متصدقيش - على الحجار 1983
انتاج: شركة صوت الدلتا
الأغاني:
توزيع موسيقى: عماد الشارونى
انا بيكى يا سمرة اكون
كلمات: عثمان اسماعيل - تلحين: احمد الحجار
ساعات ساعات
كلمات: عبد العزيز عبد الظاهر - تلحين: جمال لطفى
كلمات: عبد العزيز عبد الظاهر - تلحين: جمال لطفى
ما بلاش
كلمات: سيد حجاب - تلحين: بليغ حمدى
كلمات: سيد حجاب - تلحين: بليغ حمدى
متصدقيش
كلمات: احمد اسماعيل - تلحين: عماد الشارونى
كلمات: احمد اسماعيل - تلحين: عماد الشارونى
انا من هنا
كلمات: ابراهيم كامل رفعت - تلحين: ابراهيم الحجار
كلمات: ابراهيم كامل رفعت - تلحين: ابراهيم الحجار
عيد الميلاد
كلمات: عبد العزيز سلام - تلحين: محمد فوزى
كلمات: عبد العزيز سلام - تلحين: محمد فوزى
عنوان بيتنا
كلمات: محمد البنا - تلحين: خليل مصطفى
كلمات: محمد البنا - تلحين: خليل مصطفى
ح اتوه
كلمات: مصطفى رياض - تلحين: خليل مصطفى
كلمات: مصطفى رياض - تلحين: خليل مصطفى
كلمات الأغاني:
انا بيكى يا سمرة اكون
انا بيكي يا سمرا اكون
وقصادي الصعب يهون
والحمل انا وانتي نشيله
وغنانا الدنيا تقوله
انا بيكي يا سمرا اكون
احكيلك عن أحزاني
فى الغربة نسيت أفراحي
وهواكي ازاى نساني
غربتي فى سنين وجراحي
رحلتي وياكي بديتها
فرحتي فى عنيكي لقيتها
وقابلت العمر الغالي
وسكنت النجم العالي
ساعات ساعات
ساعات ساعات
ساعات ساعات بعذرك
وساعات ساعات برفضك
ساعات بحس انك انتى معبدي
وساعات بشوفك جوة حزني تعيدي
ساعات ساعات
فى الحب تتساوى السعادة والالم
ووجودنا بيساوي العدم
يقف الزمان ساعات ساعات
ولان واخدانا السنين
طواحين بتاخد عمرنا
افضلنا نفضل هنا
فى اللحظة دى ما تقربيش
ولا تبعديش ولا ننتهيش من حبنا
مع إننا ما قدرنا ابداً نبتدي
ساعات ساعات
ما بلاش
هنزود ليه في جروحنا بحاجات ما بنقصدهاش
ما بلاش نتعب بعضينا خلينا نعيش ليالينا
واما الأيام تدينا فرحة ما نضيعهاش
ما لناش غير بعض يا روحي عن بعض ما نستغناش
طب ليه تبعدي وتروحي لبلاد ما بنعرفهاش
بتقولي هترجعي تاني ويروق وياكي زماني
ليه نتعلق بأماني يمكن ما نحققهاش
ما بقاش فيه حاجة تساوي نبعد عن بعض كتير
لا انا غاوي دموع ولا غاوي سهد وحيرة وتفكير
خليكي هنا وخلينا نكبر سوا مع بعضينا
دا حنا ان بعدت أراضينا الشوق ما بيرحمناش
ما فيناش فرقة استكفينا الأيام ما بتستناش
دي ان راحت من أيادينا أبدا ما نعوضهاش
هو اللي نقوله نعيده حبنا عمره ما حيفيده
تعب القلب وتنهيده دا احنا لسة ما عيشناش
متصدقيش
متصدقيش انى وحيد فى انتظارك
متصدقيش انى حزين بانتصارك
ازاى يطول جرح الغياب حد السما
ازاى يبان غصن الحنين بعد الجفا
وجرحي في حبك لأخر مدى
متصدقيش ان السحاب أصل المطر
وان الخضار جوه العيون لون الشجر
