كان وكان - احمد منيب 1984
انتاج: شركة صوت بيروت
الأغاني:
الحان: احمد منيب
توزيع: محسن عادلى
كان وكان
كلمات: مجدى نجيب
روق بالك
كلمات: مجدى نجيب
الدنيا نصيب
كلمات: مجدى نجيب
بابا يا بابا
كلمات: احمد عباس
انسى الجرح
كلمات: اكرم المجدوب
مفيناش من الخوف
كلمات: محمد القصاص
مصرية نوبية
كلمات: محى الدين شريف
فينك يا مشوارى
كلمات: محمد زادة
على شط النيل
كلمات: مجدى نجيب
كلمات الأغاني:
كان وكان
كان وكان وكان
كان في ليا حبيبة.. كان في ليا نصيب
الغربة ديه غريبة غريبة.. غيرتني من زمان
كان وكان وكان
كان في زمان اهاليك
يا صاحبى وكان فى الدنيا ليك
مطرح ومرسى يرسيك.. لأى مكان فى الدنيا كان
كان وكان وكان
كان فى قلوبنا ناس.. كان فى عيونا ناس
كان دنيا من الاحساس.. وراحت من زمان
كان وكان وكان
كان في زمان مزازيك.. كان في زمان الحب
اتقفلت شبابيك واتغير المكان
كان وكان وكان
كان في ليا صاحب .. كان ع الدنيا متصاحب
مكان ما يمشى يتعاجب.. واتغير الزمان
كان وكان وكان
كان في ليا أب.. كان فى ليا ام
وسابونى فى درب صعب معرفتش الحنان
كان وكان وكان
روق بالك
روق بالك ليه تحتار ليه تتغير كده فى الحال
شوف ضحكتنا احلى نهار وادى صحتنا عال العال
مرة حاولنا وسالناه خد على خاطره وقالنا اه
ليه الشكوى يا صاحبى وليه منقولش يا دنيا الله
مهما حكاية حزن غريبة احنا الفرحة قصادنا قريبة
هى الدنيا ساعات وساعات وبتغير حال عن حال
ليه بتفكر انك صح ليه بتحب تكون الغالب
ليه بتعيش فى هموم الجرح ليه بتعيش الفرح الغايب
مهما حكاية حزن غريبة احنا الفرصة قصادنا قليلة
ادى الدنيا كتير مرات بتقربنا ساعات وساعات
ليه بنقول دى حياتنا وبس احلى ما فيها هو الامس
كل كلامنا ليه بالهمس ليه بنرص الحزن ده رص
هى الدنيا تحب ساعات تلعب بينا ساعات وساعات
الدنيا نصيب
الدنيا نصيب الدنيا نصيب ولكل منا نصيب
نحب نكره ده نصيب نتوه وننسى ده نصيب
نغيب ونرجع ده نصيب الدنيا نصيب الدنيا نصيب
بلف فى المدينة اعيش فى عيون حزينة
ونفسى اكون جنينة وضلى يكون ربيع
بلف فى الشوارع بلاقى القلب ضايع
وانا بعشق الجميع
بقول انا ده طريقى وهو ده صديقى
ولو هابل ريقى هايبقى من الربيع
الدنيا دى مرسومة والقسمة دى مقسومة
وانا فرحى للجميع
بابا يا بابا
بابا يا بابا يا ضي عينينا
مين بتحب الاكتر فينا
اسمعوا يا حبايب قلبي
يا زهور الحب الوردي
لما الايام بتعدي
برسم فيكم احلامي
ده انت يا حبيبي الوردة
وانتي يا روحي الياسمينا
بابا يا بابا يا ضي عينينا
مين بتحب الاكتر فينا
لما تهلوا عليا وتيجوا
قلبي بيبقى الفرح طريقه
تمسحوا تعبي وتمسحوا حزني
انت يا حبيبي دوايا
وانتي النسمة في لياليا
بابا يا بابا يا ضي عينينا
مين بتحب الاكتر فينا
ماتقولوش مين اللي اكتر
ماتقولوش يا حلمي الاخضر
انتوا اولادي وحبايبي
اللى ساكنين جوا قلبي
يالا بينا نغني غنوة
ويا تسقيفة ايدينا
بابا يا بابا يا ضي عينينا
مين بتحب الاكتر فينا
احنا واحد واحنا كل
احنا شمس واحنا ضل
بابا يا بابا يا ضي عنينا
قولوا يارب يخليه لينا
