بحبك لا - المصريين 1977
انتاج: شركة صوت الحب
الأغاني:
بحبك لا
كلمات: مرسى السيد - تلحين وتوزيع: هانى شنودة
ماتحسبوش يا بنات
كلمات: صلاح جاهين - تلحين وتوزيع: هانى شنودة
بتبكى ليه
كلمات: مرسى السيد - تلحين وتوزيع: هانى شنودة
بلاش تعقيد
كلمات: عصام عبد الله - تلحين وتوزيع: محمد الشيخمفتش ليه
كلمات: عمر بطيشة - تلحين وتوزيع: هانى شنودة
ماتفكريش
كلمات: مرسى السيد - تلحين وتوزيع: هانى شنودة
قربى
كلمات: عنتر هلال - تلحين: اسماعيل مصطفى - توزيع: هانى شنودة
غنوا للحياه
كلمات: مرسى السيد - تلحين وتوزيع: هانى شنودة
8 ديسمبر
كلمات: عمر بطيشة - تلحين وتوزيع: محمد الشيخ
ماما ستو
كلمات: صلاح جاهين - تلحين: محمد الشيخ - توزيع: هانى شنودة
الشوارع حواديت
كلمات: صلاح جاهين - تلحين وتوزيع: هانى شنودة
افيفا الهوى
كلمات: عصام عبد الله - تلحين وتوزيع: هانى شنودة
كلمات الأغاني:
بحبك لا
بحبك لا، محتاجلك آه
بقلبي لا، بعقلي آه
كتير كتير بشتاقلك آه
أوقات كتير وأرتاحلك آه
لكن دا ما هوش معناه أفكر يوم أحبك لا
بحبك لا، محتاجلك آه
بقلبي لا، بعقلي آه
كتير كتير بشتاقلك آه
أوقات كتير وأرتاحلك آه
لكن دا ما هوش معناه أفكر يوم أحبك لا
عاشقة الضياع وسط الزحام
من غير طموح ولا أحلام
عايشة الحياة بلا مبالاة
بحبك لا، محتاجلك آه
بقلبي لا، بعقلي آه
كتير كتير بشتاقلك آه
أوقات كتير وأرتاحلك آه
لكن دا ما هوش معناه أفكر يوم أحبك لا
بحبك لا، محتاجلك آه
بقلبي لا، بعقلي آه
عاشقة الضياع وسط الزحام
من غير طموح ولا أحلام
عايشة الحياة بلا مبالاة
بحبك لا، محتاجلك آه
بقلبي لا، بعقلي آه
محتاجلك آه يا حلوة عشان
مشواري طويل محتاج إنسان
أقضي ساعات فراغي معاه
بحبك لا، محتاجلك آه
بقلبي لا، بعقلي آه
بحبك لا، محتاجلك آه
بقلبي لا، بعقلي آه
بعقلي آه، بقلبي لا
ماتحسبوش يا بنات
ما تحسبوش يا بنات إن الجواز راحة
وما تزعلوش يا بنات إن قولنا بصراحة
ما تحسبوش يا بنات إن الجواز راحة
وما تزعلوش يا بنات إن قلنا بصراحة
إن الجواز عمره عمره ما كان راحة
قولنا يا نصاح
مين في الحياة مرتاح
حتى الحمام اللي طاير
عنده تعب في الجناح
حلم السعادة الجميل
من منبعه السلسبيل
ما يهمهوش لو يسيل
على صخر أو تفاح
ومهما نتعب نقول
تعب الحبيب راحة
ما تحسبوش يا بنات إن الجواز راحة
وما تزعلوش يا بنات إن قولنا بصراحة
ما تحسبوش يا بنات إن الجواز راحة
وما تزعلوش يا بنات إن قلنا بصراحة
إن الجواز عمره عمره ما كان راحة
مهما تقولوا لنا عليه
رجلينا رايحة إليه
واللي يحب الحلاوة
لابد يلسع إيديه
لا بد من بعض نار
