دنيا جديدة - فايزة احمد 1979
انتاج: شركة صوت الحب
الأغاني:
كلمات: عمر بطيشة
تلحين: محمد سلطان
توزيع هانى شنودة
على وش القمر
هدى الليل
دنيا جديدة
على فين
كلمات الأغاني:
على وش القمر
على وش القمر
على صوت المطر
على كل الشجر هكتبلك
هكتبلك يا حبيبي
هكتبلك ع الشوارع
وع الفجر اللي راجع
هكتبلك يا حبيبي
حرفين من اسمي واسمك
وقلب صابه سهمك
هكتبلك يا حبيبي
الدنيا تسمع مني وأنا عنك بغني
واقول اسمك في قلبي
ألاقي الكون سامعني
ناديتك وانت جنبي
ورد عليا قلبي
وقال للدنيا حبي
حقيقة مش خيال
بشوق كل السنين
وبعد بحور حنين
اتقابلوا المشتاقين
بعد المشوار ما طال
فيه شيء بينك وبيني
تقولهولك عيوني
أكبر من حب عاشق
ومن شوقي وحنيني
كتبتك في الأغاني
طلبتك من زماني
دعيتلك بالأماني
تسعد وافرح معاك
لو ينسوا اللي هاينسونا
حكايتنا واسامينا
هاتفكرهم يوم بينا
غنوة باقولها في هواك
على وش القمر
هدى الليل
هدي الليل بصوته على جسر الصدى
وبدأت سعاته تسافر فى المدى
وغاب الزحام وداب الكلام
ويسكت كلام اللى قالوا
ويرجع هوانا بحاله
وتفضل حقيقة وحيدة
يا نجمة سهرنا البعيدة
بحبك وبتحبنى
يسافر هوانا مع الناس ساعات
ويبعد وتبعد معاه الامسيات
يحاصر عيونا عيون ناس بتوجع
نلاقى عيونا بتهرب وتبعد
وتسرح وترجع لدنيانا احنا
وتخلق من الحزن لحظة لفرحنا
وتنسى اللى بيقولوا واللى يقولوه
وقبلك خيال مستحيل حيشوفوه
ويسكت كلام اللى قالوا
ويرجع هوانا لحاله
وتفضل حقيقة وحيدة
يا نجمة سهرنا البعيدة
بحبك وبتحبنى
تاخدنا الليالى فى رحلة بعاد
ونشتاق ويغلب علينا العناد
ويحتاروا فينا وفى اللى جرالنا
لا ضحكة بنضحك ولا نوم يجيلنا
وفجأة نلاقينا رجعنا لروحنا
مفيش غير لقانا يطيب جروحنا
واقابلك وننسى ان بينا عتاب
ويرجع هوانا وعمره ما غاب
ويسكت كلام اللى قالوا
ويرجع هوانا لحاله
وتفضل حقيقة وحيدة
يا نجمة سهرنا البعيدة
بحبك وبتحبني
