ست الحبايب - فايزة احمد 1975
.jpg)
انتاج: شركة صوت الفن
الأغاني:
ست الحبايب
كلمات: حسين السيد - تلحين: محمد عبد الوهاب
حمال الاسية
كلمات: حسين السيد - تلحين: محمد عبد الوهاب
م الباب للشباك
كلمات: عبد العزيز سلام - تلحين: محمد الموجى
يا غالى عليا (الاخ)
كلمات: حسين السيد - تلحين: محمد عبد الوهاب
تهجرنى بحكاية
كلمات: مامون الشناوى - تلحين: محمد عبد الوهاب
بتسال ليه عليا
كلمات: اسماعيل الحبروك - تلحين: فؤاد حلمى
كلمات الأغاني:
ست الحبايب
ست الحبايب ياحبيبه
يااغلى من روحي ودمي
ياحنينة وكلك طيبة
يارب يخليكي يا أمي
زمان سهرتي وتعبتي وشلتي من عمري ليالي
ولسه برضه دلوقتي بتحملي الهم بدالي
انام وتسهري وتباتي تفكري
وتصحي من الآدان وتيجي تشقري
تعيشي لي ياحبيبتي يا أمي
ويدوم لي رضاكي
أنا روحي من روحك انت
وعايشه من سر دعاكي
بتحسي بفرحتي قبل الهنا بسنة
وتحسي بشكوتي من قبل ماأحس أنا
يارب يخليكي ياأمي
يارب يخليكي ياأمي
لو عشت طول عمري أوفي جمايلك الغاليه علي
أجيب منين عمر يكفي
وألاقي فين أغلى هدية
نور عيني ومهجتي وحياتي ودنيتي
لو ترضي تقبليهم دول هما هديتي
يارب يخليكي ياأمي ست الحبايب ياحبيبة
حمال الاسية
حمال الآسية ظالمينك حبايبى
وبتنسى الآسية طول عمرك يا قلبى
بينسوك الحبايب ولو طال الغياب
تروح تسأل عليهم ولا يردوش جواب
ودق الحب دقة عارفها كل باب
تسامح اللى ينسى وتعذر اللى غاب
وغلبت اشتكيهم وتقول دول حبايبى
حمال الاسية يا قلبى حمال الاسية
اقولك دول فاتونا تقولى دا كلام
واقولك يالله نهجر تقولى لأ..لأ..لأ حرام
بقى مش حرام عليهم عذابك فى الغرام
واحنا اللى حرام علينا لو نطلب يوم خصام
يخاصموك وتصالحهم
وتقول دول حبايبى
حمال الاسية يا قلبى
بتسال ليه عليا
بتسأل ليه عليا وتقول وحشاك عينيا
من امتى انت حبيبي وداري باللي بيا
ياللي بتسأل عليا ما لكش دعوة بيا
بتسأل ليه.. بتسأل ليه ليه ليه عليا
سيبني لليالي أسهرها لوحدي.. سيبني لذكرياتي
وابعد عن خيالي يا أغلى ما عندي
وابعد عن حياتي.. وابعد عن حياتي
لا تبعت سلام ولا تيجي ف منام
ولا تسأل عليا ما لكش دعوة بيا
بتسأل ليه.. بتسأل ليه ليه ليه عليا
أيامك نسيتها ونسيتك كمان رجع قلبي خالي
حكاية وطويتها وكلام كان زمان راح ويا الليالي
لا بينا كلام ولا بينا خصام
ولا تسأل عليا ما لكش دعوة بيا
بتسأل ليه.. بتسأل ليه ليه ليه عليا
حخاصم عينيا لو قابلت عينيك.. وقالت تشوفك
آه واخاصم ايديا لو شاورت عليك أو شاورت لايديك
لا عمري هاعاتبك ولا حرجع لحبك
ولا تسأل عليا ما لكش دعوة بيا
بتسأل ليه.. بتسأل ليه ليه ليه عليا
.jpg&description=ست الحبايب - فايزة احمد 1975){kind=link}