مبسوطين - على الحجار 1985
انتاج: شركة صوت القاهرة
الأغاني:
كلمات: عبد الرحمن الابنودى
تلحين: عمار الشريعى
متمنعوش الصادقين
مبسوطين
الهؤة المؤة الزلمؤة
ليلى ويا ليلى
يا حبيبتى الشمس مش بعيدة
احنا الثنائى محسن وعمرو / مع محمود الجندى
قلبى عليك يا ابو الشباب
بقلبنا بعقلنا
ماترجعيش
لو مش هاتحلم معايا
كلمات الأغاني:
متمنعوش الصادقين
ما تمنعوش الصادقين عن صدقهم
ولا تحرموش العاشقين من عشقهم
كل اللي عايشين للبشر
من حقهم يقفوا ويكملوا
يمشوا ويتكعبلوا
ويتوهوا أو يوصلوا
وإذا كنا مش قادرين نكون زيهم
نتأمل الأحوال ونوزن الأفعال
يمكن إذا صدقنا نمشي في صفهم
الدنيا مالها ولا إحنا مالنا
ولا الزمان نسانا إيه جرى لنا
بقينا نحبس في الصدور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين إذا بكيوا
ونحسد الباكيين إذا ضحكوا
مبسوطين
مبسوطين مبسوطين مبسوطين
مبسوطين وعيونا تقولك مبسوطين
ياللي سريرك من فضه
النور في كفك يتوضا
كل الليالي هتتقضي
وترجع علي دارك
مبسوطين مبسوطين مبسوطين
مبسوطين وعيونا تقولك مبسوطين
باغني وافتكرو اللازمه
ولا غنايا مالوش لازمه
مادام طلعنا من الازمه
مبسوطين مبسوطين مبسوطين
مبسوطين وعيونا تقولك مبسوطين
احلي مافيكي يا بنت الايه
ضحكه تساوي الف جنيه
انا اللي بس مصر عليه
ترجع علي دارك
مبسوطين مبسوطين مبسوطين
مبسوطين وعيونا تقولك مبسوطين
ليلى ويا ليلى
ليلي ويا ليلي ويا ليلي
انا فلبي حاسس بيكي من ليلة
نجمه وطلعت والسما نعسانة
ندهت بعلو الضو قالت يانا
ازاي تناموا وازاي وانا سهرانة
هتلاقوا اجمل من كدة ليلة
وردة وطلعت في الفضا الرباني
طلعت في صحرا قلت دا بستاني
مفتحة لكن تفتح تاني
وليها ضحكة تعدل المايلة
ليلي ويا ليلي ويا ليلي
انا قلبي حاسس بيكي من ليلة
ليلي ويا ليلي ويا ليلي
عاشق أنا لا قوة ولا حول
يا حبيبتى الشمس مش بعيدة
ويا حبيبتي الشمس مش بعيدة
داحنا ايدينا قصيرين
ومفيش لا ناس تعسا ولا سعيدة
الناس في دنيتنا نوعين
عايشين ومش عايشين
واحنا النوعين
عايشين ومش عايشين
سامعين ومش شايفين
حاسين ومش فاهمين
فاهمين ومش قادرين
كأننا الحزن اتقسم نصين
قلبى عليك يا ابو الشباب
قلبي عليك يا بو الشباب يا صغير
بعد الهنا بسنه قوام تتغير
عندك عروسه قمر جمالها يحير
خايف عليك قلبي عليك
خايف عليك يا بو الشباب يا غالي
تنسي حبايبك في الزمان الخالي
اصل الجمال في الزمن سعره غالي
مايغليش عليك قلبي عليك
قلبي عليك يابو الشباب يا صغير
بعد الهنا بسنه اوام تتغير
عندك عروسه قمر جمالها يحير
خايف عليك قلبي عليك
ادوا الجميله للجميل وارتاحوا
دا كل بستاني وله تفاحه
وكل طير يعرف يحط جناحه
قصدي عليك خايف عليك
قلبي عليك يابو الشباب يا صغير
بعد الهنا بسنه اوام تتغير
عندك عروسه قمر جمالها يحير
خايف عليك قلبي عليك
بقلبنا بعقلنا
بقلبنا بعقلنا
بصبرنا بجهدنا
بحلونا بمرنا
بدمعنا بضحكنا
نضمها تضمنا
نصدها تصدنا
احنا لها وهي لنا
ما هي دي الحياه
علي ايه هتسأل واسألك
كل السكك هتوصلك
وانا من طريقي هاحصلك
توصلني ولا اوصلك
وهنلتقي هناك او هنا
انت البشر وانت انا
نفس الطريق بيضمنا
نفس الدموع بتهزنا
نفس السبب
نفس العذاب
نفس الفرح
نفس الدموع
نفس الطموح
نفس المني
ودي الحياه
بفكرنا بخطونا
بحلمنا بوعيينا
بحسنا بصمتنا
لوحدنا نقول لنا
نشدها تشدنا
نقول لها تقول لنا
ماهو يوم لها ويوم لنا
و دي الحياه
ماترجعيش
ما ترجعيش
ما تيأسيش من هوانا
وما تقوليش اللي في ايدينا قليل
يمكن يكون المستحيل جوانا
وحبنا مايكونشي بالمستحيل
ماترجعيش
ماتيأسيش
علي الاقل ماتهربيش
لو مش هاتحلم معايا
لو مش هتحلم معايا
مضطر احلم بنفسى
لكنّى فى الحلم حتى
عمرى ما هأحلم لنفسى
لو كنت راح افتش
عن منصب ولا جاه
واصاحب الحذر
ده انا ابقى مستحقش حلاوة الحياة
وضحكة البشر
يا صاحبى يا صديقى
يا للى طريقك طريقى
ده انا يوم ما اعيش لنفسى
ده يوم موتى الحقيقى
