يا عشرة - احمد منيب 1986
انتاج: شركة M Sound
الأغاني:
الحان: احمد منيب
توزيع: ماجد عرابى
يا عشرة تهونى ليه
كلمات: عبد الرحيم منصور
بنسهر الاوتار
كلمات: مجدى نجيب
اتمايلى
كلمات: عبد الرحيم منصور
الحب له صاحب
كلمات: مجدى نجيب
يا ليلة عودى
كلمات: عبد الرحيم منصور
الليلة يا سمرا
كلمات: فؤاد حداد
الفل والياسمين
كلمات: فؤاد حداد
يا مراكبى
كلمات: مجدى نجيب
شجر الليمون
كلمات: عبد الرحيم منصور
ربك هو العالم
كلمات: عبد الرحيم منصور
كلمات الأغاني:
يا عشرة تهونى ليه
يا عشره تهوني ليه عايزين من الدنيا ايه
يومين يومين يومين هما يدوبك يومين
يومين مش محسوبين بنحاسب بعض ليه
يومين على هوايا يحلو جوايا
يا دنيتي خديني بالوعد لاقيني
امشي بلقاكي بلاد من غير يا حبيبتي معاد
بابي ايا بابي متصدش اصحابي
الصابرين بخير صاحب الاحزان كبير
يومين وانا مالي بالهم يا ليالي
يا نجمة احلامي ضوي ولا تبالي
غاوي الفرح والميل اخضر في قلب الليل
بنسهر الاوتار
بنسهر الاوتار
يطلع علينا نهار
واحنا مع المشوار
عدينا بحور وجبال
يا فرح يا هجار
امتي تجينا الدار
ونسهر الاوتار
يا ليل يا ابو المجاريح
ماشي في قلب الريح
بزرع انا التفاريح
اسمر انا واخضر انا
شارب مياة نيلي
ما قولت اه ويلي
راكب حصان من ضي
والحلم راح مش جاي
لكن يا فرحي جاي
يوم المنى.. اصفي انا
واحضن سنين عمري
يطوي الحنين صبري
باكية عيون موالي
ما قولت آه كان مالي
استاهل اللي جرالي
واسهر انا.. وادبل انا
تدبل ورود ع الخد
ولا حد سامح حد
يا فرح يا هجار
امتي تجينا الدار
ونسهر الاوتار.. نسهر الاوتار
اتمايلى
أتمايلى .. يا نخلة البكرية .. يا نخلة البكرية
اتمايلى .. اتمايلى وضللى عليا
اتمايلى .. يا نخلة الحبانى .. يا نخلة الحبانى
اتمايلى .. اتمايلى متغربيش زمانى
ودورى دورى يا ساقية دورى
مهو لسة جاى جاى دورى
اشرب من ايد حبيبى ويبقى الخلا حصانى
اتمايلى .. يا قمرة يا مضوية
اتمايلى .. ده بكرا ليكى وليا
اتمايلى.. اتمايلى .. يا قمرة يا مضوية
اتمايلى .. ده بكرا ليكى وليا
اتمايلى .. وارمى الهموم وراكى
اتمايلى .. ياللى هوايا هواكى
ودورى دورى يا ساقية دورى
مهو لسة جاى جاى دورى
اشرب من ايد حبيبى ويبقى الخلا حصانى
اتمايلى .. على الموجة يا دهبية
اتمايلى .. وقوليلى فين مراسيا
اتمايلى .. على الموجة يا دهبية
اتمايلى .. وقوليلى فين مراسيا
اتمايلى .. وسنين واهى بتعدى
وانا قلبى شايله فى يدى
ودورى دورى يا ساقية دورى
مهو لسة جاى جاى دورى
اشرب من ايد حبيبى ويبقى الخلا حصانى
اتمايلى .. يا نخلة البكرية يا نخلة البكرية
اتمايلى .. اتمايلى وضللى عليا
اتمايلى .. يا نخلة الحبانى .. يا نخلة الحبانى
اتمايلى .. اتمايلى متغربيش زمانى
ودورى دورى يا ساقية دورى
مهو لسة جاى جاى دورى
اشرب من ايد حبيبى ويبقى الخلا حصانى
اتمايلى
الحب له صاحب
الحب ليه صاحب.. والكره ليه صاحب
الحزن ليه صاحب.. والفرح ليه صاحب
وانا ع الوعد متصاحب
العشق ليه صاحب.. والفرح ليه صاحب
الكدب مش صاحب.. الضى ليه صاحب
وانا على الوعد متصاحب
بحب اصاحب كل شيء صادق
ما احس بأى سور بينه وبينه او فارق
وافارق كل شيء فى الدنيا مش صادق
وانا على الوعد متصاحب
بحبك فى لون الضى
فى بكره المبتسم والجاى
فى نظرة خايفة وخايفة علي
وانا على الوعد متصاحب
الليلة يا سمرة
الليلة يا سمرا يا سمارة
لا انا كنت برة ولا مهاجر
انا اللى جايلك من باكر
قلبى ولا البحر الهادر
