استنانى / لو يطول البعد - نجاة
انتاج: شركة صوت الفن
الأغاني:
استنانى
كلمات: مامون الشناوى - تلحين: كمال الطويل
لو يطول البعد
كلمات: مرسى جميل عزيز - تلحين: كمال الطويل كلمات الأغاني:
استنانى
يا قلبي طير في الهوا واهدي حبيبي سلام
اللي حرمنا وداعه وفاتنا للاوهام
وقوله هو اللي بينا حب ولا كلام؟
وحلفه بكل غالي يروح ويرجع قوام
ناديت عليه لا رد صوت ولاصدى
ناديت وغلبت من طول الندا
استناني هي دقيقة كتير علشاني
استنيتك عمر بحاله مش قادر تستني ثواني
ده انت حبيبي استناني
كنت هاقولك ما تسيبنيش للشوق والحيرة وخوفي عليك
وابقي ابعتلي كلمة تهدي الشوق وتطمن قلبي عليك
كنت هتسمع دمع عينيا بيقولك ما تغيبشي عليا
كان هيقولك لمس إيديا فكر فيا
ناديت ما سمعت غير صوتي أنا
يا ريت ما جيت ولا قلبي كان جابني هنا
دنيا غريبة عليا وانت بعيد عن عينيا
وآه لو عرفت اللي بيا تبكي معايا عليا
استناني هي دقيقة كتير علشاني
استنيتك عمر بحاله مش قادر تستني ثواني
ده انت حبيبي استناني
يا واخد الدنيا الحلوة معاك
يا خوفي تنسي الدنيا هناك
طب فين اروح وحدي ودمعي علي خدي
لا كلمة حلوة في ودني ولا وداعك في حضني
لو يطول البعد
لو يطول البعد مهما يطول
بس ترجع والنبى مهما يطول
تلاقينى تلاقينى تلاقينى
مستنية يا حبيبى مستنية
والفرح اللى مخاصمنى
يرجع ليا شوية شوية
عودتنى عودتنى
عودتنى على حبك انام
عودتنى على صوتك انام
واااااه
اه ياعينى على العشاق
واه ياعينى على المشتاق
واه ياعينى على العشاق
واه يا عينى من الاشواق
حالفين لا بيهدوا ولا يتوبوا
ويقولوا ع النار اشواق
اه ياعينى من الاشواق
اه ياعينى على العشاق
بيدوبوا ويحبوا يدوبوا
ويقولوا ع النار اشواق
يا حبيبى فى يوم ما ترجع
كل طير يرجع لعشه
كل من فارق هيرجع
بس ترجع يا حبيبى
اصدق لو قالولى الشمس
نسيت مرة تتطلع فى الميعاد
واصدق لو قالولى النجمة
تنسى الليل وتقدر ع البعاد
اصدقهم واصدق أي شيء ينقال
ولو قالو انه عمره ياعينى ما خطر على بال
ما اكدبهمش الا لو قالو انك فى يوم هتنسانى
اكدبهم واكدبهم واقول قولولى كلام تانى
دا عمره ما خلف لى ميعاد
ولو يمشى عشانى بلاد
وااااه
