالح ركبنا قواربه
وجزيرة الحق نعدي لها
مها
مها.. وقلبي اللي انتهى
زي الصباح لو شفتها
بس المسا تلقى القلب حل والحزن هل
واليأس طل من بين عيوني المؤمنة
إن الأمل عمره ما ضل لكنه ضل
هل يقدر الصبح اللي مغسول بالندى يسكن ظلام الوهم؟
هل عقلي العجوز رافض يجوز، رافض لعل؟
مها.. وقلبي اللي انتهى
قصة عذاب متكررة في الابتدا والمنتهى
لا عمرها توهبلي شريان الحياة
ولا عمري هسكن قلبها
آه.. يا مها
حنين
من كل ليل من غير راحة.. من كل وادي على الساحة
من كل عمر شبه صحرا، حنيني ينده على واحة
البنت مهرة في بحر وبر، بنادي خير وبعادي الشر
قلبي على حبها قادر، وقلبها على حبي اصر
أسكن هواها وتسكني، وافتن هواها اللي فتني
ونخش جنة بتفاحة
من كل عمر شبه صحرا، حنيني ينده على واحة
البنت شافت أحزاني، قالتلي ادخل بستاني
نبع الحنان اللي ساقاها، نهر الأمان اللي ساقاني
قالتلي عاشق قلتلها، دخلت ملامحي دخلتلها
بين الآهات المرتاحة
من كل عمر شبه صحرا، حنيني ينده على واحة
فين اشوفك يا نبى
-واحد اتنين سرجي مرجي..
انت حكيم ولا تمرجي؟
=أنا حكيم غير الحكما.. العيانة اديها لقمة
-والمسكينة.. المسكينة من أحبابنا وأهالينا؟
=المسكينة.. المسكينة من أحبابنا وأهالينا
أديها عمري بحاله، طاهر من غير أوحاله
قلبي وربنا أوحى له
-فين اشوفك يا نبي يا للي بلادك بعيدة، فيها أحمد وحميدة
=حميدة جابت ولد سمته عبد الصمد
كان طرح لو كان بنا، كان بين الآيات جنة
كان بين الزهور حنة، كان بين الأيام عمري
كان م القرايب أبي
-فين اشوفك يا نبي ياللي بلادك بعيدة، فيها احمد وحميدة
=حميدة جابت إنسان، ضحكته كانت أوطان
والأوطان كانت صاحية.. بتغني داير الناحية
بدوي وشامي ومغربي..
فين أشوفك يا نبي، ياللي بلادك بعيدة