ونص درهم مرار
ولما ييجوا الصغار
القلب ترقص عينيه
ومهما نتعب نقول
تعب الحبيب راحة
ما تحسبوش يا بنات إن الجواز راحة
وما تزعلوش يا بنات إن قولنا بصراحة
ما تحسبوش يا بنات إن الجواز راحة
وما تزعلوش يا بنات إن قلنا بصراحة
إن الجواز عمره عمره ما كان راحة
ومهما نتعب نقول
تعب الحبيب راحة
ما تحسبوش يا بنات إن الجواز راحة
وما تزعلوش يا بنات إن قولنا بصراحة
ما تحسبوش يا بنات إن الجواز راحة
وما تزعلوش يا بنات إن قلنا بصراحة
إن الجواز عمره عمره ما كان راحة
عارفين
بتبكى ليه
بتبكي، بتبكي ليه؟
ندمانة، أقولك إيه؟
ما هو إنتي اللي إختارتيه وعليا فضلتيه
ما هو إنتي اللي إختارتيه وعليا فضلتيه
بتبكي، بتيكي ليه؟
ندمانة، أقولك إيه؟
سألتك بتحبيه
قولتيلي ما أفتكرش
نصحتك أرفضيه
قولتيلي لأ ما أقدرش
سألتك علشان إيه؟ قولتيلي
دا الإنسان اللي بحلم بيه طول عمري وبتمناه
بتبكي، بتبكي ليه؟
ندمانة، أقولك إيه؟
وبعد ما عيشتي معاه بتقولي مش طايقاه
وإكمني أغنى منه، بحبي أغنه منه
أنا ياما نصحتك وإنتي قولتيلي، هيجرى إيه؟
دلوقتي بس عرفتي يا خسارة بعد إيه
بتبكي، بتبكي ليه؟
ندمانة، أقولك إيه؟
بتبكي، بتبكي ليه؟
ندمانة، أقولك إيه؟
بتبكي، بتبكي ليه؟
ندمانة، أقولك إيه؟
بتبكي، بتبكي ليه؟
ندمانة، أقولك إيه؟
بتبكي، بتبكي ليه؟
ندمانة، أقولك إيه؟
بتبكي، بتبكي ليه؟
ندمانة
بلاش تعقيد
يلا إفرجها بلاش تعقيد
عمري ما يوم الحزن يفيد
إضحك كدا
كدا كدا كدا
إضحك كدا خليها على الله
شوفلك غيرها هتلقى إن شاء الله
إضحك كدا
كدا كدا كدا
أخدت قلبك أهي شايلاه
خطفت عقلك حول الله
راحت منك، طب ما تروح
بتحبها، حبها بالروح
يلا إفرجها بلاش تعقيد
عمري ما يوم الحزن يفيد
إضحك كدا
كدا كدا كدا
إضحك كدا خليها على الله
شوفلك غيرها هتلقى إن شاء الله
إضحك كدا
كدا كدا كدا
مفتش ليه
ما فاتش ليه؟ جراله إيه؟
بقالي يوم بستنى فيه
جراله إيه
كاوتش نام؟ ولا الزحام؟
دا معادنا كان خمسة تمام
كدا ولا إيه
عربيتين رايحين جايين
وناس كتير متطفلين
وهعمل إيه
خمسة وكسور وإيه هقول
لما المرور يبقى عزول
وهعمل إيه
ما فاتش ليه؟ جراله إيه؟
بقالي يوم بستنى فيه
جراله إيه
كاوتش نام؟ ولا الزحام؟
دا معادنا كان خمسة تمام
كدا ولا إيه
عربيتين رايحين جايين
وناس كتير متطفلين
وهعمل إيه
خمسة وكسور وإيه هقول
لما المرور يبقى عزول
وهعمل إيه
ماتفكريش
ما تفكريش علشان بحبك
ما أقدرش يوم أستغنى عنك
ما تفكريش علشان بعدتي
هبقى إنتهيت أنا والحياة
لا لا لا لا لا
بوجودك إنتي باقية الحياة
من غيرك إنتي دايمة الحياة
ما تفكريش علشان بعدتي