انسى الجرح
إنسى الجرح وياللا.. خلي عيونك طالة
دي الفرحة المستنية، والأحزان المنسية
بكرة الأيام الجاية تضحك من قلب الدنيا
انسى الجرح يا ما نسينا.. فينا جراح ياما حزينة
مهما إن طالت ليالينا، عمر ما تاهت خطاوينا
عيش أيامك واسقيها، من فرحة قلبك بيها
ارمي الشوك اللي ماليها، واروي زهور الخير فيها
انسى الجرح وهات إيدك، م الليلة الكل يريدك
والأيام بكرة تزيدك، وتغني غنوة عيدك
الدنيا هتغنيلك، وف لياليها تناديلك
وتنورلك قناديلك، والخير لازم هيجيلك
مفيناش من الخوف
مفيناش م الخوف.. مفيناش م الكدب
قلبنا ملهوف.. واشتاقنا يا حب
قلبنا قالنا: عمرنا قدنا يحلو الغنا لو كان م القلب
حزننا .. فرحنا .. دمعنا .. ضحكنا شيء ما بيدنا وكفاية نحب
من ايه هنخاف.. قلبنا شفاف.. حلو الأوصاف قلبنا لو حب
نكدب على ايه ونذوق ليه فى كلام معانيه طالعة من القلب
نمسك كلنا فى ايدين بعضنا.. قرب مننا الفرح يا رب
مفيناش م الخوف.. مفيناش م الكدب
قلبنا ملهوف.. واشتقنا يا حب
مصرية نوبية
مصرية نوبية
حبيبة سمرة خمرية
عيونها كحيلة عسلية
وحتي عينيها سحرية
وشوق ونغم وحنية
منين ما أروح .. وأدور سواح
وأقول أنسي ما بنساشي
وفين ما أروح .. حبيب الروح
مالوش تاني و مقدرشي
أداري حبي مقدرشي ..
ما هواش ذنبي مقدرشي
أنام وأصحي بتنهيدة تقول هي
حبيبة حنونة جوايا ومالية القلب حنية
وشوق ونغم وغنيوة
تخلي الدنيا حواليا
جميلة جميلة في عينيا
قابلت عيون قالتلي كلام
قمر سهران بلون فتان
سحرني الناي نغم أشجان
أقول أنتي يا خمرية
حبيبة سمرة مصرية
مصرية نوبية .. نوبية مصرية
حبيبة سمرة خمرية
عيونها كحيلة عسلية
وحتي عينيها سحرية
وشوق ونغم وحنية
منين ما أروح .. وأدور سواح
وأقول أنسي ما بنساشي
وفين ما أروح .. حبيب الروح
مالوش تاني و مقدرشي
أداري حبي مقدرشي ..
ما هواش ذنبي مقدرشي
أنام وأصحي بتنهيدة تقول هي
حبيبة حنونة جوايا ومالية القلب حنية
وشوق ونغم وغنيوة
تخلي الدنيا حواليا
جميلة جميلة في عينيا
قابلت عيون قالتلي كلام
قمر سهران بلون فتان
سحرني الناي نغم أشجان
أقول أنتي يا خمرية
حبيبة سمرة مصرية
مصرية نوبية .. نوبية مصرية
فينك يا مشوارى
فينك يا مشواري
يا أبو المشاوير يا مشواري
قريب من خطوتي
ولا لسة كتير يا مشواري
صبرت كتير ومستني
وخايف عمري يسبقني
يا مشواري ما تسمعني
أنا عارف تمام إنك
لا متمهد ولا انت حرير يا مشواري
مشيت ومشيت ولا تعبتش
خطاوي ياما ماتعدش
وكل خطوة تهد
أرفع حمولي وأشد
أمشي وعيوني تمد
أخرك يا ليلي فجر
يشقشق في الخلا ينعش
ولو فاكر مالكش كبير
أنا جايلك يا أبو المشاوير يا مشواري
يا مشواري أنا شايفك
خطوط مرسومة فوق كفي
قصاد عيني ومني قريب
ونا ماشي كأني غريب
أتوه واسأل عشان آلقاك
يا باقي العمر هتكفي؟
على شط النيل
كان ماشي على شط النيل
كان ماشي يغني المواويل
من قلبه يقول الآه، وكلامه نور قناديل
قابلته نسمة شاردة
ونجمة عيونها فضة
وقمر فوق راسه وردة
وناس بساط كتار، بيغنوا للنهار
قال ومال على الموال: الله عليك يا نيل
كان ماشي على شط النيل
