شمس ودفا - ايمان البحر درويش 1991
انتاج: شركة امواج
الأغاني:
دار الزمان
كلمات: محمد السيد - تلحين: جمال لطفى - توزيع: عماد الشارونى
شمس ودفا
كلمات: عوض بدوى - تلحين: فاروق الشرنوبى - توزيع: عماد الشارونى
مين السبب
كلمات: جمال غانم - تلحين وتوزيع: محمد عرام
عرفتينى
كلمات: عصام عبد الله - تلحين: جمال لطفى - توزيع: يحيى الموجى
انا ما اقبلش
كلمات: عوض بدوى - تلحين: ايمان البحر درويش - توزيع: عماد الشارونى
حروف الحق
كلمات: حسام الدين شوقى - تلحين: ابراهيم نصير - توزيع: عماد الشارونى
قلب الطير
كلمات: هانى شحاتة - تلحين: فاروق الشرنوبى - توزيع: يحيى الموجى
قلبى حبك
كلمات: محمد فضل - تلحين: رياض الهمشرى - توزيع: محمد عرام
كلمات الأغاني:
عرفتينى
عرفتيني
على جناح الأمل طاير بغني لفوق
انا شراع الوفا السابح في بحر الشوق
انا صدقي اندبح فيا
انا صافي كما الميه
راسملك فى تكاوينى
ملاك حبه مدفينى
عرفتينى
انا سميتك الضحكة وانا مجروح
انا خليتك المبدأ منين ما بروح
انا حاسك كما عينيا
انا حبك علانية
سنين فاتت وحشتينى
انا فى السكه قابليني
وحشتينى
انا عارف حساب الحظ والأيام
انا شايل فى قلبى الحب والأحلام
انا لو عشتى فى عينيا
وجوا فى حواشيا
هتلقى الحب مالينى
تعالى يالا نادينى
عرفتينى
حروف الحق
دوري مع الليل والسواقي دوري
غني عن الارض الشراقي دوري
واطرحي الامل اللي باقي في النهار
كوني جنة كوني نار
كوني ست في كل دار
وامسحي دموع الصغار
اتكلمي يا حروف بحق
قولي أيوه قولي لأ
اعرفي ازاي تشيلي الحب شيل
كوني فستان للصبية في برد ليل
كوني قلة ومشربية كوني طلقة بندقية
كوني سيل
اتكلمي فات الي فات
اتكلمي طال السكات
اتكلمي يا حروف بحق
قولي أيوه قولي لأ
قلبى حبك
أنا قلبي حبك وهواكي
وخطى صعبك ومداكي
ومد قربك وهداكي
وندهلك.. وندهلك
أنا قلبي كان طول مشواري
صديق حروفي وأشعاري
يحلم بشمس تكون داري
تشبهلك.. تشبهلك
أنا قلبي مش ملكي ف إيدي
جابك وصبك ف وريدي
تدوقي فرحي وتنهيدي
على مهلك.. على مهلك
أنا قلبي شافك وسط الكون
زهرة ندية ف غصن حنون
حبك، وحبه غريب مجنون!!
يستاهلك.. يستاهلك