هبقى إنتهيت أنا والحياة
لا لا لا لا لا
حبك في قلبي هيعيشلي دايمًا
وهيبقى ذكرى وعادي جدًا
هعيش حياتي وأحب تانى
دا شىء طبيعي في الحياة
ما تفكريش علشان بحبك
ما أقدرش يوم أستغنى عنك
ما تفكريش علشان بعدتي
هبقى إنتهيت أنا والحياة
لا لا لا لا لا
قربى
هو الربيع
جماله ويل
من غير ورودك
قربي قربي
في قلبي خوف
ما أعرفش ليه
محتاج وجودك
قربي قربي
إرمي شال
حبك عليا
دفيه بصوتك
قربي قربي
غنوا للحياه
غنوا للحياة غنوة الحياة
قول كلمات الغنوة
طول عمري أصيلة وحلوة
إن يوم لقيتني صعبة
إبتسم ليا وإضحك
ومسيري أضحكلك مرة
غنوا للحياة غنوا للحياة
غنوا للحياة غنوا للحياة
غنوا
غنوا للحياة غنوة الحياة
قول كلمات الغنوة
طول عمري أصيلة وحلوة
إن يوم لقيتني صعبة
إبتسم ليا وإضحك
ومسيري أضحكلك مرة
غنوا للحياة غنوا للحياة
غنوا للحياة غنوا للحياة
غنوا
غنوا
غنوا
غنوا
غنوا
غنوا
غنوا
بتقول الغنوة كمان
وكلامها للإنسان
إبعد عن الهموم
وعيش الحب يوم
هتلاقي الفرحة تدوم
والحظ هيجي معاك
وتطول ضحكة سماك
غنوا للحياة غنوا للحياة
غنوا للحياة غنوا للحياة
غنوا
غنوا للحياة غنوا للحياة
غنوا للحياة غنوا للحياة
غنوا
غنوا للحياة غنوا للحياة
غنوا للحياة غنوا للحياة
غنوا
8 ديسمبر
في يوم 8 ديسمبر من عام 77
إتقابل ناس كتير وإفترقوا ناس تانيين
وبين زحام البشر تحت المطر والقمر
وبين زحام البشر تحت المطر والقمر
تحت المطر والريح، جريح شكا لجريح
تحت المطر والريح، جريح شكا لجريح
إتعرفوا الروحين وإتوحدوا الجرحين
كان يوم لكل الناس لكنه كان يومنا
كان يوم لكل الناس لكنه كان يومنا
تاريخه في قلوبنا في صحونا ونومنا
زي الميلاد والموت مهما الليالي تفوت
زي الميلاد والموت مهما الليالي تفوت
محفور على القلبين
محفور على القلبين
عصف الزمان
آه من الزمان ولا قدرش عليه
عصف الزمان
آه من الزمان ولا قدرش عليه
مين ينسي أول يوم قابل حبيبه بيه
وجري الزمان بيها يلعب بأمانيه
وجري الزمان بيها يلعب بأمانيه
لحد ما لقينا طريقنا بقى طريق
ماما ستو
يا ماما ستو يا سكرة
إن شا الله دايمًا منورة
إحكي لنا حدوتة يا ماما ستو
بس إوعي تطلع قصيرة
يا ماما ستو، يا ماما ستو، يا ماما ستو الحدوتة إيه؟
كان فيه بنوتة حلوة وكتكوتة
واقفة مكبوتة شاعرة بالنقص
قال إيه يا إخواتي
لا إبن الساعاتي ولا إبن الحاتي طلبوها للرقص
يا ماما ستو بلاش تهويش
أيامكو كان فيه رقص كمان؟
طب حزموني وسكوا الشيش
وإتفرجوا على رقص زمان
آه يا لالالاي يا لالي
آه يا لالالي يا ليل
آه يا لالالاي يا لالي
آه يا لالالي يا ليلي يا عين
يا ماما ستو، يا ماما ستو، يا ماما ستو وبعدين إيه؟