عينى ولا الجمرة الليلة
خللى الندى من احلامك
يسقى النبات من ايامك
حطى اللى خلفك قدامك
تلقى البلد عامرة الليلة
الليل يصبح ويمسى
وتفكرينى وتنسى
شميت هواكى لقيت نفسى
يا طيبة وصابرة الليلة
البنت قالت فستاني
منشور على الشط التاني
خدني المراكبي وعداني
ورجعت في القمرا الليلة
دا العنجريب اللي قنيته
تمن سنين استنيته
على الجريد اللي رميته
هتزهر الثمرة الليلة
يا ليلة عودى
يا ليلة عودي تاني.. يا ليلة كوني تاني
خدينا طهر وروح.. وردي فينا الروح
خدينا ضمينا، دفينا.. يا ليلة عودي تاني
لا أنا بخبي مكاني.. ولا كمان عنواني
قطر المحبة نساني.. عدى وليه عداني
خدينا ضمينا، دفينا.. يا ليلة عودى تاني
لما تهل المغارب.. قلبي بيصبح قارب
تليلى يا ليلة.. يصبح في عينيكي هارب
خدينا ضمينا، دفينا.. يا ليلة عودى تاني
الفل والياسمين
تعالى نلضم اسامينا.. الفلة جنب الياسمينة
قنا، سوهاج، الاسماعيلية، بنت الصعايدة بحرية
الاقصر غزالة محنية.. فى اسكندرية ترسينا
وانا رشيدى ودمياطى.. واخدك يا منصورة فى باطى
واغنى وارقص سنباطى قبل القمر ما ينسينا
وعدى على الجيزة خفاجة.. وردان ضلوعى الخفاجة
عيونى طلت يارفاقة.. من وادى حلفا على المينا
بلبيس هتلبس دبلتها، شربين شربنا فى قلتها
بعد المحلة محلتها.. بنها العسل راح تشفينا
الشاى يا واسطى فى السكة، نقعد يا منيا على الدكة
توصل بنى سويف الضحكة.. نلاقى اسيوط وسطينـا
وطنطــــــا شى الله ياسيــد، وطهطــــــا نفلح ونشيــد
نزور مغاغة ونعيد.. فى بورسعيد على التراسينا
من السويس قولت يا لالى، دى القنطرة فجر تملى
والوز الاخضر بيصلى.. على القنايا من سينا
ع الضفتين ألقى ربوعي، وعيد ميلادي وسبوعي
من كوم حمادة ينبوعي.. لجرجا أبريق الزينة
ودنشواي اسمها أصبح، أجل شاهد بيسبح
في المنزلة الضي بيرمح.. وف بحر يوسف سواقينا
عصرت قلبى الجوانى على التراب الاســوانى
رجع يانوبة عنوانى.. كوم امبو رايقة وامينة
يا مراكبى
هيلا هيلا
ان شاء المولى
هيلا هيلا
راح نرسى في مينا
هيلا هيلا
ايامنا ع الله
هيلا هيلا
وقمر ليالينا
هيلا هيلا
يا مراكبي..
شد القلوع
..يا مراكبي
مفيش رجــوع
..يا مراكبي
و يا ليل من غير حبيب
هيلا هيلا
يا ليل أمرك عجيب
هيلا هيلا
الورد كان في كل مكان
طارح مطارح لحبي
والكون ده كان زمان
ما يسعش حتة من قلبي
آه يا مراكي
شــد القلوع
يـا مراكبي
مفيش رجوع
يا مراكبي.. آه يا مراكبي
شجر الليمون
كم عام ومواسم عدوا
وشجر اللمون دبلان على أرضه
وفينك..
بيني وبيني وبينك
أحزان ويعدوا
بيني وبينك
أيام وينقضوا
وشجر اللمون دبلان على أرضه
وفينك..
أنا من غيرك
أنا مش عاقل ولا مجنون
أنا مطحون
والدنيا دي رحايا
وقلبي حب الحب
وحبابي عيون
وشجر اللمون دبلان على أرضه
وكل شيء بينسرق مني
العمر م الأيام
والضي م النني
وكل شيء حواليا يندهلي
جوايا بندهلك
يا ترى بتسمعني
وفينك..
ربك هو العالم
ربك هو العالم
ربك رب قلوب
مين عارف يا حبيبى
إيه لينا مكتوب
واحنا قلوب مشتاقة
والدنيا سرّاقة
دنيا فيها الغالب
تانى يوم مغلوب
دا عاوز يكوّش
ع العالم بحاله
ودا عاوز يهوّش
يعمل ما بداله
ربك هو العالم
بالغانم والسالم
والقلب البرّانى
والقلب الحليم
ودا عايش فى كدبة
كدبة كل يوم
جوّا نفسه غربة
وبرّا حياته هموم
ربك هو العالم
بالصاحى والنايم
والقلب البرّانى
والقلب الحليم
ودا معايا بيمشى
وغلاوته غلاوة
ليه يضحك فى وشّى
ويخبّى العداوة