متصدقيش عشق الجذور لأرضها
متصدقيش عشق الطيور لبعضها
وقلبى اللى حبك لاخر مدى
متصدقيش البحر لو قال سامحتك
متصدقيش البحر لو قال بحبك
متصدقيش إن الدموع غير الندى
متصدقيش ان النشيد غير الصدى
وقلبى اللى حبك لأخر مدى
متصدقيش إن الوداع لحظة ندم
متصدقيش إن الغروب لحظة ألم
متصدقيش هجر الطيور لعشها
متصدقيش هجر الزهور لاسمها
وهجري لاسمك خلاص ابتدى
انا من هنا
انا من هنا وانت من هنا
لا نحب بعضنا ولا نشغل قلبنا
لا لا
انا من هنا وانت من هنا
السحر في عينك شوقني وشغلني معاه
ويا خوفي بسحرك تسرقني واحتار وياه
ويطير النوم من عيني
يا حبيي دا كان على عيني
خليني بعيد انا وانت ابعد من هنا
لا نحب بعضنا ولا نشغل قلبنا
لا لا
انا من هنا وانت من هنا
بتقوللي كلام زى السكر رقة وجذاب
وبتوه في كلامك لتكون كداب
وتلوع قلبي الخالي
وتسيبني لوحدي ليالي
خليني بعيد انا وانت ابعد من هنا
لا نحب بعضنا ولا نشغل قلبنا
لا لا
انا من هنا وانت من هنا
تحلفلي هتفضل على عهدك في صفاك ورضاك
اعمل معروف انا مش قدك ولا قد هواك
مش يمكن يوم تنساني
وتفكر في غرام تاني
خليني بعيد انا وانت ابعد من هنا
لا نحب بعضنا ولا نشغل قلبنا
لا لا
انا من هنا وانت من هنا
عيد الميلاد
يا نور جديد في يوم سعيد
دا عيد ميلادك أحلى عيد
يوم ما اتولدتي البدر قال يا حسنها
أغيب أنا وهي تنور مطرحي
والشمس مالت م الخجل في برجها
هلت يا دنيا في نورها غني وافرحي
الطير صبح سبّح بقدرة ربنا
والنيل فرح غنى وقال يا سعدنا
الورد فتح.. في عيد ميلادك
ع الحسن صبح.. دا عيد ميلادك
فين سحر بابل جنب سحرك يا عيون
وفين سهام الحب جنبك يا جفون
ياللي بأوانك انتي أخجلتي الغصون
لو تطلبي روحي فدا.. روحي تهون
قوللي انت إيه؟ أنا عبد خاضع للجمال
وجاي ليه؟ جيت لما قلبي ليكي مال
أطلب رضاكي في عيد ميلادك
واقطف بهاكي في عيد ميلادك
يا نور جديد في يوم سعيد
دا عيد ميلادك أحلى عيد
عنوان بيتنا
عنوان بيتنا زي ما كان
بس انت نسيت العنوان
ابعت واسأل وبلاش تتقل
لاحسن ناخد ع النسيان
اللي اتغير قلبك انت
عنوان بيتنا ما تغيرشي
وانا بستني شوف من امتي
وانت بتتقل ولا تسألشي
قصدك يعني تحير قلبي
قلبي خلاص ما بيتحيرشي
فكر تبعت مرة جواب
تكتب فيه انك ما نسيتنا
وتحسسنا اننا احباب
وانك فاكر عنوان بيتنا
ح اتوه
حتوه ويا قلبي ما بين الزحام
واعيش زى غيري واداري الآلام
ولو يوم قابلتك هخلي الكلام
بدايته ابتسامه نهايته سلام
واتوه ويا قلبي ما بين الزحام
ولو يوم سألتي هقول إن حبي حكايه غرام
نسجها خيالي طواها الظلام
واتوه ويا قلبي مابين الزحام
وعرفت ان املك مفيش فيه مكان
وعقلك وقلبك ما بينهم خصام
هعيش يا حبيبتي وليكي مكان
فى عقلي وقلبي برغم الالام