مركونة على الحيطة
والدنيا زيطة
قلع البرنيطة إبن السلطان
وجالها بنفسه وطلبها تراقصه
الناس الفالصو قالوا دا سكران
وهو ولا سكران ولا حاجة
إلا بجمال بنت الطحان
رقصت معاه في الحفلة آلاجه
أحدث وأجدد رقصة كمان
آه يا لالالاي يا لالي
آه يا لالالي يا ليل
آه يا لالالاي يا لالي
آه يا لالالي يا ليلي يا عين
يا ماما ستو، يا ماما ستو، يا ماما ستو وبعدين إيه؟
قدمها لمامته وباباه وبطانته
قالتله طنطه دي جميلة صحيح
وأخرج يا منادي وقول يا هادي
يا أهل المدينة دي قيموا التفاريح
ولي عهدكو نقى نقاوة من وسطكم وإسمها أشجان
الشعب بات يرقص يا حلاوة
للصبح طبعًا رقص زمان
آه يا لالالاي يا لالي
آه يا لالالي يا ليل
وتوتة توتة فرغت يا لالالي الحدوتة
وأنا أعمل إيه
اه يا لالالالي أوليه
الشوارع حواديت
الشوارع حواديت
حوادية الحب فيها
وحوداية عفاريت
اسمعي يا حلوة لما اضحكك
الشارع دا كنا ساكنين فيه زمان
كل يوم يضيق زيادة عن ما كان
اصبح الآن بعد ما كبرنا عليه
زي بطن الأم ما لناش فيه مكان
الشارع دا رحنا فيه المدرسة
اللي باقي منه باقي
واللي مش باقي اتنسى
كنسوه الكناسين بالمكنسة
ييجي دور لحظة أسى
أنا برضه كمان نسيت
الشارع دا أوله بساتين
وآخره حيطة سد
ليا فيه قصة غرام ماحكيتش عنها لأي حد
من طرف واحد وكنت سعيد قوي
بس حراس الشوارع حطوا للحدودتة حد
الشارع دا شفتك إنتي ماشية فيه
لابسة جيب وبلوزة وردي
وعاملة ديل حصان وجيه
اتجاهك اتجاهي مشينا ليه
والشارع دا زحام وتيه
بس لازم نستميت
والشوارع حواديت
حوداية الحب فيها
وحوداية عفاريت
واضحكي يا حلوة لما اسمّعك
افيفا الهوى
يسعد مساكي يا حياة
وإن شا الله تسلم يا هوى
والوقت دا لا حزن لا
لا مغنى غير مغنى الهوى
وبكرة جاي، أي والله جاي
وبكرة جاي، أي والله جاي
والبسمة تكتب على الهوى
أڤيڤا أڤيڤا أڤيڤا الهوى
أڤيڤا أڤيڤا أڤيڤا الهوى
الدنيا ضحكة مهفهفة
والحب غنوة مرفرفة
مالي حياتنا بالدفا
بيسير في طرقات الوفا
وبكرة جاي، أي والله جاي
وبكرة جاي، أي والله جاي
وهنبقى فوق المستوى
أڤيڤا أڤيڤا أڤيڤا الهوى
أڤيڤا أڤيڤا أڤيڤا الهوى
يسعد مساكي يا حياة
وإن شا الله تسلم يا هوى
والوقت دا لا حزن لا
لا مغنى غير مغنى الهوى
وبكرة جاي، أي والله جاي
وبكرة جاي، أي والله جاي
والبسمة تكتب على الهوى
أڤيڤا أڤيڤا أڤيڤا الهوى
أڤيڤا أڤيڤا أڤيڤا الهوى
لا عيون متنهدة
لا شفايف مترددة
يا أماني مشتتة
إرسم هوانا على المدى
وبكرة جاي، أي والله جاي
وبكرة جاي، أي والله جاي
وهنبقى فوق المستوى
أڤيڤا أڤيڤا أڤيڤا الهوى
أڤيڤا أڤيڤا أڤيڤا الهوى
